翠苑甜品專家 (北角道)

Open Now

Now Closed

冬天食糖水都係食中式糖水最好，暖胃得黎又好味，係冬天一大享受！今次同朋友試咗三款糖水。合桃糊燉鮮奶/芝麻糊燉鮮奶 $22 燉鮮奶就食得多，燉鮮奶裏面有合桃糊/芝麻糊係好少見，師傅用方法將合桃糊/芝麻糊注入燉鮮奶當中，讓食客可以同時有雙重享受。燉鮮奶夠滑嫩，甜度適中，奶味香濃，令人想一啖接一啖！至於合桃糊同芝麻糊，合桃同芝麻磨得非常幼細，口感柔滑，果仁味香，feel 到係真材實料，唔似得某些店舖用澱粉濫充其數嘅劣質甜品。燉鮮奶本身已經好好食，可以根據個人喜好選擇合桃糊或者芝麻糊。（注意：非常飽肚，如果係食飽飯去，最好同朋友share）首創健脾補腎腰果糊 $19剛好係星期六晚， 能夠試吓呢個星期六日限定嘅甜品，健脾補腎一下。原本以為腰果糊剩係得腰果一種材料，但食落口發現有浸藥味，帶點微酸，應該係有放藥材同腰果一齊磨成粉製成甜品，至於係咩藥材就無從得知， 有興趣知道者可以問吓店家。哩個甜品口感柔滑，甜度適中，正常發揮。至於係咪可以健脾補腎就見仁見智啦。

一向都喜歡吃甜品，尤其是中式糖水。現在有不少甜品店，但大多數是吃西式的，不太多地方可以吃傳統的中式甜品，所以路過見到，即刻入去食一碗，滿足一下。本來想吃腰果露，但原來只限星期六及星期日才有供應，有點失望！大良燉鮮奶 （$20）- 燉鮮奶夠熱又夠滑，但個人囗味覺得較甜，如果少點糖，就更完美。合桃糊燉鮮奶（$20）- 面層是燉鮮奶，下層是香濃合桃糊，這個甜品很有驚喜，一碗就有兩種味道，但個人口味亦覺得比較甜。門面餐牌