大勝丼 (Closed)

呢度嘅丼飯可以自選材料, 變相樣樣野都係自己鍾意嘅. 魚生未食都知好食, 因為色澤靚又飽滿. 特別推薦蟹糕同魷魚, 蟹糕好幾鮮味蟹味濃. 魷魚好彈牙, 咬落去可以一啖咬穿層衣, 一個字 "鮮"!韓式豚王爆丼, 幾惹味, 瘦嘅五花肉, 但係豚肉太硬亦太嚡口, 唔算好食味噌湯味道一般 勝在夠熱同足料

味噌湯好多蘿蔔魚生丼好似車仔麵咁揀餸，唔一定叫default嘅set我揀左紅醋飯+蟹糕+油甘魚腩+芥末八爪魚+灸燒左口魚，特別推介油甘魚腩同左口魚另外試左個炸雞，熱辣辣，即叫即整埋單仲送你Yell Card!!!

同老公行完信和商場 , 就上樓walk in 入座 , 店員提示入座計一小時 , 食堂唔太大 , 除左1.5米距離後 , 大約得10 - 12枱可坐 , 主要食飯類 , 都有味噌湯飲 , 老公食帆立貝海膽丼 , 海膽好豐滿 , 而帆立貝都好多粒又幾厚同鮮味 . . . 我食黑松露牛肉便當 , 有2件炸蠔....好鬆脆 , 不過見小食有吉列炸蠔$58有5件 , 忍唔住口叫一客....剛入座滿一個鐘店員即附上賬單提示時間離場, 兼附送每人一粒雪米糍  , 係蘋果味好清甜.... 總括小食款式算多 ,   同時見門口有人排緊隊等入座 , 我地又咁啱已一個鐘 , 食埋粒飯後甜品走人 !

又係無所事事既一日，5點幾扮完工，又係時候去行下街，行到黎信和呢邊，收到姐姐派傳單，比個88折吸引住我。📍位置餐廳就係信和隔離，旺角新城，上5樓就係，唔難揾既。❣️環境&座位呢度裝修簡潔，光線充足，空間感都幾好，比我一種好順心既感覺。岩哂三五知己一齊黎食個飯，傾下計咁，呢度仲有卡位添啊。❣️Menu 菜式方面呢，呢度設有最低消費每人$100or 一個丼飯。同埋只要隨丼飯，就會跟埋味噌湯、飲品、甜品，性價比超高。✨甘蝦海膽丼 ($148)一上枱，呢個造型真係贏哂，有5隻大大隻既甘蝦，入口味道鮮甜，沒半點腥味。加埋半板海膽，粒粒外形飽滿完整，色澤金黃，表面乾身兼且顆粒明顯，口感creamy。✨三文魚帆立貝丼 ($128)同樣的大把大把既三文魚籽，一咬落去，鮮味爆發。三文魚好厚切，魚肉又爽口，食得出係幾新鮮既。而帆立貝都好厚肉，開左邊都仲係好厚身，肉質都好結實，size都唔細。✨炸蒜香雞軟骨 ($42)我地仲叫左個小食，雖然呢個炸雞軟過令我好有罪惡感，但真係好好食，炸到脆卜卜，size都好大粒，偶爾食半碟都唔係好過分姐！食落口又真係做到好似日本啲居酒屋咁，又香又脆。為我地既晚餐畫上完美句號。❣️總