御品·千之味 (深水埗) (Closed)

人均200鬆啲抵食二人餐，用料大方食材新鮮，唔怪得咁多人食！・・・・・・・・・・・・・・・・・・・・二人套餐A餐 HK$438＞ 包麵豉湯、飲品（各2份）🥗 前菜：角切魚生沙律・味道：魚生好足料，撈底仲有好多魚生！全部都好食好新鮮。・口感：fresh同新鮮，解凍做得好唔會好凍。🐟 刺身：三文魚、吞拿魚赤身、赤蝦（各2件）・味道：全部都好食，厚肉，掂！麻麻吞拿魚嘅我都覺得好食，唔會有陣唔新鮮嘅味(唔識形容但唔食吞拿魚嘅就會明XD好多廢話)・口感：刀工好好，逆紋切唔會食到成口筋，當然用料都要唔錯先夠軟。🍣 壽司：帶子、油甘魚、親子花之戀（各2件）＋三文魚小卷6件・味道：同上XD・口感：繼續同上XD🦑 小食：唐揚魷魚鬚・味道：惹味，炸皮同魷魚肉比例好好，而且冇皮肉分離，有驚喜到欸～・口感：凍咗都好食XD🍳 小食：厚燒玉子（4件）・味道：蛋味足，好厚實。・口感：再嫩啲更好，但未到鞋嘅所以都不錯。🍛 和食：辣香三文魚炒飯・味道：香口惹味，食食下好快就食晒！・口感：飯粒分明又唔會食食下好油，不錯。🍣 火炙左口魚邊壽司 (2件) HK$28 (散叫)・味道：本波大愛左口魚，呢間就係想像中嘅好味，燒到

朋友返工返深水埗，呢日等佢收工食飯，眼見周圍都係粉麵店，想搵間坐得舒服啲既餐廳都無行到攰終於喺警署對面街俾我搵到間四四正正既日本餐廳，諗都唔洗諗就入左去定食都係百零蚊，但朋友話唔係太餓，就決定散嗌。店內既配料都好講究，右邊係for刺身既豉油，味道較鹹；左邊係偏淡同甜既豉油，for壽司既。三文魚壽司黑椒味唔算突出，經火槍燒過油香十足，口感嫩滑易化；鰻魚壽司薄身無骨。龍蝦沙律入口鮮甜，真係有一隻隻爽彈既小龍蝦肉包住飯粒既紫菜新鮮，唔會擺到淋哂咁，唔洗額外點豉油都夠哂味。吞拿魚食落唔腥，配以三文魚同爽口既青瓜，口感清新豐富。玉子上枱時仍然新鮮熱辣，唔會太甜又有蛋香，如果再厚身啲口感會更好雞肉食落好爽口，口感似肉腸，啖啖肉每次食日本野都必點既炸軟殻蟹，每件都大大件，夠厚肉，食落脆卜卜好香口，係略油左啲啲，不過經油炸都正常見周圍既食客好多都點定食，賣相好豐富咁，下次再黎一定要試下

愈平民既地區隱藏愈多好西雖然係舊區 偶然都會嚟呢度搵食因為價廉物美質素好御品千之味 近西九龍廣場附近小店來講座位唔算太多坐得都舒服😌店員同我地介紹有兩款豉油一隻係點刺身用嘅昆布豉油令一隻係壽司用嘅甜豉油估唔到豉油都有分兩種厚燒玉子蛋味濃小小甜味 配埋沙律醬海膽軍艦海膽鮮味十足 冇發黑份量都好多 抵食👍🏻👍🏻五品刺身一次過試晒五款刺身啱晒為食又揀唔到嘢食嘅我甜蝦爽口 一啲都唔霉冷烏冬仲有配青瓜絲蟹柳絲食落去清清地加埋麻醬 味道剛剛好 唔夠醬仲可以問店員再加非常抵讚👍🏻👍🏻👍🏻👍🏻個雞扒食落去唔鞋味道唔濃芝士炸蝦卷新鮮炸起脆卜卜最後仲有雪糕糯米糍

今日去深水埗特賣場買野，順便周圍行下搵間店食晚餐。西九對面一路行都有好多野食，見到呢間日本野就想食壽司，見佢都幾多人下應該幾好所以就入左去試。主打都係嗌壽司食，第一轉嗌左生牛肉、火炙壽司拼盤，因為所有火炙壽司都想試，睇下邊款鐘意食多啲可以再嗌。生牛肉壽司我就覺得都唔錯既，食落幾fresh。而火炙壽司入面最正係火焰芝士三文魚壽司同左口魚邊壽司。啲芝士融化左係三文魚度，兩樣野好夾，口感一流。左口魚就有少許入口即溶既感覺，所以呢兩樣再叫左一份黎食。另外仲叫左三文魚腩壽司，呢個本身都好鐘意食，所以一次過叫左三份，齋睇比想像中好似唔夠腩，但食落都幾肥美鮮嫩。墨魚同北寄貝壽司味道正常爽口彈牙，所以都再叫左黎食。小食就嗌左厚燒玉子，本來以為會有d醬汁係上面，點知咩都無，不過好彩就咁都好食，暖暖地，入面個層軟過出面，食落幾有層次。店員好細心，同我地講左邊黑色係甜豉油，多數用黎點壽司，右邊白色係昆布豉油，多數用黎點刺身。店舖入邊都佈置左好多日本式嘅野，仲有一啲合照係壁報板上。雖然店舖感覺唔算大，但都容納到幾十人。埋單嘅時候仲會有粒雪米糍比你，好味又得意。