串爆里居酒屋 (Closed)

叫咗個原條鰻魚飯(跟串燒牛+串燒雞+飲品) 本來$108咁多野食都對quality唔係好大期望點知條鰻魚上到黎厚肉到我嘩咗出聲 😋有我隻手掌咁厚 絕無誇大同飯嘅比例係1:1咬落去啖啖肉好肥美醬汁啱啱好唔會太鹹下面d飯加咗少少汁好有心思用火燒過個面加埋鰻魚一齊食好完美好幸福 🥰串燒牛肉好嫰唔會好似出面咁落好重味下次有機會一定要試埋其他串燒 😍由於要預好新鮮食材份量大家黎之前記住book位如果唔係可能會冇得食 🙊

家人生日去食飯，因為之前朋友話呢間野幾好食，所以我地訂左檯一行４人去食生日飯。入場唔洗再等真好!開頭見到個餐牌好似無咩特別咁，所以就是但叫左個燒芝士年糕、雞翼串、枝豆和芥末八爪魚等試下先啦。枝豆　—　熱熱的，有Ｄ咸味的。好食之後再來芥末八爪魚　—　用紫菜包住一起食。食到有日本酒的味道，又有芥末香味。我太太好喜歡呢個食物！燒芝士年糕　—　一定要講句　＂好好食＂、＂好好食＂、＂好好食＂　（講左３次啦，係香港人都一定明啦）原條鰻魚飯　—　係貴左小小，不過我都推薦大家食下。鰻魚肉好食、個汁撈飯真係冇野好講！荔枝煙肉卷　—　送酒小食一流。其他既都好食。環境舒服，店員服務有禮。

一間新餐廳，雖然主食唔多，只有三款飯，一款烏冬，但味道很不錯。燒烤種類有好多選擇，特別款式"煙肉荔枝卷"(但無影相)，值得一試！另外有調酒師，酒類款式亦不少。坐得幾舒服，座位唔會太擠迫。整體來講，值得再回來！