刕舙馫麵館 (Closed)

住喺紅磡咁耐，一直都知道其實紅磡工業村嗰邊好多嘢食，以前就好鍾意有一間日本菜嘅，但係佢好似執咗去咗荃灣之後就冇再行過去嗰邊食嘢囉。今次見到佢開左間新麵店，係我最鍾意食嘅刀削麵呀！放工我屋企人兩個人食飯唔知食咩好求其食碗麵啦，然而佢啲刀削麵真係令我好驚喜！睇得出佢係自己整嘅，除咗粗幼唔一樣好有口感之外，唔會好似出邊果啲咁好粗好硬，掛湯都唔錯。見佢Menu上邊推薦嘅係牛筋腩，所以叫咗一碗，另外係見到檯檯都叫嘅口水雞。牛筋腩啲牛筋真係超級軟熟同入味，不過我覺得份量可以多番少少。口水雞認真出色，大大件嘅雞唔會剩係得骨，肉都好嫩滑，特別係個醬調製得非常好，唔會剩係得辣油，就算浸落去湯面度食都好夠味。餐飲跟豆漿。小食叫咗個口水雞醬嘅豆腐，豆腐都幾滑，有少少滷水左嘅感覺。

今日同朋友到紅磡食晚餐，想食下粉麵，見這間有刀削麵就入去試試。價錢合理、更有套餐包飲品等坐位置光亮的環境，以白色杏色為主，給人乾淨利落的感覺，大概有10張枱左右中式壁畫（不知是否山西的地方），大大張好搶眼！我們點了餐牌上有👍👍推介的麻辣口水雞及金沙骨刀削麵（2碗刀削麵）喜歡它配有翠綠青菜，健康又爽脆刀削麵好大碗，彈牙又有咬口呀喜歡連湯一齊食，美味可口（麻辣金沙骨）金沙骨炸得好香脆，肉腍又軟又易咬，喜歡骨位的我超級喜歡😘，唔油膩又有點辣香肉好軟唔肥膩，點湯單吃都咁好味（麻辣口水雞）雞肉好大件，滑滑黃色雞皮及嫩嫩雞肉好吸引剛剛好的熟度，好軟滑；口水雞的辣可以由客人自行選擇，辣味令雞肉更香更野味有香脆花生粒粒配上，好野味脆口青瓜好爽好入味又清涼