圓山台灣料理 (Closed)

畢業之後各有各工作，不過朋友係要見㗎嘛，所以今日約左係圓山台灣料理食晚飯。餐廳名字感覺係普通台灣餐廳，點知一入去發現係茶樓式經營，裝潢俾人感覺金碧輝煌，大家都坐得舒服。係云云套餐之中，自選八道風味菜最吸引我，每道菜平均唔駛$100，食物選擇亦多。干煸四季豆炒得乾爽唔算太油膩，而且有適量肉碎，肉味香濃。蚵仔煎比較似煎蛋，亦唔係配有酸甜醬汁嗰種。蛋味幾香，酥脆但失去香滑口感。 平時食滷肉飯嘅滷肉都係細細粒，今次係第一次食咁大件嘅滷肉，肉質唔鞋，味道鹹中帶甜，入曬味。三杯雞上曬色，惹味同時唔會太油。另外醬汁香濃，送飯一流。蛋黃肉成坐山咁高，味道比一般肉餅更甜，有少少咬口。咕嚕黑豚肉比一般咕嚕肉更加嫩滑，醬汁酸度剛剛好。溫室南瓜炒鮮飽要加$180升級先有。南瓜同鮑魚比例算合理，鮑魚幾大隻肉質彈牙，南瓜稍為煎過所以幾香口。另外仲叫咗碟台灣炒新竹米粉，分量大之外，米粉稍為濕潤唔會太乾，配菜係菇、雞肉等等，簡單就是美。最後食埋小倉紅豆椰汁糕就結束今次晚餐。自己感覺圓山台灣料理不只售賣台式食物，更包含中國菜嘅元素。性價比都高，非常適合多人聚餐。

套餐菜式一應俱全，亦有自由度大點的超值風味自選套餐，可自由搭配菜式。最後我們選了超值風味自選套餐，自選四個菜式，還可以以優惠價以一換一升級菜式。干炒四季豆肉碎香口惹味，四季豆爽甜開胃，不會一入口就是滿嘴油膩，而且十分下飯。咕嚕黑豚肉色澤紅亮，口味酸酸甜甜，十分開胃。海瓜子海瓜子即蜆，肉質彈牙；惹味香濃，帶點微辣讓味道層次更豐富。溫室南瓜炒鮮鮑 (跟餐+ $188)溫室南瓜味道香甜；鮮鮑份量多且大顆，爽口帶彈性，有嚼勁，口感佳。台式炒蟶子皇 ($248)蟶子皇份量多，肉厚肥美，爽脆彈牙，鮮味十足，口感非常好。台南擔仔麵 ($28)麵條口感爽滑彈牙；肉臊半肥瘦，入口惹味、香醇不膩，齒頰回味留香。紅荳椰汁糕只要讚好專頁就會送一件紅荳椰汁糕。入口滿是椰香味，紅豆非常柔軟，口感香滑清涼，甜而不膩。

今日帶親戚到尖沙咀加連威老道購物，不經不覺已入黑，又係醫肚時候，知道附近有間台灣料理就食下小菜啦先飲啖茶，回一回氣，再慢慢睇下餐牌前菜-開胃青瓜，爽口清甜台灣料理-四道風味菜只需$388幾經濟脆皮大腸-腸內清潔乾淨，炸得脆口，配上酸甜汁啱晒我三杯雞-用瓦煲仔上菜，熱辣辣又辣辣地，一煲都有好多件雞，雞件有很多肉屏東小炒皇-小炒皇一向都係小菜的百搭，因為一碟餸𥚃面有幾多唔同材料，有蝦乾、腰果、魷魚、韭菜花......，小菜唔咸，韭菜花清甜咕嚕黑豚肉-黑豚肉炸得很香口肉質幾淋流沙包-我的至愛必食熱辣辣的包，打開後奶皇爆瀉了食品質素岀色價錢又抵食，待應服務態度好有幾款餐牌慢慢睇下想食乜

朋友約伴到「圓山台灣料理」吃晚餐，不吃不知道抵食和好吃。閒日的星期四晚上也座無虛座，幸好已預約。店鋪沒有華麗的裝置，却有抵食套餐，我們不用考慮太多已經剔好落單，自選四道風味菜$328，加$188升級其中一款風味菜，揀了台灣花雕蒸膏蟹。很清香的菊花茶和爽脆青瓜。台灣花雕蒸膏蟹，有酒香的膏蟹令人垂涎欲滴，不會喝酒也會喜歡，蟹肉也挺結實鮮美。乾爽無明顯油份的鹽酥雞，大家都喜歡，很快便「美人照鏡」了！甜甜酸酸的咕嚕黑豚肉很醒胃，配上三色椒、洋葱、菠蘿、桃片更豐富可口，三個「食肉獸」可以省卻再要碟清菜了！鹽酥脆豆腐，外皮薄脆內軟滑，同時，都是乾爽無明顯油份的。四人套餐我們三人分享，份量當然足夠，如果四人分享可以加白飯又夠食喎！有蟹、豚肉、雞的套餐、茶介連加一小費$620，人均消費$207，OK架。

門口細細，上樓梯後就柳暗花明，地方闊落，似酒樓格局，以台灣料理為主。有個超值風味自選套裝值得推薦，經計算後的確比散叫平，兩人叫四道菜已很足夠。沒有收小食錢，茶錢每位$16元，屬於中檔次收費，勝在部長及服務員都服務周到，感覺親切。我們選了四道風味菜$328，其中一道胡椒焗中蝦，需要加$88升級，另外三道為五味鮮魚，咕嚕黑豚肉及台式小炒。五味黃花魚為酸甜味汁，魚身每邊用刀片開兩三刀再瓣起成形似翅膀，讓魚身落油時每部份受熱均勻，上碟時淋上醬汁蔥花，香甜鮮味俱在。胡椒焗中蝦有八隻，胡椒香氣撲鼻，蝦極鮮，不會過老，經驗老到。咕嚕黑豚肉已起骨，酸甜汁加上菠蘿，紅綠椒做配襯，賣相吸引。台式小炒落足料，西芹腰果夠多夠香口。

同長輩食飯，都係要揀番啲中菜先至岩佢哋口味。但次次酒樓食廣東菜都會有啲悶，所以今日試小小嘅新野，就係食台灣菜啦。雖然佢同平時食廣東菜嘅差唔多，但有台灣嘅特色。三杯雞呢個三杯雞做到好惹味，一上枱嘅時候啫啫叫，好似食啫啫雞咁。雞先醃過，時間控制得剛剛好，雞肉好嫩滑，啲汁好入味，好香薑蔥味。咕嚕黑豚肉咕嚕肉用左蜜桃、西椒同洋蔥去炒，個汁酸酸甜甜，limlim地，好開胃。望落去同平時嘅咕嚕肉差不多，但食落個豚肉你就知道有幾唔同！呢個黑豚肉真係超正！佢唔係好肥，冇乜肥肉，但係個肉好林，夾落去彈下彈下咁，咬落好似有肉汁必出黎甘！花雕蒸海中蝦好香花雕嘅味道，蝦都好新鮮，好爽口，因為新鮮，所以啲肉唔會黐住個殼。屏東小炒皇呢個小炒王都炒得幾乾身，材料都好豐富，有韭菜花、蝦米、魷魚同肉片等。味道剛好，唔會太鹹，韭菜花都炒得幾爽口。極品流沙包呢個流沙包超正！價錢唔貴，30幾蚊就有三個。新鮮熱辣蒸起。打開個時候真係要小心啲！我摵開嘅時候啲餡流晒出嚟，熱辣辣！食嘅時候真係要小心啲，如果唔係會辣親。個餡好香鹹蛋黃嘅味道，食落有少少沙沙嘅鹹蛋黃，同埋甜甜嘅奶黃味！呢個流沙包係我食過最好嘅，佢真係做得好流沙，而且味道