天寶閣

Open Now

Now Closed

因好久未來親親，青蛙要再嚐美味，享受悠閒高雅環境，價錢自然比一年前貴咗，加咗價。 薰素鵝$98，煙薰味濃，二三層薄薄甜腐片扎實捲住紅蘿蔔絲蘑菇碎，像粒粒紅色旗子，賣相加分，味道甜甜可口。 义燒包$68，皮鬆軟，酒店水準。 要揀小菜試，睇食評讚咕嚕肉$298，雖然簡單，又試吓，但上枱跟相片不同，相片係有些片狀，形狀大些，今次細粒冇肉味， 無肥肉，皮硬脆-香，但肉乾，看清楚原來2014年食評，可能有關廚師走咗，或一時失手？脆腰果，酸甜適中，掛汁，只可合格但失望，銀行公會同樣菜式較優勝。 白飯$20，腍，以酒店水準比較，就失色，家中米香軟好食過佢！

入了喜來登的餐飲會籍，所以特別來一試中菜 早一星期訂位一點去到差不多八成滿， 估唔到酒店平日嘅中菜廳都咁多人幫襯， 環境方面樓底比較矮，所以人多有少少嘈，但其實枱與枱之間係幾寬闊， 兩個人因為要留肚去食牛丸所以只叫了六樣點心！價錢方面因為冇影相，所以唔係好記得 ，除咗雞扎係38蚊一客，其他大約係58蚊至88蚊， 點心名可能未必正確！叉燒包/七分 ，質素唔錯但唔可以話係超好食，同出面普通酒樓 ，美心，新斗記差唔多蝦餃/八分 ，皮唔太簿唔太厚，餡料用嘅蝦真係好大隻好爽口，而且入面有筍粒味道唔錯，但講真味道其實我都係覺得富臨畀佢好少少 ，但講用料佢真係靚同埋好大隻， 但你亦都可以話大隻係佢嘅缺點！帶子腸百/八分 ，一碟有六件，每件入面都有 帶子，而且係鮮甜，唔似出面一般酒樓嘅帶子係冇味，當然佢收得呢個價錢七十幾蚊至八十幾蚊，用料要靚係當然!竹生雞扎 /七分 ，每客38蚊用盅上，有個蓋冚住以為是湯，感覺好名貴，餡料有一片好爽口嘅竹笙， 另有冬菇，魚肚， 雞件，食落一般正常好味，仲有一條好似筷子尾咁粗嘅鮑魚，但個人覺得係鮑魚食落係鹹咗少少！鮮蝦腐皮卷/七分 ，一客三件每件大約似5蚝咁粗，入面啱啱