7E咖喱王

Open Now

Now Closed

重慶大廈就成日都經過 但入去食野就真係第一次～ 為咗食正宗咖喱 獻出第一次🤣 果然無令我失望！.今次食咗....🌟特式香料雞呢個真係好正！我朋友唔食得辣本身都驚驚地，食落唔太辣甜甜地，食到啲香料味道好驚喜，係未食過既味道，撈飯同點薄餅都好惹味😋清曬！必食！.🌟咖哩牛腩食第一啖覺得好食，係平時食到既咖喱味，啱啲唔太喜歡香料同重口味既人食～明明開頭食都覺得好好味，可能因為香料雞個味太特別同驚喜，相比下呢個會普通啲，不過都試得過😋.🌟芝士烤餅食咖喱點可以無烤餅！！！呢個芝士烤餅好大份，咬開中間充滿住芝士，好滿足， 點埋咖哩食簡直係天堂❤️❤️❤️ 咖哩同烤餅真係天生一對！一定要嗌呀！飲品方面🌟芒果乳酸口感好杰好濃 好重芒果味🍹.🌟青檸梳打中規中矩 正常味道 食完咖喱飲呢個清清地好fresh!.有個重點就係個到啲職員全部都好nice!!!!服務態度好好，唔知嗌邊樣好可以請佢地推介一下，餐飯食得好舒服☺️

如果要說香港的特色，那麼多元文化融合就是國際公認的香港的特色了。在水泥叢林中，重慶大廈內藏著一個神秘的國度，六十多個國家的人非常自然生活在一起，共存的國家文化沒有一絲衝突的感覺。每一步都像在世界旅行，來到E座7樓的＂印度＂，一間名為咖哩王的店中品嚐最正宗的印度菜。環境非常清潔，加上店員會說中文，整體讓人很舒服的感覺，能夠愉快地去探索接下來讓人期待的印度菜。由於我們只有兩人，所以點的菜不多，不過每一道都令人回味無窮。咖哩牛腩 ($75)雖然名字上是咖哩牛腩，但這裡的咖哩牛腩仍充滿印度特色，與街外普通的咖哩牛腩有很明顯的差別。印度咖哩的辣讓人食慾增加，牛肉有點韌，很有嚼勁。會白飯一流印度香料雞 ($78)雞件相當嫩滑，大小剛剛好一口一件。原以為會很辣，沒想到反而很突出的是獨特的香料味道，一點甜很好吃而且辣度適中。烤餅 ($22)餅非常的軟帶著一點點的香味，撕開的時候有一點煙韌，不過拿來點其他菜餚的汁就美味得很，不一會就把其他菜餚的汁都清光。

重慶大廈不嬲都係出名食印度野，今晚朋友介紹去呢間頗為出名嘅7E咖哩餐廳，入到去環境簡單冇乜裝修，但當服務員服務態度都幾好，一坐低就有胡椒薄餅配薄荷醬，食落都幾香囗爽脆，加埋薄荷醬味道更清新。呢個香濃茄汁繪蝦球啲蝦幾大粒都幾爽口，咖喱非常香濃，小小辣幾開胃。再叫個蒜香薄餅，兩者配合黎食簡直一絕。再嚟多個咖哩牛腩, 牛腩囗感剛好，咖喱汁甘甜, 味較重, 配個原味薄餅，薄餅有彈力唔油膩，整體味道正間中來下食印度咖喱真係一個唔錯嘅選擇，呢度嘅印度咖喱真係好正宗。

請朋友食生日飯，我揀咗重慶大廈嘅地道印度餐廳，雖然兩個女生係有D驚，但為咗食好嘢就很快幾步。印度餐廳大多奉送地道芝麻胡椒香脆薄餅, 配印度香草乳酸，微辣並烘至乾脆嘅餐前小食。香濃茄汁繪蝦球是友人推介的。這個印度咖喱的香料味較濃, 椰奶香帶甜，辣度惹味，蝦球大大粒咬感十足，再配一個原味烤餅，烤餅鬆軟。沾上咖哩汁非常美味咖哩牛腩, 咖哩汁入口甘甜, 之後感覺到很刺激的辣味, 香料味較重, 汁比較濃稠味道十分濃郁. 越吃越上癮. 大大件牛腩肉質十分淋軟配蒜香薄餅，呢個手拉薄餅好彈力又唔油，帶有蒜香味道雖然冇華麗嘅裝修，但感覺好實在好地，道簡簡單單食一餐印度咖喱，感覺別有一番風味

約左阿妹係isquare睇戲 睇戲之前食個晚餐本來諗住係商場入面求其搵間餐廳 但係阿妹話唔想食連鎖餐廳話食到悶 所以就決定去隔離既重慶大廈黎個重口味既一餐😂去到門口已經有一班人用中英文不停問你買唔買呢樣個樣呀食唔食咖哩個類 我地當然有備而來 一早search到呢間7E咖哩既評價唔錯 剛好俾我地遇到其中一個人係呢間7E咖哩王 我地即刻YesYesYes 咁就成功離開左人群 由佢帶我地去搭𨋢 好彩有佢 如果唔係 係入面真係會迷路😂 佢仲俾左張會員卡我地tim可能時間仲早 仲有好多位 入面環境都光猛坐低左之後有個叔叔走埋黎問我地食咩估唔到佢係講廣東話架wor 雖然唔係好正因為頭先一路見到都係東亞裔人 都係講英文估唔到有個似亞洲人既叔叔 仲同佢傾左一陣個menu入面有好多款小食飯咖哩可以揀咖哩既肉類都有好多唔同既雞牛羊魚蝦真係有選擇困難 對於我呢d平時淨係食開茶餐廳咖哩既人 有咁多款咖哩 真係唔識揀😂首先佢會上左呢個威化胡椒餅 配埋呢個綠色既薄荷醬汁 加埋一齊食辣辣地 好香口好開胃跟住就係呢個 就算唔係成日食咖哩都會識既Samosa 我地揀左素既炸到好香 個皮係好脆 放入口好熱辣辣但係又唔會有

上年賴生第一次帶埋屈小姐參加每年一度同一眾同事好友既咖哩盛薈，話咁快又一年啦，今年第2次參加啦，係去之前果日賴生仲有朋友專登打黎問今年屈小姐會唔會黎，大家都好擔心賴生會唔生性冇左個咁好既女朋友(<--賴生ff中) 傻的嗎？賴生執到寶，問天問地攞唔到麻！每次黎到重慶大廈門口，都總有班南亞裔人士會派傳單同介紹你去幾多樓咁樣，但實情係，我地一早訂左枱啦，係上到去間餐廳之前，周圍都好似彌漫住危險既空氣，賴生全程保護住屈小姐，驚佢比人捉走咁！(<--賴生再度ff中) 上到去間餐廳其實坐得幾逼，不過逼都好，可以易D傾計(同埋易啲夾野食)，當然賴生梗係同屈小姐傾啦，始終佢唔熟賴生既Fd麻我地實在太多人啦，所以交左比老闆娘發版，而我地只係需要揀野飲就睇下今晚有咩食先1）胡椒薄脆（4星）- 好脆！而且有好辣既胡椒味！好岩賴生食，不過就辣過頭，辣親屈小姐啦！2）咖哩角（3.5星）- 炸出黎都熱同脆既，但皮太厚囉，特別係角頂位，同埋有點油 啲餡係豆泥果啲，其實熱食幾好食架！3）印度烤雞 （4星）- 一客係一隻雞脾，佢斬開上下脾比你嫁，方便我地一人一舊！好香好入味！而且唔算好鞋!都唔錯呀！4）

第一次踏足重慶大廈，門口企滿印度男人在招客，但他們的手法令我們嚇怕。只要你伸手去接其中手上的傳單，身邊其他都會隨著你衝埋黎"塞"入你手，好恐怖的場面。我和朋友逃出人群跟著咖哩王哥哥走，原來要左轉右轉先到LIFT，如果要我自己找真係會迷路。我們一行六人，沒有訂位，竟被安排坐入'VIP'房，這間'VIP'房很陝窄，只有一部冷氣機及三張二人枱組成的六人枱。=.=" 聽到出面係極嘈的，所以'VIP'房好處就是夠靜可以隨意傾計。講番食物::一坐低就奉上一籃好咸既胡椒餅&一碟綠色的汁?醬? 麻麻地，當薯片一路食住等野食傾計都OK既。鐵板烤雞，我們選了無骨果種，容易食啲。上桌時鐵板還有'炸..炸..炸'聲音，好熱好香噴噴雞辣辣地，啖啖肉，我覺得最好味的一道菜。*******************咖哩牛腩，印度咖哩出名'重口味'...好濃郁既香料味，唔會太咸，辣味岩岩好，應該係調較過岩香港人的辣度，讚!! 牛腩好稔好入味。不過略為細碟&少汁(因為我用來撈飯同點薄餅食)*******************咖哩雜菜，入面有豆類，有西蘭花等等‥呢碟咖哩有少少甜，菜夠稔入晒味!!!食唔停口!!******

今日天氣勁熱, 同事問起有咩好嘢食, 有人建議食激D再留下汗, 於是就陪佢哋癲下搵咖哩食, 之前去過幾間比較出名既咖哩食店, 但覺得重慶比較有風味及隱陣, 咁就決定放工早D來開餐啦; 六點半來到全場並無客人, 我哋先Order了咖哩角, 味道一般未見特出, 之後再叫了四款咖哩, 有雞、牛、羊及蝦, 其中以牛腩及蝦的咖哩最香口, 而我哋又點了三份薄餅包括蒜蓉薄餅、芝士薄餅及什果薄餅, 幾款薄餅都用咖哩醬點來食, 攪到分唔到邊種味道最好, 只係分到邊種咖哩汁最好味道, 我哋越食越覺得熱又越來越口渴, 總共飲了幾罐汽水但都係解唔到渴, 睇來今晚要飲好多水先得啦三個人埋單承惠$310, 都幾抵食

唔記得以前有冇食過,平日七點幾都幾乎滿座,好彩一去到就有位o者!點左:咖哩角 - ok特式燒雞柳 - 好味咖哩魚 - 好味馬沙拉雞 - 好味咖哩牛腩 - 好味2x牛油薄餅 - 太油, 比想像中差1x蒜蓉薄餅 - 太油1x白飯2x芒果乳酪 - 好味總括黎講都算好味, 只係D薄餅遜色左D!本來叫左個鍋仔牛腩,點知漏左單,所以改左普通咖哩牛腩! 但SERVICE都OK丫!無之前D人講得咁差!可能個別WAITER啦!平均每人$78