Video
Read full review
2021-04-20
302 views
有日同男朋友去黃埔睇戲，本身諗住去紅磡附近掃街。點知行過一間良心小店，俾佢店面寫嘅瀑布闊麵吸引咗，所以就想入去試吓比較少見嘅闊麵。所謂瀑布闊麵，其實即係又闊又長嘅白麵，係香港真係好少見咁特別嘅麵🧐。上網睇返先知，原來係店主夫婦以前去日本旅行，發現當地人好鍾意食呢種麵🇯🇵，於是膽粗粗問廠商提出外銷香港，所以我哋先有得食到呢種咁有趣嘅麵咋😋。🐖吉列豬扒流水烏冬 $68兩個套餐都有麵豉湯同3款小菜，分別係中華沙律、醃蘿蔔同酸洋蔥。烏冬同樣都係日本直送，麵體比較幼，同油麵差不多，但都算煙韌。上網睇呢度嘅鰹魚湯底都係自家熬製🧑🏻🍳，真係幾入味，但食到最後都係比較鹹。而我每次食烏冬最鍾意就係見到醬油溏心蛋🥚，流心狀態真係好好食。吉列豬扒同手掌差唔多咁大，炸得酥脆但唔會過乾，點埋蛋黃醬就perfect池🙌🏻。👅評分：8/10🍜日式冷瀑布闊麵 $58作為鎮店名物，嚟到點可以唔試瀑布闊麵？瀑布闊麵有兩種食法，分別係冷麵同鰹魚熱湯，而我哋就選擇咗冷麵🥶。講返個餐，闊麵之外有一碗醬油、蘿蔔蓉、葱、芥末同生嘅鵪鶉蛋🥚，店員叫我哋將所有材料溝埋一齊。一開頭我就咁試咗闊麵沾醬油，感覺都好似食緊比較闊嘅烏冬。闊麵
所謂瀑布闊麵，其實即係又闊又長嘅白麵，係香港真係好少見咁特別嘅麵🧐。上網睇返先知，原來係店主夫婦以前去日本旅行，發現當地人好鍾意食呢種麵🇯🇵，於是膽粗粗問廠商提出外銷香港，所以我哋先有得食到呢種咁有趣嘅麵咋😋。
🐖吉列豬扒流水烏冬 $68
兩個套餐都有麵豉湯同3款小菜，分別係中華沙律、醃蘿蔔同酸洋蔥。烏冬同樣都係日本直送，麵體比較幼，同油麵差不多，但都算煙韌。上網睇呢度嘅鰹魚湯底都係自家熬製🧑🏻🍳，真係幾入味，但食到最後都係比較鹹。而我每次食烏冬最鍾意就係見到醬油溏心蛋🥚，流心狀態真係好好食。吉列豬扒同手掌差唔多咁大，炸得酥脆但唔會過乾，點埋蛋黃醬就perfect池🙌🏻。
👅評分：8/10
吉列豬扒流水烏冬
$68
24 views
0 likes
0 comments
吉列豬扒流水烏冬
$68
16 views
0 likes
0 comments
🍜日式冷瀑布闊麵 $58
作為鎮店名物，嚟到點可以唔試瀑布闊麵？瀑布闊麵有兩種食法，分別係冷麵同鰹魚熱湯，而我哋就選擇咗冷麵🥶。講返個餐，闊麵之外有一碗醬油、蘿蔔蓉、葱、芥末同生嘅鵪鶉蛋🥚，店員叫我哋將所有材料溝埋一齊。一開頭我就咁試咗闊麵沾醬油，感覺都好似食緊比較闊嘅烏冬。闊麵麵體唔會好厚，表面光滑，所以食落口感非常滑溜。最有趣係麵條都幾長，攤開大約應該有15-20cm(第二張相對摺咗🤣)。撈埋啲配料一齊之後，食落覺得口味淡淡地，可能因為麵身太闊導致啲汁唔係好掛到上去。而且個人唔係好鍾意生蛋🥺，所以覺得唔太啱我口味，不過整體食落係個有趣嘅體驗。
👅評分：6.5/10
日式冷瀑布闊麵
$58
16 views
0 likes
0 comments
🥤水蜜桃多多 (套餐+$7) & 波子梳打 (套餐+$3)
波子梳打係正常日本嘢飲。水蜜桃多多嘅益力多味比較重，但蜜桃味唔突出，不過唔會有化學味或者味道過甜，值得一試。
👅評分：8/10
16 views
0 likes
0 comments
Post
