南大門

Open Now

Now Closed

南大門係喺鯉魚門海鮮街最入嘅一間餐廳，由油塘地鐵站開始行到南大門大約要15分鐘，都有紅van可以到海鮮街，有揸車就會方便d。佢係一間來料加工嘅餐廳，有270度落地大玻璃，建議大家可以5點幾6點去到，就可以欣賞到日光至晚間嘅景色喇～我哋攞咗位之後，就去附近一間叫威記嘅檔揀海鮮，揀完再同南大門講返每樣海鮮想要嘅煮法。餐牌有名碼實價列出收費，簡單易明，基本烹調費每人$110，如果坐窗邊的話每人$130。例如我哋5個人去食，坐窗邊位，即係$650包煮5樣海鮮，額外每碟海鮮收費$120，如果再叫小菜就再另外收費。想特別讚嘅位係，餐廳環境乾淨企理，服務一流好貼心，上咗三碟餸之後，會等我哋差唔多食完先再煮其他餸，唔會一次過上哂，等我哋可以慢慢食慢慢傾，海鮮緊係要趁熱食先正，一次過太急上哂係食唔切，仲有d細節位就唔詳細講了，總之就好滿意🥰我哋喺威記買咗一隻肉蟹，一斤半蜆，一條斑，五隻扇貝，一隻西澳龍蝦，一隻墨魚，總共買咗$2000，主要係條斑同龍蝦比較貴。海鮮全部都好新鮮，服務都好好，送咗個生果盤同湯。•🥢 焗芝士龍蝦伊麵 呢碟海鮮加咗芝士同伊麵，所以另外要加$90，伊麵份量適中，麵質正常，唔會過淋，

琴晚趁著5.1勞動節，同朋友再次係南大門聚餐🤤今次我地被安排係樓上細房，可以望著外面海景嘆靚靚海鮮🦞因為限聚，我地7個人用隔板分開，但仍然相談甚歡！今次係為了歡迎從日本回港的好友，所以特意點了一D有香港風味嘅菜式，包括生蝦刺身（我本身唔食生野，好彩D蝦頭用豉油王做法，非常好味），另外仲有瑤柱蛋白炒飯（真係好多瑤柱），啫啫芥蘭（呢個用煲仔上，好有大排檔風味，芥蘭唔會太淋，好啱我口味），薑蔥牛肉拌麵（我唔食牛，呢個係其中一位朋友指定+外賣菜式）等👍🏼 另外，餐廳經理同服務員都好殷勤，會主動推介時令菜式👍🏼食完呢餐，已經急不及待約左另一班朋友下禮拜再黎 🤤

鯉魚門的海鮮食肆多不勝數，幸運的是次的吹水會議選址正確，一眾會員吃得開心。龍蝦刺身擺放精美漂亮，爽凍的龍蝦肉只需蘸一蘸陳醋豉油，已能盡顯鮮爽，中式刺身的極品。不知何解這碟豉椒蟶子炒得特別好吃，豉味足而不過鹹，蟶子肉大條不靭。蒜蓉粉絲蒸扇貝的扇貝肉厚大得離奇，蒜蓉的份量剛剛好，還吃到扇貝肉的鮮香。七味炸豆腐外層香脆，裏面的豆腐仍然保持有豆香，少許的七味粉已能提起味來。椒鹽瀨尿蝦超級巨型，蝦肉又厚又長，椒鹽極之惹味，正！酸酸甜甜的咕嚕肉，豬肉炸得夠透，混了汁仍是脆的，啖啖肉，徹徹底底的滿足了一群食肉獸！西蘭花好像浸在一個芝士海裏一樣，芝士汁澎湃得過份，每一件西蘭花都被芝士漿包裹著，甚至乎高過西餐的甚麼芝士焗菜的菜式！要在同類酒家當中突圍而出絕非易事，但小人就覺得這間是到目前為止在鯉魚門吃過最好的一間。

其實去南大門食飯已經有一段的時間，但是也沒試過像這次一樣的，十八人來香港然後浩浩蕩蕩的去吃一頓飯。打電話預約了二樓39號單間，裡面還有露台，可以走到外頭看一下，相比起以往一直在樓下吃飯，這次的感覺大有不同，值得一薦。可惜是我們人始終比較多，一張桌子坐下去難免還是有點擁擠，但這也是無可厚非的，可以安排到房間已經非常難得！上載了的都是當晚的美菜佳餚，可惜的是有些圖片並沒有拍攝得很好，所以沒有放上來。大致上有，龍蝦刺身，鼓椒炒蟶子，椒鹽瀨尿蝦，象拔蚌，現仔蟹？（服務員是這樣讀的），清蒸魚，鮑魚切片，蔥油雞環境和食物都是滿分，價錢雖然是略貴了我覺得，但食過多次，也去過其他的海鮮酒家，始終覺得是這裡不錯！！