爆丼屋 (山東街)

Open Now

Now Closed

每次經過爆丼屋是「三過家門而不入」，終於在上個星期下定決心進去了🤣餐廳主打海鮮丼，把魚生堆砌成小山丘般，賣相十分誘人；我們分別點了吞拿魚及三文魚爲主的丼飯，人均 $200  ᐅ 冲繩赤身拖羅蓉丼 $198 拖羅脂肪分佈均匀，天然魚油脂肪的甘香味在口裏大爆發；比較有驚喜感的是拖羅蓉，入口即溶，魚香味持久；赤身為脂肪較少的部位，肉質結實，比起拖羅蓉較遜色  ᐅ 火焰盛丼 $165 分別由三文魚、左口、帆立貝及蟹棒組成；左口為魚腩部位，爽腴鮮美，味道最爲突出；作爲三文魚愛好者，對三文魚有少許失望，肉質柔軟唯味道較淡

呢度特色係師傅會將魚生堆砌成小山丘，造型吸引，打卡一流。餐廳提供丼飯、壽司、手卷、炸物、燒物同飲品，每個盛丼都會附送味噌湯。三色海膽盛丼 $358呢個丼飯真係好啱海膽控既朋友😍 一個丼飯有哂3款地方嘅海膽，份量多，食完大滿足！👦🏻❤️韓國海膽呈橙黃色，味道濃郁及甘甜。加拿大海膽呈橘黃色，最大片，近睇見到卵子顆粒分明，味道甘甘地。👧🏻❤️北海道海膽呈深橙色，細細粒，味道濃郁甘香，質感好creamy。三段重大極上丼 $398最上層係海膽，非常鮮甜而且質感creamy。中間鋪咗幾片拖羅🐟，色澤粉嫩，充滿油香。下層係松葉蟹肉，拆肉碎上，啖啖蟹肉嘅鮮甜味🦀，真係令人回味無窮！白桃乳酸 $35白桃味清甜加乳酸味嘅味道，甜甜酸酸幾開胃🍑。菠蘿味波子汽水 $28有菠蘿既甜味，飲落好清爽🍍📍 爆丼屋 (山東街) (旺角)旺角山東街57號地下

幾年前已經試過旺角嘅爆丼屋，記得真係好多魚生好吸引，原來最近佢搬咗新舖，所以又嚟幫襯吓。依家係用QR code落單，非常方便，我就睇中咗呢幾款丼飯。落單後，店員先奉上味噌湯。味噌湯入面有海帶、蘿蔔片、油揚、最正係有脹卜卜嘅蜆肉，非常豐富。之後就到勁爆嘅丼飯出場，首先係三重大極上丼。上面有滿滿嘅海膽、拖羅同蟹肉，全部都係較為上價嘅食材。值得一提嘅係店員會將Wasabi放喺碟邊，對於唔食Wasabi嘅我覺得服務尤其貼心。呢個丼飯唔算平，但當你見到拖羅嘅數量，而且用料新鮮，拖羅高質夠肥美，淨係呢幾點都已經值回票價。除咗刺身飯，佢仲有燒牛肉丼，今次就一於試吓未試過嘅重量級燒牛排盛丼。我相信呢度有2-3塊牛扒切成，所以真係非常大堆頭，混合佢哋秘製嘅黑椒汁，送飯一流，非常惹味。 呢杯特飲叫泡泡浴沙冰，個名夠哂gimmick，原來佢係波子汽水味嘅沙冰，上面仲加咗爆谷同忌廉，玩味十足，相當過癮。另外就叫咗杯平實啲嘅荔枝青檸梳打，味道清新唔太甜。食滿$634仲會送一個扣針，食飯有贈品係有驚喜嘅，不過我都唔太清楚係咪有咩collection😅