川婆婆 (寶勒巷) (Closed)

之前食過旺角嗰間川婆婆覺得酸菜魚同水煮魚都好出色 今日友人突然想食川菜就諗住食川婆婆實無死嗌左個酸菜魚 真係有啲失望 首先啲魚有少少腥 然後八成嘅魚都係骨 雖然望落好大份 但其實魚肉真係唔多 好快食晒 重點係價錢唔平（大約$230）個人覺得完全唔值呢個價另外都嗌左個口水雞 嗌左少辣 出到黎一啲都唔辣 然後同酸菜魚同一個毛病就係大部分雞都係得骨 好少肉 真係麻麻地總括黎講 同旺角嗰件川婆婆差好多 非常失望 最後埋單要成$200一位 真係有啲唔抵 呢個價錢可以食到更好質素

偶然在尖沙咀行過見到呢間餐廳又見到有烤魚食所以入左去睇餐牌上既選擇都吾少但我最後都係叫左剁椒烤魚雖然吾似一般既烤魚咁 有個大鍋載著但係味道都吾錯 好入味 口感都吾錯 魚肉爽口辣就不太辣 不過食得出有椒味另外叫左個口水雞隻雞比較瘦 但d肉質吾錯但因為太瘦 食到既肉吾多以上呢張係收據食呢兩道菜都只係一百蚊左右性價比算高環境：4/5 雖然吾係話十分靚view 但空間算大 不擠擁食物質素：4/5 都係無內地既烤魚咁好食價錢：1/5 香港地黎講 兩個人食一百蚊 算平了 仲要係特色菜性價比：4.5/5

今次晏就黎食叫咗個口水雞同熗炒手撕包菜，口水雞嘅味道唔錯，但就唔夠麻同雞太少，食到辣嘅朋友可以試下叫中辣，而熗炒手撕包菜味道唔夠濃(可能個人比較重口味)，整體黎講不過不失。用餐後仲有水果一份贈送，用黎解辣都唔錯架。