Video
Read full review
2023-07-23
1367 views
小弟搵食嘅足跡真喺極少踩到嚟港島東，難得今日同老婆嚟到鰂魚涌參加友人嘅結業禮，所以，都趁機喺附近打個轉，兜個圈。之前老婆跟啲好姊妹嚟呢邊行山，之後就試過呢間「翠苑甜品專家」，覺得有一手，所以，都帶我嚟試試。 睇個門面都知佢唔喺賣咩新派嘢，所以，裡面嘅環境都喺比較舊式嘅格局，裝修簡樸，傳統嘅街坊糖水舖，管理亦都好家庭式，落單口講，埋單都喺叫店員過嚟睇睇你食乜，照計數。 甜品選擇一張A4紙睇晒，全部都喺中式傳統嘅糖水，不過，款式確喺非常之多，而且，定價都好街坊，故此，除咗堂食外，都見唔少街坊嚟買外賣。 潤肺杏仁蛋白 $25老婆最講求健康，呢碗杏仁蛋白就最合佢口味，成碗嘢一片白色，就算撈幾撈，都好難影到杏仁茶同啲蛋白，總之入口杏仁味好清香，亦都非常濃郁，食落啲蛋白滑嘟嘟，甜度又啱啱好，夠晒清潤，喺一道好健康嘅糖水。 合桃糊燉鮮奶 $24小弟一向都鍾意食合桃露同燉鮮奶，揀呢一款就可以一次過試到晒兩樣嘢。先講啲燉鮮奶，既有濃濃嘅奶香，口感又好夠嫩滑，唔會太削；合桃露磨得好幼滑，合桃味突出，不過，成碗計合桃露部分實得好少，真喺兩、三啖仔就食晒。 整體嚟講，兩款糖水都做得有水準，食得出真材實料，只賣
睇個門面都知佢唔喺賣咩新派嘢，所以，裡面嘅環境都喺比較舊式嘅格局，裝修簡樸，傳統嘅街坊糖水舖，管理亦都好家庭式，落單口講，埋單都喺叫店員過嚟睇睇你食乜，照計數。
甜品選擇一張A4紙睇晒，全部都喺中式傳統嘅糖水，不過，款式確喺非常之多，而且，定價都好街坊，故此，除咗堂食外，都見唔少街坊嚟買外賣。
潤肺杏仁蛋白 $25老婆最講求健康，呢碗杏仁蛋白就最合佢口味，成碗嘢一片白色，就算撈幾撈，都好難影到杏仁茶同啲蛋白，總之入口杏仁味好清香，亦都非常濃郁，食落啲蛋白滑嘟嘟，甜度又啱啱好，夠晒清潤，喺一道好健康嘅糖水。
潤肺杏仁蛋白
$25
6 views
0 likes
0 comments
合桃糊燉鮮奶 $24小弟一向都鍾意食合桃露同燉鮮奶，揀呢一款就可以一次過試到晒兩樣嘢。先講啲燉鮮奶，既有濃濃嘅奶香，口感又好夠嫩滑，唔會太削；合桃露磨得好幼滑，合桃味突出，不過，成碗計合桃露部分實得好少，真喺兩、三啖仔就食晒。
合桃糊燉鮮奶
$24
2 views
0 likes
0 comments
整體嚟講，兩款糖水都做得有水準，食得出真材實料，只賣廿零蚊，真喺無咩好挑剔，實在性價比高，呢類專賣傳統中式糖水嘅本土小店，更加要支持吓。
Post
