雲貴川

Open Now

Now Closed

學生年代到而家大大話話都有十幾年鐘意食辣既關係，當時有位四川同學帶我過嚟食lunch，咁就一食愛上左呢盤口水雞每逢同朋友附近行街一定會帶佢哋黎，配合咁多位，大中小辣都食過，我好肯定食過呢間，一定對其他既口水雞無性趣！因為真係無得比！過咗咁耐，而家好少經過呢區，但一黎就會食！或者外賣返屋企慢慢嘆！今日又黎會一會佢⑨ ⑨今次同小朋友食，米線揀左清湯日新月異，好多野都變哂~~但不變既系，帶住唔食辣既小朋友，都要食佢。

聽說吃辣是用一種痛掩蓋另一種痛。嗜辣新手的我近年到處「練辣」。以前是聞辣搖頭，現在倒是愛上每次能測試味蕾嗜辣程度的機會。.位於佐敦的雲貴川，相信不少愛吃辣的香港人都聽過。好吃的四川中菜從來不限於新開的華麗大餐館，一些街頭小店的老字號實力也是不容小覷的。我們點了一個二人餐$228起，包括：▪️3款自選前菜▪️2款主食（白飯，轉薯粉/米線需補錢）▪️1款主菜▪️兩杯飲品（酒類另外收費）🤍主菜-招牌口水雞-小辣曾經榮獲《香港百道經典美食》的得獎菜式！入口甜中帶辣，辣中帶香，香中帶麻，層次分明。雞肉鮮甜嫩爽，一點也一不乾柴。果然令人口水直流！是我近年最愛的口水雞！必推！🤤🤤🤤.套餐包了例牌$68的份量，另外補錢可以換半雞$108或全雞 $198。親民貼地的價錢吃到正宗星級美食，cp值超高！.🤍主食-涼拌酸辣薯粉（加$18）、白飯主食點了涼拌酸辣薯粉（加$18）和白飯。嗜辣新手表示這碟薯粉簡直是越級考驗！湯底面層雖沒有厚厚的紅油，看似沒殺傷力⋯不過吃下去，辣到不行！就連榨菜、肉碎我也覺得好辣、好痛！身邊愛挑戰辣的朋友快去闖關！我繼續扒白飯好了⋯（練辣中的人切記不要過份勉強自己🤣慢慢來好了（順帶一提，他們

我好鐘意食辣🌶️🌶️ 米線川菜都係我 favorite🥳 發掘咗呢間正宗四川野👅 少少隱世但真係值得更多關注‼️ 同老闆傾左陣 佢哋本身都好鍾意食辣 呢度上一手冇做就頂左手學曬啲秘方🙆🏻‍♀️好推薦口水雞 米線 小食 真心經濟抵食 性價比超高💰✨全日二人餐 $248✨有兩份前菜、一個主菜、兩個飯/麵同飲品‼️呢度每碟都超級大份 可以三個人食都冇問題🫣❣️青椒皮蛋 ❣️涼拌大豆芽 成個主菜咁大碟🤣 尤其係皮蛋本身已經好惹味😘 用咗黃金皮蛋 感覺冇平時咁漿口~❣️水煮牛肉主菜要揀一個好苦惱😖 好彩呢個水煮牛肉好滿意🥳💯揀咗肥牛 牛肉唔會煮到老晒🐄 而且配料豐富 有大豆芽 腐皮 木耳 🪵🌱 仲要有埋幼薯粉 好入味🌶️❣️大碗炸醬米線 麻辣 中辣 +$18超鍾意餐可以配米線✅ 呢個湯底好正 好食過譚仔‼️ 叫咗中辣都唔會太辣 接近譚仔小辣🌶️ 仲有好多炸醬好香好惹味💕❣️熱拌酸辣薯粉 中辣 +$18呢個就辣啦🌶️🫣 可能因為冇湯更加嗆😳不過鍾意食薯粉煙韌口感 一定會鍾意🥳 好重口味🤣❣️口水雞 例 $68痴咗線 例牌都咁大碟 雞冇雪味唔肥 調味好惹味勁送飯😛🐓

［正宗辣！新滋味］友人愛吃辣，平時大辣是基本，這間以四川菜為主的隱世餐廳，是友人介紹，絕對是豐富又抵食，而且超高質。無論選擇一人餐還是二人餐，價錢都只不貴。環境安淨、舒適用手機直接落單，方便水煮牛肉絕配組合肥牛配芽菜一上台，就已經忍不住試，肥牛薄薄一片，麻辣味帶出牛肉的鮮，芽菜也吸收湯底，香麻好惹味口水雞可隨自己喜好選bb辣至大辣由辣椒、花椒同熱油煮成的汁料，辛辣花椒同辣椒令人又愛又恨，愛是因為見友人越食越滋味，恨是我已經辣到出汗，而雞肉非常鮮美嫩爽，雞皮又爽又滑，喜歡吃辣不能錯過青椒皮蛋賣相已經好吸引，做得蛋白透明、金色蛋黃，是友人必食之選，出乎意料的非常好吃！連我呢一個完全唔識青椒嘅人都食到唔停口！佢個皮蛋同青椒真係好夾！另可配白飯或薯粉或米線，我極推介可轉薯粉或米線，因為麵條夠煙韌，自己忍不住一人食了一碗以為每一碟都是辣？這碟生菜絕對不辣，而且走油，碌的時間剛剛好，想要辣的可以配口水汁。買堆自家辣醬回家嘗辣雲貴川 (佐敦) @wankwaicheun佐敦長樂街22號地舖

星期六晚想食d辣野, 唸起好近佐敦站ge雲貴川, 離地鐵站行5mins到。 餐廳環境唔算大, 大概有十零張圓枱。7點到, 仲有位。Menus 大部分菜式有圖睇, 菜式唔算多，簡單易明！今次叫左囗水雞套餐、夫妻肺片、涼拌酸辣粉, 全部最少辣！套餐有跟白飯及凍飲。 口水雞老闆斬得幾靚, 大小適中。有雞味, 雞肉亦嫰滑。本來想食d雞胸肉, 鐘意胸肉鞋d冇油份, 可以吸多d汁！😂但今次都係比雞背、脾位多。最少辣, 已經幾辣, 濃味餸岩唒送飯！ 夫妻肺片有栢葉、牛筋同牛肚。栢葉好爽口、彈牙！牛筋煙韌彈牙。整體幾新鮮👍🏻😊！ e到d小菜底下都舖左好多芽牙。 其實e個係薯粉，非普遍川菜粉麵店ge薯粉！比較粗身, 但又容易咬開, 唔係咬極唔斷, 又啃極都好彈過種！加埋d酸辣汁, 愈食愈開胃！P.S. 記住最少辣, 已經好辣！ 同e到d小菜係偏重魚露咸味！

川菜這些年在香港越開越多，質素很多時跟價錢也就不一定成正比。這家在佐敦的雲貴川店小小，已在佐敦多年，我也幫襯過好多次了，在很多人眼中覺得比較簡陋，但食物卻是一流啊!!! 這些年來吃過多少川店也好，總有時候會特別掛念這裡的食物，要特意來吃一趟。我每次都一定要點口水雞，我覺得係全港最好食之一。雞肉嫩滑又大份，汁又辣又麻，不像其他一些口水雞得個油字但個汁係淡味而雞肉又實的的咁，呢度既口水雞永遠無敵呀！再叫了三絲冷麵，麵條爽口彈牙，稍嫌火腿絲少左啲，但芽菜同韮菜入哂味撈埋個辣汁正係好好食呀~另外再點個夫妻肺片，大大碟，無論牛栢葉肺片或牛筋都好多，最緊要個麻辣汁好味！又麻又辣，食完個咀腫哂超爽~呢度我食親都叫中辣，每次都滿足地離開！希望這小店長做長有呢！

今日我同P大人突然好想食辣野, 於是諗都唔諗就衝去佐敦會一會雲貴川。口水雞 - 由於我唔食得太辣, 所以要最小辣, 不過最小辣都已經足以令到我口麻痺了!!食落有種麻油既香味, 雞好滑~呢個口水雞越食越辣, 但會越食越停唔到口!!炸醬腩肉酸辣薯粉 - 炸醬既肉碎算大粒, 有得咬下! 腩肉爽口, 半肥瘦, 正!!薯粉份量適中, 有咬口! 酸辣我要左最少酸, 所以食唔到酸味咁濟, 不過講真呢個湯底都係令人越食越想食!炸醬麻酸米線(三小辣) - 肉碎一樣有咬口 , 米線都爽口~麻酸我試左一啖即刻覺得個咀麻左熱左!! 超級辣呀!!!!!!!!!總括, 鍾意食麻辣既人士絕對岩晒胃口, 而我....只能夠間中一次吧, 哈哈

1) 紅油青瓜青瓜十分幼嫩爽口，微微酸辣很好味2) 口水雞這味冷盤已成為必食的了不過要選辣味才好食，食過必會返尋味3) 腐竹紅薯粉(清湯底)腐竹其實是支竹，支竹太硬了而且與湯底不相溶變成無味支竹，薯粉一向是這店最多人吃的，這裡的薯粉粗身初時食較爽滑，吃到一半薯粉漸漸軟滑我每次必食薯粉而且一條不剩4) 雲耳生菜紅薯粉雲耳爽，雖然只是清湯底但出奇地雲耳很快就入味，生菜新鮮5) 貢丸米線(清湯)貢丸不算難食，米線一般6) 夫婦肺片(不辣)不辣的夫妻肺片不及辣味惹味，可惜當的夫妻肺片太咸了內臟切得太厚太大件了，若可以細件些賣相應該不錯檸檬茶另加$5凍熱飲同價

口水雞 $40這裡的口水雞算是很正宗，而且可以任君選擇大辣或最少辣雞肉出奇地鮮嫩肉滑而且入味經常到此，必吃口水雞 (加價了$2)很來得知老闆娘親自調較辣汁又配少許黃豆芽菜並且每次保持水準一般食店口水雞汁都是調較定所以不及這裡吃到的好味涼伴酸辣紅薯粉 $19涼伴的紅薯粉質感便爽雖然沒有配枌但酸辣汁醬料也夠滿足涼伴米線 $19唯一不同之處是米線的質感不及薯粉爽口夫妻肺片 $40基本上每件都很爽口再配上其特製辣醬料加上有少許爽口的黃豆芽菜滲盡辣汁真是邊吃邊流汗更是吃得快感外賣感覺份量較少一些食物一直保持水準因為老闆倆人每天留守店舖因為當日相機無電所以手機拍攝的影像質素很差

今日晚飯晏咗食，大家都好肚餓，而男友大人話想再戰傷心酸辣粉....話食得好爽喎~~~，講真上次第一次食傷心酸辣粉係唔錯....不過事實上佢portion係比較細，而喺我記憶中雲貴川件頭大啲，咁我就提議食雲貴川啦。我哋一心想叫酸辣粉加豬潤(大辣)、口水雞(中辣)同夫妻肺片(大辣)所以一去到就二話不說立即order...即場再加多個川椒皮蛋...大概等咗三四個字就有得攞...之後即刻飛的士返屋企。雖然係飛的士，不過都係隔咗大半個鐘先開餐，所以我哋都冇指望個酸辣粉會完美啦....意料之內又係索晒水脹咗，因為係發泡膠容器，所以倒落個碗略叮一分鐘.....我食咗真係三啖已經頂唔順...而男友大人食到個嘴都腫埋，一路食一路"雪雪"聲...佢食唔夠十啖就已經頂唔順...停手加放棄......大人只係話只有辣...唔麻兼唔酸...佢大叫呢個酸辣粉失敗。口水雞我同大人一致都認為味道又香又麻又辣，完成符合口水雞應有之味道，不過我就略嫌雞肉味唔出，而且都幾嚡口。夫妻肺片比起傷心酸辣粉個PORTION簡直大5倍之多不特止，仲要片片都有ok厚度，野味非常有過知而無不及....川椒皮蛋...我同大人都一致不停口咁

之前睇過飲食男女介紹過,今日終於有機會來試,order咗麻辣紅薯粉 ~ 要咗小辣,但都好勉強食落口(辣到痴線)山椒野木耳 ~ 酸酸辣辣的,好味!!涼拌酸辣粉 ~ 要咗小小辣,開始時都ok,食食吓都開始要"包雲吞",因為D汁在底部浸住D紅薯粉口水雞 ~ 肉質好滑,少少麻辣,必食推介!!

同朋友來, 朋友話個碗咁細, 點會夠食. 佢想食兩碗, 我之後同佢講你食左第一碗先講啦但食食下, 佢發現個碗粉食極都未完, 抵食.口水雞下次要叫中程度, 老闆娘好有心機整, 棒!紅薯粉本身無什麼特別, 但湯底味濃!建議大家由小到中, 千萬不要吃無還有不吃得四川菜的人還是別去,

自從太公要預備其關西之旅起, 一直看資料, 然後回來執相, 到後來碰上一個又一個的交稿死線....是以, 遲至今天, 方有時間重新執筆寫食評. 讓各位久等了積壓已久的, 由它們隨風而去, 待有天心血再來潮才寫；先從11月寫起吧!11月首週最令人振奮的是去雲貴川 - 聽過不少食友對它的好評, 早已想去會一會, 可惜總是陰差陽錯的未能成事；今次總於成功，果然不負我望！首先要了個肉醬紅薯粉 - 才$19一碗, 份量大得有點嚇人，一個女生應該不能完全消滅，抂我們還以為份量很少還一人要了一碗呢!!!! 點菜時，侍應說他們的薯粉比外面的辣；我不信邪地要了大辣，結果.....其實這兒的薯粉還不算真的很辣，可那"麻"的程度卻是乖乖不得了的，不能小窺!!這兒的薯粉夠爽也夠煙韌；縱然到後來吃得汗流浹背, 又飽到幾近肚爆，可也依依不捨地繼續將之送進嘴巴裏...因為實在好吃!!另一個太公推介的是黃金皮蛋，蛋黃是溏心的, 加上點辣椒, 不算太刺激卻也很香!!口水雞其實本是作得不錯，辣香豐富，可雞件切得太小, 碎骨太多，吃時太不便了, 要扣分涼拌木耳是整晚最弱的一道，木耳不夠爽脆，失去了精髓, 味道也大打折扣..

今晚再次光顧雲貴川，已有數十次光顧之多，可說是熟客之熟客了，主要原因是她店的紅薯粉在港少有得食，只有部份普通米線店要另加錢才有供應。口水雞成為這店必食之選，幾乎每張台都有一碟，麻辣味道由少少少少辣(分4級)至勁辣，老闆娘整天站著就是在切雞，一碟碟的口水雞全部即時調味，少許芽菜作配搭很是絶配。雲耳腐竹紅薯粉:可是腐竹太硬，是用支竹煮熟，但不夠軟大大破壞了。豬扒紅薯粉:豬扒每次都不同水準，有時會煎焦，有時又會咸了點。加凍飲每杯大律$5, 除了檸蜜, 檸樂加$6。

到雲貴川食粉，基本上每個星期必到雲貴川，連老闆娘都認得互相微笑。其他人或會覺得老闆娘很惡，甚至聽到食客投訴說食物就頂瓜瓜但態度就很差，來這店光顧根本就沒有期望什麼態度服務，只要食到好味的口水雞，彈牙的紅薯粉就夠了，要什麼服務態度就去稍為高級的餐廳。中午食飯時間人不太多，但似乎專程而來的客人不少啊。口水雞是必食之選，雞很嫩滑，麻辣醬料十足，雞肉完全吸取醬料精華，每枱都有一碟，來買外賣更甚。紅薯粉就不一定人人愛食，食店內有米線和擔擔麵供選擇，任由配搭，一碗只不過由$19至$20起，每款配菜不同價，由$4至$5，絶對超抵食。貢丸紅薯粉雖不是什麼特別，但配麻辣三少辣，(少辣有四個程度的辣，由輕至重味>四少至一少辣)不吃得辣又想試可以試四少麻辣或酸辣) 另有小食，紅油清瓜，是青瓜加少許辣椒油，少少辣，很開謂的。川椒雲耳，很爽口，$18一碟絶對超值。