棋哥燒鵝餐室

Open Now

Now Closed

游完水在天后清風街買個外賣回家吃，棋哥燒鵝餐室外都幾多人在等外賣，又見到這個超抵外賣套餐就試一試。半斤叉燒加半隻雞才$123，真的幾便宜！【叉燒】選了半肥瘦，最喜歡甜蜜的叉燒汁，有淡淡桂花香味！個甜蜜度調味得剛好，沒有太咸。而叉燒的肉亦很出色，真是一半肥一半瘦，同時吃到瘦肉的質感又嚐到油脂香味。【桶子油雞】這個味道沒有特別深刻，不會太咸太油。反而雞肉鮮嫩無比，每個部位的肉都很滑，整體份量又不細，半隻夠3個人分享，抵吃！加了薑蓉撈飯超好吃。

去銅鑼灣行街之前同朋友約咗尋覓下天后有啲咩好嘢食，行行下見到呢間門口勁多人既燒味餐廳，上網check check之後感覺都唔錯，我哋就一齊等位入去食。等咗十分鐘左右度有位，我哋叫咗個二人餐再加個單拼飯去試下佢唔同既燒味。二人餐有最出名既棋哥燒鵝，佢俾咗隻脾我哋食，啖啖肉，又唔肥，好好味。另外一份燒味我哋就揀咗叉燒，份量勁多，唔會太肥，因為自己好怕肥既叉燒。朋友叫咗既米粉。二人餐包既例菜。另外散叫既燒腩仔飯($53)， 一個普通飯嚟講都算好多肉，份量好夠，啲肉又係肥瘦適中，層皮又好脆，正配埋杯涷奶茶！

今次專程黎到天后食燒鵝飯。而家好多左好多舖頭專食燒鵝飯，但係水準就唔係間間都咁好。我地叫左個二人餐，包括有燒鵝（例牌），叉燒（例牌），飯，油菜，飲品。另外加左個燒肉飯。燒鵝 - 好好彩師傅比左隻肶比我地。皮都算係有少少脆，有唔少肥，油香好夠。比我地果時候仲有少少暖。比起好多舖頭都要好。叉燒 - 肉好淋，偏向有啲肥。而且肉啲份量都幾厚身，食落幾滿足下。燒肉 - 皮硬左少少，但係算係脆身嘅。肉唔會過咸（尤其係近底嘅部份），肥瘦適中。

同阿媽在天后食完午餐，經過這間棋哥燒臘店，門口掛著很多燒鵝、叉燒及雞等，外貌吸引，所以買了些外賣作今夜的晚餐。燒味價錢同外面差不多，百多元一斤燒腩仔及叉燒。燒腩仔：外皮鬆脆而且不會燒得過火，師傅每舊切到大小差不多，一層肥一層瘦，不會太多肥膏，而且有肉汁，肉質不乾不鞋。叉燒：肥瘦均勻，表面的蜜汁不會太甜，肉質鬆化，越咬越有味，而且沒有雪豬味道。其實這裏的燒鵝應該是剛燒起，我見很多人都叫下午茶的燒鵝粉，下次可以一試。