Video
Read full review
2020-10-19
3389 views
「壽司郎」無人不識，隨住佢愈來愈多分店，開到連長沙灣同荔枝角交界都有一間。位置相對隔涉，但人流仍然好高👏，呢個世界上已經無嘢阻止到香港人對日本菜嘅喜愛。朋友喺長沙灣嗰邊返工，由於佢好想食，我又仲未試過，所以佢等餐廳一開門就去㩒飛仔，你知啦壽司郎個App長期都無哂即日籌，甚或訂到2046都無㗎嘛😂。意外地呢日早上11點半左右㩒飛，20分鐘內應該就入得；但我未嚟得切，所以佢唯有拎後補飛(即叫原號碼後30分鐘內適用)。我哋最終12點3左右入得，雖則拎飛嗰陣有分迴轉位或者卡位，不過原來安排入座時都係無分，但都會問聲你O唔OK迴轉位嘅。嗌飛次序我唔知係點，你唔會估到補飛幾時會嗌😅。唉，我仲發現一樣幾令人失望嘅事情😞，就係餐廳多人等位某程度上係故意「造」出嚟。本身我天真以為餐廳為符合防疾要求只開一半座位，所以門口望到嘅迴轉枱無坐滿係正常。但點知原來唔係🙄，例如我坐11號位，旁邊10號位根本唔係有上一台客食完要執枱抹枱先唔嗌住，而係等張枱足足空咗15分鐘、我哋開始食嘢，先至有個男仔入座。我相信門口見到嘅座位亦係同一情況，目測唔覺之前有人食完。今時今日嘅壽司店竟然仲有迴轉帶，真係有點匪夷所思、多此一舉
「壽司郎」無人不識，隨住佢愈來愈多分店，開到連長沙灣同荔枝角交界都有一間。位置相對隔涉，但人流仍然好高👏，呢個世界上已經無嘢阻止到香港人對日本菜嘅喜愛。
朋友喺長沙灣嗰邊返工，由於佢好想食，我又仲未試過，所以佢等餐廳一開門就去㩒飛仔，你知啦壽司郎個App長期都無哂即日籌，甚或訂到2046都無㗎嘛😂。意外地呢日早上11點半左右㩒飛，20分鐘內應該就入得；但我未嚟得切，所以佢唯有拎後補飛(即叫原號碼後30分鐘內適用)。
我哋最終12點3左右入得，雖則拎飛嗰陣有分迴轉位或者卡位，不過原來安排入座時都係無分，但都會問聲你O唔OK迴轉位嘅。嗌飛次序我唔知係點，你唔會估到補飛幾時會嗌😅。
唉，我仲發現一樣幾令人失望嘅事情😞，就係餐廳多人等位某程度上係故意「造」出嚟。本身我天真以為餐廳為符合防疾要求只開一半座位，所以門口望到嘅迴轉枱無坐滿係正常。但點知原來唔係🙄，例如我坐11號位，旁邊10號位根本唔係有上一台客食完要執枱抹枱先唔嗌住，而係等張枱足足空咗15分鐘、我哋開始食嘢，先至有個男仔入座。我相信門口見到嘅座位亦係同一情況，目測唔覺之前有人食完。
今時今日嘅壽司店竟然仲有迴轉帶，真係有點匪夷所思、多此一舉！正正因為壽司要即叫即整先新鮮，放喺度嘅往往無人問津，所以趨勢先將迴轉帶淘汰🤔。我肯肯定同你講我自己就唔會拎迴轉帶上嘅壽司食。同時，餐廳亦因為有迴轉帶而令埋單時要店員嚟數碟...，又無聊又嘥大家時間。
點餐係用電子屏幕自行落單🖥，每次只可以點四款食物...，有啲煩，要分好多次，但可能因為佢知迴轉枱唔夠位擺😜。價錢算OK嘅，大致上分為幾個價格，消費幾多自己話事，最平$12嗰款都有好多選擇，豐儉由人。
未食之前已經再有另一樣嘢令我幾唔高興，就係大部份壽司碟嘅碟邊都唔太乾淨，掂完隻手有油😖。利申我係用筷子食壽司，而唔係用手。其實睇相(下面介紹食物啲圖片)都見到囉，就知我無講大話。
終於入正題，到食物部份🙈。先講整體感覺就係味道好普通，唔想承認都要講某集團嘅X氣壽司係明顯好食啲，價錢定位亦差唔多。
炸甜蝦
$17
12 views
0 likes
0 comments
茶碗蒸
$19
8 views
0 likes
0 comments
炸雞軟骨
$17
10 views
0 likes
0 comments
吞拿魚
8 views
0 likes
0 comments
三文魚牛油果卷
$22
9 views
0 likes
0 comments
炙燒羅勒三文魚
10 views
0 likes
0 comments
昆布漬比目魚($12/1件)及北海道產稻烤三文魚($12/1件)，兩款好似都係期間限定款式。前者特別在於魚生同飯中間加咗塊香葉(昆布?)🌿，散發住獨特嘅香氣。後者嘅實物同相片差好遠，果然食物相片只供參考，所謂嘅烤邊消失了，只係得一片較厚嘅三文魚，上面加幾粒三文魚子，同樣地搭多塊香葉，但味道算唔錯。
油甘魚($17/2件)及壽喜燒牛排($12/2件)，前者我無食到，不過見幾厚切。後者係創意壽司款式吧，傳統料理店應該無？味道還可以，🐮醬燒牛肉夠惹味，但肉身偏薄，唔太夠喉。
牛油果熟蝦
$12
7 views
0 likes
0 comments
我哋總共食咗紅色碟8隻[$12]、銀色碟4隻[$17]、金色碟1隻[$22]、黑色碟2隻[$27]、白色五角容器2隻[$17]、黑色容器1隻[$27]同蒸蛋[$19]，連加一服務費$352，人均$176，價錢中等啦，畢竟都食咗好多件😚。壽司郎長沙灣呢間分店有樣好嘅地方就係，目前喺該商場用電子消費滿$300有一張戲飛送，食夠三百其實唔難。
總括嚟講，壽司郎真係被人吹大咗好多，壽司質素平庸到不得了，個人認為稱唔上好食。排隊三十分鐘以下先可以考慮一試🍣，如果要用上幾個鐘等候或者上網「買籌」就不了、不了、不了！我明白好多人嘅心態係想食壽司，但又唔會再幫襯某店，壽司郎因此而變成唯一選擇。不過佢無論喺味道、衞生同入座安排都未能令人滿意，有極大改善空間🙏🏻。
Post
