BB辣

Open Now

Now Closed

今日放工買外賣返家同家人做晚餐，放工行左去荔枝角BB辣買外賣。點左螞蟻上樹，回鍋肉，酸辣土豆絲，麻辣蒜蓉青瓜，無骨口水雞。螞蟻上樹：粉絲軟硬岩岩好，肉碎都夠味，小小辣更加開胃好味道。回鍋肉：蒜苗，青椒紅椒等配料都幾好味唔算太辣。肉質都幾好，口感加味道都不錯。酸辣土豆絲：口感不錯，味道配合起其他餸更加正。麻辣蒜蓉青瓜：青瓜爽口加埋醬汁更加好味道。無骨口水雞：半隻口水雞份量都算幾多，撈埋先食好夠味道。雞肉肉質良好，口感都不錯。個花生都好好味道。

一場雨逼到在荔枝角工廈躲雨，見到有個餐廳叫BB辣。當時系午市過後，亦需要等少少位。因此坐在靠門口的地方。媽咪無辦法吃辣，而系又勁鍾意辣，更何況川菜，索性略過菜單為了試一試何為BB辣的川菜。坐低才發覺原來也可以叫中辣大辣。任君選擇，初時選擇了招牌酸菜魚套餐，BB辣，媽咪鍾意食魚，魚夠柔嫩，完全無感覺有骨或者有刺，BB辣適合她鍾意少少辛辣味道又不止於太辣。酸菜魚湯底還有一些涼皮同芽菜，配上我所點的口水雞，送飯好味道。口水雞套餐。小辣。口水雞不敢貿然叫例牌，所以叫一個套餐試一試。分量不算太多。但果花生辣油味道恰到好處，我將辣油淋上白飯上面，也不覺得鹹，對比傷心系列的口水雞真系大巫見小巫？蔥爆牛肉，中辣。中辣的蔥爆牛肉應該是每間餐廳都可以判定廚房鍋氣的力度。我同服務員講，多少少蔥吧無問題，大蔥爆炒牛肉，完全就是大排檔風味。😄😄而亦都沒濃味的牛肉，食得出牛肉肉質的厚度以及咬勁。下次都要試一試水煮系列。臨買單見到今個月九月有個放題烤魚。那麼或者有機會疫情放寬的時間上都可以試一試。

公司樓下最近新張開左間吃川菜的，位置非常就腳，辣妹的我，點都要試吓先，一走入去，店舖裝修色調光猛，感覺開揚，座位都算坐得舒服，食物方面，都算幾多選擇，一般川菜款式都有，但又唔係一味辣辣辣既，唔食辣都有其他套餐選擇點了個口水雞飯（中辣），味道相當唔錯，份量正常，雞好嫩滑，雞皮爽脆，皮肉之間呈啫喱，麻辣夠香，唔會一味死麻死辣，另外也點了麻婆豆腐飯（大辣），同樣惹味，而且下午茶餐有八五折，抵食！晚市還有雞煲、水煮魚、火鍋等等，下次拉埋同事收工一齊試！