澳洲牛奶公司

Open Now

Now Closed

首先，叉燒肉並沒有外皮酥脆及入口即化。但這𥚃通粉與叉燒是天作之合。加上胡椒粉的點綴，辣辣的辛辣感讓通粉有本身的味道加入濃厚的氣息。餐廳並不是講求優質用餐體驗，但食炒蛋及多士會令當日愉快。因為炒蛋同多士係典型香港仔每一闈都會食到的東西。另外，一杯奶茶讓今日疲勞一掃而空。總的來說，我對這澳牛的叉燒通印象非常好。他們的叉燒肉味道濃郁，且價格合理。如果你是叉燒通的愛好者，強烈推薦黎感受快樂又快速的餐飲文化🥳🥳

吾好比出面人龍嚇到，你好快就可以入座茶餐：叉燒通，抄滑蛋，烘底多士，凍朱古力用5分鐘就到齊所有食物叉燒分量吾少滑蛋份量吾少，勁滑火腿滑蛋多士一齊食，無得頂雖然今次無影到雙皮奶，但大家如果二人同行可以share 到一定要試！

相信大家都對澳牛不陌生多年來人氣依然高企 今次到訪竟然不用排隊由落單到出餐時間三分鐘內完成完全是快靚正之選！⁡▪️茶餐 $46 (+$2凍飲)【牛油方飽/多士、火腿煎蛋/炒蛋、叉燒湯意粉/通粉】永不過時的經典配搭！牛油多士依舊出色🧈外面烘到微焦 加上融化的牛油 入口又脆又香👍夾著火腿炒蛋一起吃真的不得了🍳炒蛋很嫩滑 不過今次有少許太鹹⁡叉燒可配湯意粉或通粉個人較喜歡叉燒意粉 如果吃火腿就配通粉！來到最後的飲品才是精粹🥤超愛這杯凍荷蘭唂咕！似少甜的凍朱 又似美祿和阿華田真的超濃呀！❤️熱咖啡都幾好香 夠曬醒神👍

人氣老字號嘅澳牛係人都知澳牛咩料啦首先要讚係澳牛真係幾為員工著想(但唔知佢對員工嘅待遇如何啦)話說上年小妹忽然好想去食一去到見到貼咗紙話疫情嚴重 為員工健康著想自行停業雖然我就撲空 但都覺得好有人情味💛另外好多人都對佢哋嘅服務態度有好多意見老實講 我未試過比佢哋串/ 趕/ 唔禮貌咁對過反而一入到去 侍應已經自動自覺拎櫈比我哋擺袋(眼見對其他客都係)出面有人龍 佢哋係會見到食完就收碟我覺得都正常 但都從來無開口催過反而仲叫我慢慢飲埋杯嘢先走都得😆(唔知同我操流利廣東話有無關😂)星期日2點去都要排十幾廿人好彩turnover快 實質等咗10分鐘內✌🏻門口已經叫你填定表/ scan定 #安心出軌之後有位就即安排入座成個流程都好smooth 安排得幾好茶餐 (+$2配凍飲) $48叫完餐 一如以往 快速上餐好啱成日趕時間嘅香港人食🤣叉燒可轉火腿/ 牛肉下次想試牛肉🐮叉燒意粉/ 通粉 🙆🏿‍♀️唔好睇佢好似咁少料咁其實啲叉燒喺晒個底到意粉同通粉都屬正常唔會好淋 有少少咬口嘅而湯都算濃味 雖然唔係忌廉雞湯嗰款 但都幾正火腿炒蛋多士 🙆🏿‍♀️厚多士唔駛加錢炒蛋煎蛋任你揀最後仲有兩塊火腿雙蛋好大份 好足

間餐廳好出名 所以想食好耐 終於比我試到 有幾值得去食🤣🤣🤣雖然店入邊有好多人 但等位嘅時間10分鐘都冇😎因為座位算多 而且效率好快😎由叫嘢食 到上菜 可能真係1分鐘都唔使🤪店內有好多店員 大家嘅服務態度都好好🙈不過有時佢地會比較心急 想大家快d order 所以記得睇曬食乜 先order 😚本人非常十分推介 呵嚦走(好立克落煉奶)🥰因為唔係好多茶餐廳都有 而且澳牛嘅呵嚦走 甜度適中 好好飲 🤩另外 因為店內大枱比較多 所以如果少人去 有機會要同人地答枱🙈仲有就係 因為店內冷氣較大 有需要要帶件外套😚

今晚朋友話想食西多士，印象中澳牛都有西多食嘅，所以帶左佢來食。半年無來竟然唔駛等位，疫情下少了許多遊客來幫襯。少左食客以為今次會食得唔趕，但由於《預防及控制疾病條例》有效期間，食店枱與枱間距需多於1.5米，見在場餐枱疏落坐位相當有限，見侍應更加勤快。埋位唔到5秒就問食咩快到呢，落單至上餐都勁快，食完不過半小時。法蘭西多 $26荼餐無得方飽轉成西多，所以只好另外叫啦，西多賣相金黃靚仔四正，可惜方飽得一片不厚身，蛋漿也不厚，奶油不多唔夠邪惡，無特別驚喜。荼餐 $46包了牛油方飽、火腿炒蛋、叉燒通粉、熱阿華田。炒蛋好滑調味唔錯，方飽夾住蛋食和就咁食都咁好味。叉燒通粉叉燒有D 肥大致OK。杏汁燉雞蛋 $30杏汁味好出好濃味，啖啖蛋香。香滑蛋白燉鮮奶 $30不錯的甜品，滑滑的口感，燉奶味比較燉蛋清，好好味。

好早罷工嘅小黃店💛啲人成日話呢度啲侍應哥哥好差禮貌 但係我食過幾次覺得都還好😌可能因為我個人本身細膽 我對佢哋100%客氣😈·叉燒通粉 $32因為我今次自己一個人食 我應該食唔晒個餐 所以我就咁單叫咗一個叉燒通粉😎呢度嘅叉燒通粉真係好好食 佢個通粉係冇坑紋個種 我自己好鍾意 佢啲叉燒就係瘦個種 但係瘦得黎又唔會好鞋 都ok keke·#rbyeat#rby港式#rby小黃店#rby佐敦·📍佐敦白加士街47-49號地下

終於都輪到寫一寫澳洲牛奶公司。其實係冇嘢好寫, 因為無論係好嘅食評或唔好嘅食評, 佢門口都係一樣大排長龍, 問你怕未!?唔經唔覺, 茶餐已經加到46蚊。但係如果你發現佢旁邊個啲「二打六」茶餐廳都係賣緊呢啲價錢, 你就會覺得澳洲牛奶公司一啲都唔貴。我哋嗌咗兩份: 茶餐, 多士, 轉炒蛋, 轉叉燒通粉, 一個熱奶茶, 另一個叫凍檸茶。(以上係落單嘅「急口令」, 要練熟咗先至好入去澳洲牛奶公司 落oreder, 否則會被「伙記哥哥」嘴藐藐。真係唔講啲嘢好唔好食喇, 再講都嘥氣啦~~~ 只講一句啦: 「澳牛炒蛋, 香港 No.1; 奶茶香濃幼滑; 通粉湯底濃、厚、味鮮。」- - - 佢哋收晚上11點。由於我哋10點30分嚟食宵夜, 人流唔算繁忙, 伙記哥哥們地都好友善, 有講有笑, 氣氛輕鬆。我哋亦都唔需要以光速嘅速度去完成。去到10點50分嘅時候, 伙記哥哥跟前面有一檯嘅客人講: 「Last Order, 仲有冇嘢叫?」, 客人唔識死, 回答:「遲啲先, 等我睇睇……」, 呢個時候, 我見到伙記哥哥嘅嘴巴已在微微郁動, 看似是用無聲嘅咀咒緊依這位客人。 客人都知道瀨咗嘢, 隨即 order

每次路過澳牛，一定會大排長龍至少都有二三十人一直排，排到街尾，旅客又有，上班族又有，所以澳牛從來都不是我食lunch的選擇，因為食飯時間有限，排完好耐隊，入去食又要倒水咁倒落口😅不過有次好難得地見到澳牛竟然無人排隊，入面仲要有空位😳（可能因為黃雨，天雨路滑的關係🤔），所以同事就捉住我入去食😂由於事出突然，所以我和同事入到去的時候，都真係要諗下食咩先🙈雖然澳牛出名快、靚、正，但也因為要快，伙記都出名「惡」，據聞落單要快，食要快，食完就會收晒你d野，想你快d走😂我地口窒窒地落單，因為太少黎食，不過好彩個日幫我落單的伙記心情好，所以即使佢企左係到等我地諗好食咩的時候，都無催我地，可能「惡」伙記只是個別事件👻澳牛有早餐（7:00-12:00）和茶餐（12:00-23:00），和全日供應的快餐我地去個陣係12點，伙記就叫我地叫茶餐啦😂茶餐有牛油餐包、火腿煎雙蛋、叉燒湯意粉、咖啡或茶（凍飲要加$2）原本以為叉燒湯意粉可轉別的餸，如沙嗲牛肉，但原來叉燒係無得轉 只可以轉麵😟所以我就轉左叉燒湯通粉火腿煎雙蛋可轉炒蛋眾所週知澳牛炒蛋出晒名，識食一定係食炒蛋🙈叉燒湯通粉一睇就知湯底都唔簡單，呈金黃色，可能

今日下午我們去咗佐敦白加士街嘅「澳洲牛奶公司」食下午茶！我們叫咗幾份茶餐，套餐有火腿煎雙蛋同叉燒湯通粉，蛋白燉鮮奶同杏汁燉鷄蛋！火腿煎雙蛋嘅雙蛋煎得好靚好太陽蛋！叉燒湯通粉嘅通粉比較腍身，唔係好彈牙，叉燒嘅肉質好鬆軟！蛋白燉鮮奶非常香滑，奶味相當濃郁，味道亦唔會過甜！杏汁燉鷄蛋嘅杏汁味道超芳香濃郁，味道相當香甜！不愧係招牌孖寶！

上堂上到九點幾 感謝男朋友等左我個幾鐘由於我地都餓到就黎暈所以就想搵快餐食見到澳洲唔洗排隊就即刻衝入去雖然話已經九點幾但仍然爆棚！好犀利呀 一如以往一坐低就落單，唔洗兩分鐘的食物已經到左 炒蛋真係好好好好好味！又滑又香但唔膩火腿就普通野啦，但多士都唔簡單，屬於比較厚身既白麵包，好有質感，烘完外脆內軟加埋香滑牛油真係好正 叉燒通粉，通粉煮得好軟，的湯好甜同平時的味精湯有的唔同喎！多左的鮮甜味。叉燒就普通野啦，好在唔會硬再飲杯香濃熱奶茶，的茶好勁！成晚訓唔著添好滿足既一餐只係用左十五分鐘，哈哈！

要作為稱職香港人，一定要有食過呢間嘅光速餐！首先大家唔好畀條長龍嚇到，就算係排到去雜貨店（經常）都係十五分鐘左右有得坐低食。坐低就唔好諗咁多，直接叫個餐啦，因為絕大部分香港人都唔會嗌上述以外嘅嘢食！但千祈唔好宜家就落嘢飲，因為佢會用好獨特嘅態度同你講張枱冇位擺。叫得光速餐，佢落單到有嘢食係講緊兩三分鐘嘅事。一般而言即上嘅炒蛋火腿厚多士係可以即刻擺落口，炒蛋滑嘅程度...要睇師傅心情，但次次去都基本滿意嘅！蛋味好出（可能好多蛋黃？），多士夠脆，牛油味都係恰到好處，啱啱夠鹹又唔會油膩。重有差唔多時間上嘅係通粉，雖然係出煙，不過都係可入口程度。叉燒普通，唔好期待太高。（浸喺湯丫嘛）到最後食哂，佢收碟嗰陣就可以順手嗌嘢飲同叫佢畀單你。嘢飲方面不得不推薦凍朱古力，夠濃郁，夠味！凍奶茶都可以一試。跟著就可以起身攞埋張單出櫃檯畀錢。後記呢篇係集教學同食評於一身嘅原因係唔想大家去到嗌錢嘢畀人鬧。如果同女仔同行，可以嗌埋燉奶或者燉蛋。兩者都係味道濃厚嘅，但偏甜。最後，千祈千祈記著喺入面講粗口係會畀人鬧架！（好似係，之前有同學畀伙記x番轉頭：講乜x嘢粗口啊？！ 咁）For English readers,

工作完畢剛好6點, 經過這間出名的茶餐廳, 雖然自己一向不喜歡茶餐廳, 不過咁出名當然要試下啦! 剛6點已經要開始拉排隊, 幸好排了5分鐘已經可以入坐. 服務方面: 服務生雖然好忙, 但都有禮貌. 見我叫了荷包蛋, 還熱心推介炒蛋. 當然信他的推介啦~! 食物方面: 叉燒通粉: 叉燒分量ok啦, 不過要臢下湯, 味道是濃濃的雞湯味但不會油膩. 唔錯! 牛油多士加火腿炒蛋: 好戲上場! 多士外脆內軟, 而且牛油份量合當. 炒蛋更是我食過的最好食, 簡單的炒蛋要弄得好食其實真是不簡單! 牛奶炒蛋就是那麼香滑美味~! 一口脆多, 一口滑蛋, 口感豐富! 環境方面: 當然坐得不太舒服, 而且好迫, 不過這都是茶餐廳的特色吧~!

今天我和S小姐兩個陌路人中午時份到圓方看電影，不過在此之前，她要先到觀塘拿取眼鏡，取過眼鏡很，距離電影開場還有好些時間，我正在思考去那裡逛逛的時候，S小姐說想吃點東西，她說想吃「澳牛」。我知道S小姐在家已吃過腿蛋治作早餐，因此對於S小姐說想吃「澳洲牛奶公司」確實有點嘖嘖稱奇，因為這不都是很類似的東西嘛？不過既然時間許可，我也是樂意奉陪的。到了白加士街街頭，遠眺「澳牛」的方向，已經見到人頭湧湧，心想不會這時候也大排長龍吧？果不其然，「澳牛」門外確實排了十多二十人，我望了望S小姐，S小姐眼神沒任何動搖的神色，那也只好認了，乖乖的排隊吧！正當S小姐猛說天氣很悶熱時，其實人龍也在不知不覺間縮短的，這確實要歸功於一眾侍者的迅捷服務及安排，因此約十五分鐘左右，我們已經可以坐到店內了。簡單看了看放在枱面玻璃底下的餐單，也知道自己要吃什麼了。我們叫了兩份常餐，選擇的重點是：炒蛋 / 煎蛋，餐包 / 多士；我的要炒蛋及多士，S小姐要煎蛋以及多士走牛油（曾有朋友說過，到「澳牛」如吃煎蛋，不如不吃，我也問過S小姐這個問題，她以健康為理由，叫煎蛋只吃蛋白）基本上也不用等，侍應自會把食品以飛快的速度送過來的。S

每逢早餐及午飯時間，總是排長龍！但不需十分鐘，已經可以入座 不二之選，十二點前來，一定揀早餐，十二點後，就揀茶餐，分別只在於兩塊火腿因為一個餐都係$30，但係一個通粉或意粉，都要$20！方飽可以改多士；煎蛋可以揀太陽蛋或炒蛋；意粉又可以改通粉今日揀咗個蛋治 (唔駛加錢，哈哈)，因為我對火腿不感興趣，否則可以改為腿蛋治。蛋治足足有一吋厚，麵包鬆軟，非常好食；蛋嘅份量夠多，而且香而滑，不似一般滑蛋咁多汁，做蛋治最正；呢件蛋治，可以話全香港最好食。老婆就揀咗太陽蛋同方飽，麵包一樣鬆軟，牛油味亦夠香。叉燒通粉，保持一貫水準，湯底夠味，通粉軟硬度適中，不會太軟身，冇咬感，亦不會煮不透，太硬身；叉燒亦係一貫嘅偏瘦，可能唔想太肥，影響湯底吧！最後加兩蚊，要杯凍奶茶，茶香滑溜，係一杯有水準嘅奶茶，並非一般連鎖快餐廳可以媲美。其實，除咗茶餐外，這裡的蛋白燉鮮奶及杏汁燉雞蛋都好出名，不過我對此兩味不感興趣，所以不可評價，哈哈。承惠每位$32，不消十分鐘，就醫飽了，名副其實嘅快餐！