101手工涮涮鍋 (Closed)

今日同老婆行開尖沙咀， 行到唔經唔覺已到晚上，記得附近厚福街食肆林立， 各式各樣好味的食物勁多選擇，於是就决定行去搵間好野食，看見這間台式的101邊爐店，二百幾可任食，正合我意，就决定食佢。未食火鍋前，店員已安排小食手工麻辣手撕雞及秘製麻辣木耳，兩者都有點麻辣，先行 刺激你的味蕾，爽！湯底有多款選擇， 我們order了冬瓜卜卜蜆海鮮鍋，勁多蜆，令湯底更鮮甜，加上底部有一大片冬瓜，倍覺清甜。鍋底的配料豐富，有白蘿蔔、 芹菜 、紹菜 、豆卜……等，令整煲湯味道更濃郁。時令海鮮拼盤，分別有珍寶美國桶蠔、馬刀貝 、游水大海蝦 和卜卜蜆，份量各一，唔夠可另外order,材料新鮮。肉類3選1，最後挑了碟 西班牙伊比利亞玫瑰黑毛豬頸肉， 賣相吸晴， 砌到成朵花咁，有點不捨得食入肉。味道方面，豬頸肉肉質味美，爽口彈牙，勁有咬口。台灣夜市火鍋拼盤，勁多滷水嘢, 以大腸、牛肚和腎片最好食，醃製得勁濃鹵水味，口感爽彈，又夠惹味。其它火鍋配料以響鈴和鲩魚片為最佳， 響鈴 好香黃豆味， 非常新鮮和鬆脆。至於鲩魚片就勁爽口，食落好鮮味，又脆皮，正！飲品方面， 以可樂為主，最終選了 巨峰提子 可樂沙冰和柑桔檸檬可樂

港式任食火鍋大行其道，但台式火鍋卻是少之又少，最近饕鍋物於銅鑼灣開張，比較之下仍是偏愛101手工涮涮鍋，任飲任食，相當暢快，終於第二次再臨。這次我們點選了台灣香辣三杯雞涮涮鍋，辣中帶麻，極之惹味。手工響鈴卷拼手工魚皮即叫即炸相當香脆。西班牙伊比利亞黑毛豬頸肉摺疊成玫瑰花型，賞心悅目之餘肥美爽口。台灣夜市火鍋拼盤包括滷水豬耳、滷水腎片、滷水大腸、滷水牛肚、滷水蛋、鹽水雞翼、台灣九份紫薯芋圓、台灣九份地瓜芋圓、紫薯水晶包。101特選手工火鍋拼盤包括墨魚汁鳥結糖、太極冬菇、安格斯霜降牛丸、三重芝士鮮製蝦丸、黑松露蟹籽海鮮軍艦、黑松露蟹肉餃、黑松露芝士豚肉餃、三重芝士鮮製墨魚丸。其他火鍋配料選擇亦相當多，份量亦與點菜紙相乎。重點之一定非任飲高質台式飲品莫屬，個人特別喜歡香芋珍珠奶茶，加上香脆OREO碎實在是令人回味無窮。每位$288的價錢絕對是超值，定必會再有第三、四、五、六、七次再訪。

今日我同K先生去完香港文化中心睇完舞蹈團表演後，大家都好餓，就去左之前朋友推介，位於尖沙咀厚福街的101手工涮涮鍋，Shabu Shabu。地方環境好舒適，安排左個卡位比我地坐，而且員工好細心講解套餐資料，服務一流。呢個極上"吃到飽"套餐，真係食到好飽好滿足，前菜，精選火煱配料同無酒精飲品係無限追加主菜我地點咗台灣沙茶鷄涮涮鍋，似雞鍋但有好多餸，而且賣相好靚，好美味。跟住食火鍋拼盤，有兩款選擇：101特選手工火鍋拼盤（$288）和臺灣夜市火鍋拼盤（$278），我地兩樣都試唒特選手工火鍋拼盤好有特色，黑松露蟹肉餃，黑松露芝士豚肉餃同三重芝士墨魚丸好好食，好特別，其中芝士墨魚丸啱晒喜歡食芝士嘅我，而且好彈牙。至於台灣夜市火鍋拼盤就有齊晒滷水食料，其中豬耳、牛肚和腎片就係我嘅至愛。講返個安格斯牛頸脊肥牛片，真係無得頂，D肥牛片厚身得來又無肥膏，絕對新鮮呢度嘅另一個驚喜就係手工即炸響鈴卷和即炸魚皮以及足八寸長既蟹棒。因為個響鈴卷同魚皮係即叫即炸，所以食落口真係好脆好新鮮而且個響鈴卷仲好大條，係我地食過最大條最新鮮最好食嘅響鈴卷。至於長過隻碟的八寸長蟹棒，係我第一次食那麼長嘅蟹棒。我同K先生每人

今日黎左依間一直都想試的台式火鍋店，有別於一般港式或日式火鍋，依度既湯底、野食同飲品都有台式風味～環境不錯，張台夠大，可以擺好多野！而且周圍都好闊落，唔會話太嘈吵～依個係個set包左既野，不設任食，另外部分配料都有得任食～其實淨係依度包既野已經好多！我地兩個人食完依啲都已經食唔落啦haha!!首先湯底揀左紅燒牛肉，佢係好似雞煲咁，本身有好多牛肉係煲入面，等你食完先加水變火鍋～牛肉煮得好林，幾入味，唔錯！而且份量真係幾多～醬汁配料就同平時打邊爐差唔多～上菜好快，好快已經擺滿成枱野～肥牛算多油花，真係好軟熟，眼看薄薄的，其實好鬼厚！煮完擺入口，係有融化的感覺，成口都係肥牛的油香，無得彈！火鍋拼盤十分精緻，有墨魚汁烏結糖、黑松露海鮮軍艦、黑松露蟹肉餃、三重芝士鮮製墨魚丸等。每一樣都係特別自家製，好有心思！當中丸類都幾有驚喜，每款都幾特別，唔錯～滷水雞翼、牛肚、豬耳、大腸等，普通滷味，不過不失。但系值得一提的係紫薯水晶包，晶瑩剔透，煮完成粒紫色水晶球甘，好可愛，食落又好香紫薯味，好好味！依度既飲品真係好大杯！！！左邊係朱古力珍珠奶茶，好濃朱古力味，但飲得多會漏，加上打邊爐都偏油膩，建議叫啲清啲