Lady M

Open Now

Now Closed

前排好忙，所以老闆見我地辛苦就請我地食野同飲野，而我地選擇左Lady M。唔知係唔係時間/地點嘅問題，我次次到海運大廈間Lady M都好多人，今次都一樣，不過我地外賣所以都ok。同隔離同事share左兩件蛋糕，開心果味同原味兩款。個開心果味好好食，不過開心果味唔太夠。原味清啲，比開心果嗰個creamy啲，兩款蛋都食到我

好多朋友未食過lady m都唔明點解經常有咁多人排隊食蛋糕但食過一次之後真係完全明白lady m優勝突圍的原因今日行開海港城，又比lady m吸引人流唔算太多，排十幾分鐘已經可以入座見到有限定既玫瑰千層蛋糕另外叫左一個原味軟綿口感加上淡淡的玫瑰花味班戟皮夠薄，唔似坊間有啲千層蛋糕好鞋口甜度適中，非常值得推薦原味更是經典仲叫左一杯玫瑰奶茶，茶味中帶點玫瑰清香，更顯清新用一試難忘形容lady m一啲都唔誇張，難怪呢度既蛋糕長年都咁受歡迎

對於一個學生嚟講價錢真係有d貴，不過為左獎勵下個胃都忍唔住一次又一次感走左去食 之前試過抹茶味，味道唔錯，係多奶味果種抹茶所以抹茶味唔算好濃，面頭有好多抹茶粉，幾特別，個人覺得麻麻地唔夠原味好食。今次要左一個原味同一個伯爵茶，原味真心係我食過最好食嘅千層蛋糕好有口感，因為我唔中意食d太creamy嘅蛋糕，呢種就啱啱好，有層次感之餘唔會太油膩伯爵茶味好似係香港獨有，淡淡茶味感覺好天然，食落好舒服，個人覺得比抹茶更值得試

剛巧在海港城食午餐，見到LADY M好多人排隊，但都抱住一試的心態照排隊（其間好多mainlanders打尖）。。。。等左30分鐘到，就有位，都算耐。其實LADY M坐位既setting我唔太喜歡，又細，中間有張sofa既物體，好逼。不過重點係個cake度，點了兩個cake，一是原味，二是伯爵紅茶千層蛋糕。伯爵紅茶千層蛋糕係好creamy，但比起原味會甜點，同有點"滯"。原味！！！真係大推，驚喜是不太甜，仲有陣好特別，類似炭燒的味道！！好難忘，正！ 價錢可能算是比較貴了，我覺得原味是值得再再再食！

第一次係8號風球食，排左約40分鐘就有得食。但當日只賣剩原味，所以只試得一款。原味味道稍甜，cream打得好滑，表面有層薄薄既焦糖，賣相靚。如自己一個食真係幾漏。今次係第2次食，因為要陪堂妹試下名媛蛋糕。我地約3:40pm去排隊，5點先有位。我地叫左抹茶同檸檬味。抹茶味既cream全部都加入抹茶粉，但始終都唔夠中村藤吉既抹茶咁濃，而且個cream都係略甜。檸檬味唔太出，同原味差唔多，如果檸檬味再多D會好D。同其他味道一樣，個cream都係略甜。另外，因為排得太耐，為左唔好蝕，我地想叫多幾件蛋糕外賣。但店員話外賣quota已經冇晒，唔做外賣，只做堂食。但當我問佢攞個盒同紙袋自己將堂食蛋榚包走就得，佢地幫你pack就唔得，真奇怪。好在佢地冇因為我攞左個盒同紙袋而收我錢。