鵜舞

Open Now

Now Closed

星期六去完D2 Place weekend market，經過地下有一間裝修好日本既居酒屋，同朋友一行二人就入去試一試。好彩我們很早六點更入座，大約七點左右已經見到餐廳滿咗九成。環境設計充滿日式居酒屋風情，咁啱隔離位係日本人，有一刻感覺置身係日本，暫時未能去旅行，來這裏感受下也不錯😊 Menu選擇好多，刺身、壽司、串燒、爐端燒、天婦羅、鍋物勁多選擇，對於有選擇障礙的朋友，可能需要點時間選擇🤣經職員介紹，我們點了一支sake 山形縣 山法師 雪女神食物方面我們點幾款串燒，當中雞皮及阿波尾雞翼10分出色🤤雞翼特別大隻，一點都唔肥但肉質鮮嫩多汁，我們每人食左兩隻，這是必點item！雜錦天婦羅，不厚粉，恰到好處芝士玉子燒 - 芝士同蛋卷比例剛剛好，一定要趁熱食牛舌師傅啱啱燒到粉嫩，十分juicy整體食物都好有質素，餐廳氣氛也不錯下次可以多啲朋友一齊去，正

一直都想試下喺D2 place呢間日本野，不過硬係覺得有啲貴冇試到，於是終於等一個特別慶祝日子去試下！入到去個環境真係有啲去咗日本嘅feel，好正，不過我冇叫刺身呀果啲貴價野，食啲其他菜色，反而好有驚喜！碎蔥吞拿魚腩卷，呢個真係好好味，啲吞拿魚腩同碎蔥一齊食好正，每件都好足料好多吞拿魚！厚燒明太子蛋捲，好鍾意食明太子，唔係度度都有，佢仲要落重本好大舊明太子喺入面，好好味又好抵食。食咗幾個串燒，有豬肉蘆筍串，雞脾大蔥串，我最鍾意係芝士雞肉串，佢啲雞肉唔係一般雞肉，係有啲好似係雞軟骨喺裡面咁，有啲咬口，幾正!蕃茄牛肉壽喜燒，最特別係佢點果個蛋係發到起泡，等啲蛋可以更均勻咁沾上舊牛肉度，而且口感更加豐富，有心思!另外有叫燒肉，一個牛肉，一個厚燒牛舌，雖然牛肉好味，但牛舌係仲好食，燒得啱啱好，外面脆裡面好軟林林。其實仲叫咗燒飯團同三文魚茶漬飯，不過呢兩樣都係好正常，唔係太驚喜，不過整體嚟講好有水準，有個靚女侍應仲好有禮貌同耐性，令人食得更舒暢。4個人食咗$800幾蚊，一啲都唔貴! 下次會帶其他朋友嚟再食過!