信記避風塘海鮮美食

Open Now

Now Closed

假如有外國友人來港 值得推介！地點方便 食客首先要到餐廳店內付款 然後店員會帶食客行大約5分鐘到上船地點店內職員服務態度非常好 而且好細心👍🏻舢舨接駁船同用餐體驗亦都好特別當你以爲呢度係食環境同體驗 對食物質素冇乜期望嘅時候..驚喜就來了！ 海鮮都好新鮮 而且是在旁邊的船家即叫即煮除了是給外國友人一個好體驗外 亦係暫時逃離壓力生活嘅好去處 👍🏻

打正避風塘旗號既食店係香港唔少，不過係一隻食艇上面，仲要真係係避風塘度食海鮮，我係第一次! 個experience 好得意好特別...當日放工後約左朋友8:30pm係灣仔等，朋友一早講定帶我食好野，叫我留定肚...差不多9:00pm我地黎到銅鑼灣避風塘，呢度係我第一次黎，周圍泊滿大小船隻既，天黑黑的，只有街燈微弱既光線...我地搵左一陣都搵唔到，最後朋友要打電話求救，我地跟住指示搵搵下既時候就見到一隻坐滿人既艇仔過緊黎...兩個姐姐慢慢地撥著船槳，等船上既人落曬，個姐姐就問我地係咪去信記食野，於是我地就上左船...如果在附近有一些指示，如manner or一個牌仔話呢度係上落船位置，客人搵既時候就容易好多啦!我地坐左大約兩分鐘度已經黎到信記，其實係由四五隻細細既食艇綁在一齊，每隻艇有一張檯。聽朋友講原來要提早打電話book 定同埋講定要食d 咩。朋友叫左個二人套餐，另外加多條蒸魚。首先黎既係娃娃菜，菜上鋪了大堆炒得好香既蒜粒，為清淡既菜湯加上一點濃香味。可惜，蒜粒炒得太燶，有點苦味...再黎係青口，個汁好好味，夠香濃又有d辣辣地。青口有咬口，但又唔會太chewy。d 蝦都幾大隻，肉質彈

第一次去避風塘🌊，完來只係一個好細泊船嘅地方。黎呢度食野係食風味，因為係要上一架船仔上面食飯，好彩夜晚有海風，唔係太熱。船上環境一般，唔會有靚風景，而且整感覺衛生情況一般。洗手間係半開放式，如果有朋友要去洗手間，其實就係你隔離去，去落個海度，而且無得洗手...感覺唔係幾好...我地叫左一個六人全包套餐C($2080)：白灼基圍蝦古法避風塘炒肉蟹避風塘豉椒炒青口白灼東風螺蒜蓉蒸聖子王香蒜娃娃菜豉油皇蟹油炒麵艇仔粥/ 燒鴨瀨飲品其中比較欣賞係聖子王同避風塘炒蟹。 聖子王唔算好大隻，但尚算鮮甜。炒蟹上面嘅炸蒜炸得好惹味可口 ，肉蟹泡至殼都係脆脆地，啲肉算係足，幾鮮甜, 有蟹膏。其他食物都好一般。價錢方面一啲都唔便💸💸，相比之前係屯門三聖食海鮮，我覺得三聖食好多又抵好多，包房唱k玩成晚，食埋每人都只係二百零蚊，呢度就真係食風味，但係我未心必會黎第二次。