吉列牛忌廉烏冬專門店 (百樂中心) (Closed)

吉列牛定食+咖喱忌廉烏冬(牛肉/雞肉)($256/套餐/包汽水兩罐） + Kobekyu秘製蛋卷($68) + 枝豆($38)(另加一) ★－:+:－:+:－:+:－:+:－:+:－:+:－:+:－:+:－★​一直以為忌廉烏冬發源地係日本，而家先知係韓國首爾弦大🫢💡Kobekyu喺當地有12間分店，嚟咗香港唔經唔覺7年多，主打吉列牛同忌廉烏冬，旺角銅鑼灣共兩間分店，今日去銅鑼灣店，座落百樂中心22樓，地方大，光猛開揚，可掃QR Code落單；吉列牛定食包括主角半熟吉列牛、麻醬凍豆腐+車厘茄、飯素白飯、味噌湯；吉列牛每邊燒幾秒食得，邊位香脆，肉質OK，再配沙律醬/豉油調味；另外份主食咖哩忌廉烏冬，可選配牛肉/雞肉，白雪雪滿瀉忌廉山，完全覆蓋下面嘅烏冬🤭忌廉食落冇想像中咁膩，日式咖哩汁甜而帶微辣，烏冬口感煙韌；加份蛋卷+枝豆當輕食幾好💫

去時代廣場果邊，好似淨係識係food court 搵食😅，今次行去後街百樂中心，果度原來好多食店😯，真係大鄉理🙈。見到有個忌廉烏冬😳，好得意，咁就試下啦😆。(套餐2)吉列牛定食 $256🧆吉列牛定食吉列唔係平時食開好厚好鬆果啲，佢個炸漿有調味，牛有牛味。吉列牛嚟到要自己再係爐仔度煎一煎。自己決定生熟度，啱晒同人share，鐘意生啲又得，鐘意全熟都得😆。🍜咖哩忌廉烏冬--雞肉好期待忌廉烏冬，外型好滑溜，白雪雪，原來咖哩係下面。日式咖喱本身唔辣，配上忌廉比想像中夾，淡淡嘅咖哩伴烏冬，無平時食咖哩果種濃烈感，反而清淡易入口，唔覺意湯都飲晒😋。🍹套餐有飲品可樂，忌廉🥚小食叫左秘製蛋卷 $68芝士控必叫，好味😋。蛋皮薄身，入面包住厚厚嘅芝士，即食時唔覺有拉絲，蛋香加埋溶芝士係絕配，涼左食有拉絲~😍。如果蛋再厚啲，我諗會更好食🤤。💚題外話：有位著西裝嘅哥哥仔送餐，而且上菜好有高級餐廳感，有禮又友善，同另一位員工衣著好大對比🤣🤭。📍吉列牛忌廉烏冬專門店 (百樂中心)銅鑼灣耀華街3號百樂中心22樓

餐廳：吉列牛忌廉烏冬專門店地點：銅鑼灣耀華街菜式：韓國野（吉列牛忌廉烏冬）餐牌：午餐，主食，Combo，釜飯，涮涮鍋，小食同飲品。落單用QR code。基本上落完即刻就有得食啦。招牌吉列牛定食包吉列牛定食同咖哩忌廉烏冬等等，價錢$256另加一。吉列牛定食吉列牛擺得靚靚，一共有兩大塊切成15細件，方便自己再加熱。吉列牛既吉列外皮炸得香脆，牛肉入面大概三成熟，然後可以自己喺枱上爐仔燒到自己鍾意嘅熟度先入口。我先試試唔洗燒先，食落都外脆內嫩，好易咬開，好好味，加埋蒜蓉mayo一齊食，口感更滑溜，正。燒熟d先食都得呀。除左蒜蓉mayo，都有甜酸燒肉汁同日式芥末比你自己揀可以降溫。個餐蔬菜有胡麻醬梛菜絲沙律，車厘茄同豆腐，可以清清味蕾。跟餐熱辣辣白飯一大碗，上面撒滿飯素，包你飽肚。仲有一碗熱辣辣味噌湯，入面有唔少昆布。咖哩忌廉烏冬吉列牛有唔少地方有得食，不過咖哩忌廉烏冬就真係唔多覺其他地方有。大碗烏冬上面滿佈白色忌廉同少少蔥花。餐牌寫明小辣，但係我覺得基本上完全唔辣，咖哩加忌廉好滑又唔太膩。烏冬係粗身而有少少嚼勁同勁滑，好好味。其他配料有唔少牛肉粒。另外仲有少少西蘭花，洋蔥片同菇類。雞軟骨餃子$

相識幾十年的同學聚會，一班「老人家」想試試新口味，上Open Rice搜尋，發現這間開了幾年仍人氣不減，而且好評不絕，來自韓國，主打石燒吉列牛和咖喱忌廉烏冬的專門店，所以貪新鮮決定去試試，還特地在訂枱時以八五折預先付款訂了一個十分豐富的四人餐（詳見附圖）。我們五個的其中一個因交通要遲15分鐘，但到達餐廳才知道原來每席由入座計限時用膳75分鐘，結果四個人在門口電梯前的狹小悶熱的空間等待，幸好同學很快趕到，入去就坐時發覺原來餐廳只有三兩枱食客，大家心裡狐疑為何不可彈性處理，讓客人先舒適坐下等到齊人上菜計時分別也不大吧？由於預訂了套餐，飲品和食物源源不絕的全部上枱，侍應更先放下和點著了用來燒吉列牛的石燒爐和用來熱著咖喱牛筋腩鍋的爐子，瞬間鋪滿了一整桌子，為了騰空一點位來吃飯，我們得儘快把吉列牛和芝士焗大花菇下面那塊半生未熟的牛里脊放到面前的那個熱爐燒熟（幸好那個小爐面勉強可以容納五塊牛肉），移走那個熱爐又解決掉兩盆生肉，才可以好好坐下來享受餘下的美食，可惜已經不能太講究分別小食、湯、沙律、主食和烏冬等菜式，大家只有隨意去吃順手或面前那碟，當大家一面吃一面興高采烈地互道近況，談談八卦時，侍應十

難得放半日，去搵下食。睇OpenRice 話12:00點開門，但去到未開。12:10先有人樓面返工開門。可能佢未瞓醒，無咩招呼。自助點餐，餐牌好多主食，睇落每樣都好好味。可惜得兩個人，試唔到咁多。最後點左1. 忌廉咖哩湯烏冬：咖哩湯好好味，但忌廉其實無味既。2. 吉列牛定食：其實因佢先試呢間舖頭，點知有啲失望，吉列感係零，似石燒多啲。3. 單骨雞翼（芝士粉）：好味，芝士粉好足，但略嫌比較甜如果餐牌可以多啲小食就更好喇！

可以食吉列牛嘅地方唔多，呢間嚟自韓國嘅吉列牛餐廳，開咗好幾年一直都keep住咁有人氣，明顯店名嘅吉列牛同忌廉烏冬係招牌菜，嚟到當然必試！🥢吉列牛套餐 ($256)► 吉列牛定食吉列牛生熟程度可以自己控制😍放上石燒爐燒幾下已香氣十足～牛肉油脂分佈平均、肉質嫩滑，外層好酥脆；調味配搭有芥末沙律醬、柚子燒汁同芥辣，為肉味帶來更豐富層次🥰另外跟一碗灑了飯素嘅白飯、胡麻豆腐、胡麻車厘茄及味噌湯，呢個定食相當豐富！► 咖喱忌廉烏冬 配牛肉咖喱同忌廉呢個組合估唔到咁夾！白雪雪嘅忌廉好香滑，撈勻嚟食仲可以中和咖喱嘅辣度；烏冬煙韌彈牙，每條都掛滿微辣帶甜嘅濃郁醬汁，入口creamy真係食唔停口😍配料可選牛肉或雞肉，仲有西蘭花、蘑菇同洋蔥，牛肉亦都好軟嫩，呢個烏冬好滋味呀😆🥟雞軟骨餃子 ($48)餃子外皮薄脆，豬肉餡料豐富，口感鮮嫩🥰咬落去食到餡料夾住雞軟骨，爽口有層次，沾醋食更添風味～🍹Passion Punch (+$18)口感清新，帶有熱帶水果嘅甜味同香氣🥰呢杯有氣飲品好適合夏日飲，配搭吉列牛唔錯，解膩之選👍🏻🍵綠茶Latte (+$25)Latte大大杯，濃濃嘅奶香加上綠茶味道甜甜的，綠茶味不太濃

吉列牛定食🐮 ($148)．定食包括：吉列牛🐄、胡麻醬椰菜絲沙律伴碟🥙、醬汁（蒜蓉mayo、甜酸燒肉汁、日式芥末）、白飯🍚、麵豉湯、胡麻醬車厘茄🍅、胡麻醬豆腐．吉列牛：-上碟嗰時已經將牛肉切成大約十件🔪，而外層就加上左麵包糠黎炸-由於本身已經炸左所以已經有三成熟，然後要靠自己將D 牛放落爐仔到自己控制想幾熟🔥-D牛肉都算係幾嫩口，加上麵包糠，就變成外脆內軟🤩-但係牛味唔算好出，而且舊牛肉放上個爐仔之後，D麵包糠唔係好痴得實🧐-但係咁樣又食又玩，係幾過癮wor😛．醬汁：最鍾意既係日式芥末，非常開胃😋咖哩忌廉牛肉烏冬🍜 ($88) ．一上菜嗰時只係見到白色忌廉同蔥花，D忌廉多到有少少驚嚇，見到嗰時擔心會唔會好漏🤨．咖哩加忌廉竟然食落係唔漏同時口感亦都好滑，而且係唔辣既😋．用上粗身既烏冬，非常彈牙😋鹹蛋薯條🍟 ($45) ．上菜嗰時仲有大大粒鹹蛋連埋，證明真係好足料🤩．味道唔算好鹹，好香口😋

朋友好鍾意食牛，前排同佢去左呢間專門食吉列牛嘅餐廳食下另有一番味道嘅「吉列牛」。餐廳$256 吉列牛定食幾抵食，一次過可以食到2樣signature - 吉利牛同咖哩忌廉烏冬！🐮吉列牛- 外層加了麵包糠，放上石爐上烤，吱吱聲勁吸引！烤過後外皮脆香，入面肉質好軟嫩，淋淋地好香口，點埋芥辣沙律好好食。PS 朋友之後都間中話好回味呢款特別嘅吉列牛，想再去食了！🌟 咖哩忌廉烏冬- 呢款都好特別，表面看似一層厚厚地嘅白色cream，其實入面係咖哩烏冬來！面層cream好滑香，保存到入面嘅烏冬熱辣辣，夾起上來仲有煙～咖哩係比較甜香但夠濃，烏冬彈口，啖啖滋味。😋😋🥟雞軟骨餃子- 外層好香脆，入面粒粒軟骨，口感一流飲品方面，特別喜歡rose soda，外表吸引之餘味道少甜，正！下次再來食2大招牌菜🤤🤤🤤

臨飛日本之前走一轉吉列牛忌廉烏冬專門店食返餐韓國野先。吉列牛其實係來自韓國嘅菜式，呢度除左吉列牛，忌廉烏冬都係招牌菜式，其他地方都少有得食。呢度落單用QR code，餐牌分幾大類，有主食，套餐，釜飯，涮涮鍋，小食同飲品。例牌叫個招牌吉列牛定食，價錢$256另加一，無加價，我見好多人都叫呢個餐。吉列牛定食吉列牛一大塊已經切成10件好容易食，外皮炸得香脆，牛肉入面大概三成熟，然後自己喺枱上個爐仔燒到自己鍾意嘅熟度。我鍾意佢外脆內嫩既口感，如果燒熟d牛肉更嫩口，牛味都唔錯。跟牛醬汁有3款，分別係蒜蓉mayo，甜酸燒肉汁同日式芥末，我就鍾意蒜蓉mayo，令口感更滑溜。伴碟有胡麻醬梛菜絲沙律，其他蔬菜都有胡麻醬車厘茄同胡麻醬豆腐，真係胡麻醬粉絲天堂。跟餐白飯大大碗，上面撒滿飯素，仲有一碗熱辣辣味噌湯，入面充滿昆布。咖哩忌廉烏冬今次叫雞肉咖哩忌廉烏冬。大碗烏冬頭面只見到白色忌廉同少少蔥花。咖哩加忌廉好滑又唔膩，味道超好，完全唔辣。烏冬係粗身而滑溜，真係食到唔停口。今次有好多雞肉粒，另外仲有洋蔥同菇類。雞軟骨餃子$48 另加一 小食叫左雞軟骨餃子。一客四隻，面頭撒上白芝麻粒。塊皮超脆，入面又有粒粒雞

尋日先食完吉列牛，今日又想食哈哈，所以收工去左時代廣場附近既吉列牛忌廉烏冬專門店。聽個名都知，招牌菜式就係吉列牛同忌廉烏冬。餐牌分幾大類，有主食，套餐，釜飯，涮涮鍋，小食同飲品。落單要用QR code。招牌套餐價錢$256另加一。吉列牛定食吉列牛一客九件，外皮香脆而入面嘅牛肉已經有三成熟左右，等你自己喺個爐仔上面整到自己鍾意嘅熟度先食。我鍾意燒熟d，因為質感更易咬開，不過燒到仲有血水就仍然juicy。跟吉列牛有蒜蓉mayo同甜酸燒肉汁等你點，仲有wasabi，個人覺得點蒜蓉mayo最好味，令塊牛好滑溜。伴碟有少量胡麻醬梛菜絲沙律。定食仲有兩款前菜，分別係一粒細細粒車厘茄切開兩半加左胡麻醬同一細磚加左胡麻醬嘅豆腐。定食仲跟一碗白飯，上面撒滿飯素，同一碗味噌湯。咖哩忌廉烏冬吉列牛有唔少地方有得食，不過咖哩忌廉烏冬就真係唔多覺其他地方有。次次都叫牛肉，今次就叫雞肉。大碗烏冬上面滿佈白色忌廉同少少蔥花。碗烏冬好熱，放耐左先食都仲熱。餐牌寫明小辣，但係我覺得基本上完全唔辣，咖哩加忌廉好滑又唔太膩。烏冬係粗身而有少少嚼勁同勁滑，好好味。其他配料有唔少雞肉粒。另外仲有少少西蘭花，洋蔥同菇類。雞軟骨餃

今日收工去左吉列牛忌廉烏冬專門店食返餐香口吉列牛先，揀左位置方便既銅鑼灣分店，係時代廣場附近。落單用QR code。餐牌分幾大類，有主食，套餐，釜飯，涮涮鍋，小食同飲品。返左一日工已經唔想用腦，簡單叫一個套餐，套餐包左兩款招牌菜同兩支汽水，另外再叫一份小食分享。套餐係吉列牛定食 + 咖哩忌廉烏冬（小辣）+ 2汽水，價錢$256另加一，無加價。Kobekyu牛油蜜糖單骨雞翼 $65 另加一先黎一客5隻招牌牛油蜜糖單骨雞翼，熱辣辣上枱，雞翼單骨好易食。雞翼塊皮少少脆，蜜糖味適中，唔會太甜。上面灑上白芝麻粒，仲伴有檸檬一片。吉列牛定食吉列牛係來自韓國嘅菜式，牛肉則選用來自美國既牛裡脊肉，牛肉上枱時已經係3成熟，可以每邊燒2秒至半熟，或者等你自己喺個爐仔上面烤到自己鍾意嘅熟度先入口。吉列牛一客切開15件，外皮香脆又薄而入面嘅牛肉肉質嫩口，絕對可以唔燒就咁食。正呀！跟左蒜味沙律醬，甜酸燒肉汁同wasabi，個人最鍾意蒜味沙律醬，可以令到塊牛更香滑。伴碟有少量胡麻醬梛菜絲沙律。兩款前菜分別係一粒車厘茄切開兩半同一細磚豆腐，都加左胡麻醬。定食仲跟一碗撒滿飯素既白飯同一碗味噌湯。咖哩忌廉烏冬招牌咖哩忌

抗疫疲勞，銅鑼灣明顯多返人，今日午餐去左好耐冇黎嘅吉列牛忌廉烏冬專門店食返餐，都有幾多食客。落單用QR code。餐牌分幾大類，有主食，套餐，釜飯，涮涮鍋，小食同飲品。今日例牌叫左一個套餐，已經包左兩款招牌菜同兩支汽水，另外再叫左一份小食。套餐係吉列牛定食 + 咖哩忌廉烏冬（小辣）+ 2汽水，價錢$256另加一。吉列牛定食 吉列牛係來自韓國嘅菜式，絕對係必食之選。牛肉係美國牛裡脊肉，上枱時已經係3成熟，可以每邊燒2秒至半熟，或者等你自己喺個爐仔上面烤到自己鍾意嘅熟度先入口。外皮香脆而入面嘅牛肉就明顯見到中間係生肉嘅深紅色，外圍就係粉紅色。牛肉燒熟啲都唔會韌，肉質唔錯。跟吉列牛有蒜味沙律醬同甜酸燒肉汁等你點，仲有wasabi，個人最鍾意蒜味沙律醬，因爲令到塊牛更香滑。伴碟有少量胡麻醬梛菜絲沙律。定食包兩款前菜，分別係一粒車厘茄切開兩半加左胡麻醬同一細磚加左胡麻醬嘅豆腐。仲跟一碗白飯，上面撒滿飯素，同一碗味噌湯。咖哩忌廉烏冬招牌咖哩忌廉烏冬係另一必食之選，第二度真係唔覺有得食呢個菜式。大碗烏冬上面滿佈白色忌廉同少少蔥花。忌廉同咖哩香加埋原來好滑又唔太膩，味道其實係日式咖哩既甜甜地，好好食。

呢間吉列牛忌廉烏冬一向都好出名，一直都冇去食，因為佢個烏冬d相好多忌廉，覺得會好滯，今日食完發現同想像中係完全唔同，個烏冬甚至好食過吉列牛。佢有幾個餐，可以單叫吉列牛/烏冬/牛肉蓋飯，仲有啲小食例如蛋捲、炸雞。亦有combo2可以吉列牛+烏冬，同埋combo3吉列牛+烏冬+牛肉蓋飯。今次試咗combo2，食最招牌個2樣嘢，加上個牛肉蓋飯係紫米，唔係太想試。吉列牛，有埋白飯、麵豉湯、前菜前菜係胡麻醬蕃茄同豆腐，豆腐好滑，都唔錯白飯上有飯素，唔喜歡嘅就自己撥走麵豉湯好多昆布，幾甜主角吉列牛，份量還好，唔係好多個皮算脆，燒完食落唔淋肉質彈牙，都會有少少筋，不過還好忌廉咖哩烏冬面頭咁多忌廉，一睇覺得又肥又滯，不過原來只係好薄一層，筷子一夾d忌廉就散開，好稀，會同咖哩烏冬融為一體，基本上撈完係見唔到d忌廉個咖哩烏冬好好味，本人唔太喜歡咖哩味烏冬，不過呢個ok，咖哩夠味但唔會辣同太滯，可能加上忌廉溝稀咗，冇咁稠所以好食d。忌廉加上咖哩出奇地夾，好食，食晒成碗都唔會好膩味噌蟹蓋配紫菜飯團 $58甲羅燒已經預先燒好，幾鮮味放d上飯團，包埋紫菜食，出奇地唔錯秘製蛋卷 $68好滑，好香蛋味，唔會好滯不過面

🇯🇵之前見到好多人去呢間專門食吉列牛+咖喱忌廉烏冬, 身為烏冬控嘅我bookmark咗好耐, 終於去試下😋先點咗招牌嘅吉列牛定食 + 咖哩忌廉烏冬兩人套餐~🔸吉列牛定食 ($246)一客有8件, 最外層係薄薄炸皮, 包住嘅牛肉本身已有3成熟左右, 可以放上石爐到燒至自己喜歡嘅熟度,燒完唔會韌, 肉質幾嫩, 有幾款醬料配搭沾黎食, 我最中意點佢個芥末醬👍🏻👍🏻跟餐有碗撒滿飯素嘅白飯, 味噌湯, 細細粒車厘茄同一細磚豆腐~🔹咖哩忌廉烏冬（雞）咖哩忌廉烏冬係必叫, 兩人套餐包埋, 第一次食呢種日式咖哩忌廉烏冬, 感覺好新鮮,上面滿佈白色忌廉, 配埋底層嘅咖喱, 好creamy, 完全唔覺膩, 烏冬好煙韌滑溜👍🏻🔸雞軟骨餃子 ($48)一份4件，餃子煎得好香脆，雞軟骨好有咬口!🔹綠茶Latte (跟餐+$25)好大杯, 上層大量忌廉, 勁邪惡, 飲落奶味重, 不過就有少少甜, 綠茶味唔苦, 唔好expect係日式特濃抹茶最隻😛📍吉列牛忌廉烏冬專門店 - 地址：銅鑼灣耀華街3號百樂中心22樓 (仲有旺角分店)

放工約左朋友係銅鑼灣最後揀左呢間專食吉列牛忌廉烏冬落左單野食都快送到首先係吉列牛定食有前菜蕃茄仔、凍豆腐同味噌湯吉列牛係鐵板上燒一陣就食得牛肉都幾軟身，味道唔錯另外配埋咖哩忌廉烏冬，感覺好新穎加左忌廉creamy啲，都幾match烏冬入面都有啲牛肉粒烏冬唔會太淋，有少少彈牙叫左款雞軟骨餃子，餃子炸得幾香食炸野就叫左啤酒配吓呢到有手工啤揀添叫左枝龍王柚啤同孫悟空琥珀啤有淡淡嘅柚子味同水蜜香味，唔錯另外餐廳限時食75分鐘，要注意用餐時間