幸福駅 (Closed)

深水埗係一個永遠都發掘唔晒既美食區。早幾日我同朋友行過呢間新開冇耐的小食店，見到都幾精緻，決定入去試一試。門口裝潢俾到一種很舒服的立食式的配置，而且呢度招牌食物都係即叫即整，夠晒新鮮熱辣 !呢度招牌菜有喜列豬扒三文治，醬油雞扒三文治，同埋玉子燒。我地當然係叫晒啦 !呢度既豬扒係用左美國豚肉眼吉列製作，肉質彈牙有肉味。三文治都係烘到脆先同豬扒包夾住，加埋 D 菜絲去中和油炸感。咬下去真係聽到脆聲架 !雞扒飽都好精彩，脆炸雞扒既口感加上佢調配既 燒汁，會食到另一種風味。另外，除了三文治就係呢度既玉子燒啦，佢配好既蛋漿煎完再淋上櫻花蝦，咸香得來又有玉子燒既蛋香食完晒主食，覺得有少少油感，於是我地叫左佢既冷泡茶 同埋 大福 去中和一下。如果你淨係叫冷泡茶，係會有 D 淡，因為佢要同三文治一齊食，就會有魔法效應，好夾 !!!飲完之後齒脥留香，會有一種清新感。整體來講呢間店我覺得幾唔錯，作為小食店佢做得幾出色。推介大家去試下

呢日係深水埗度整野，經過英華女校對面，見到呢間家庭式小店賣日式便當同小食🥡本身見鋪面唔大打算外賣或者立食，不過店主好好人勁熱情咁叫我坐係門口張細檯度，之後又同我傾左一陣計，言談間絕對感受到佢製作食物既熱誠🔥▪️ 真 玉子燒（7/10）💲20玉子燒幾厚同埋挺身，呢個必定係要熱食先正🍳食落唔會太乾或者濕，嫩滑得黎保留到蛋汁，電視介紹係用左兩款雞蛋去整，原味就最試到個味，感覺充滿住蛋香🥚▪️ 特色玉子燒 明太子（7.5/10）💲25特色玉子燒係有唔同既味，因為高湯本身有木魚花，所以我就無再點木魚花，反而係點左明太子🤓入口充滿鹹香，但係又唔會蓋過玉子燒嘅蛋香，相比之下我更為鍾意呢款😍▪️ 吉列豬扒三文治（7/10）💲38本身淨係打算食玉子燒，但係店主話呢個都係招牌，所以我就叫埋🤔份三文治熱辣辣咁上檯，麵包烘得脆身，入面塊吉列豬扒亦好厚，見到部電視介紹話係用美國豚肉眼整，食落鬆化無韌身黐牙，配上芥末同吉列汁，再加入椰菜絲，整體都唔會話油膩🐷▪️ 冷泡茶 桂花烏龍茶（7.5/10）💲+10 (跟食品) / 18因為天氣比較熱，決定加錢飲埋支冷泡茶😆一開已經係有陣陣桂花香，烏龍茶味道亦都濃，成個感覺幾清幽☕️