金滿都越南餐廳 (Closed)

長沙灣少有越式餐廳，幸好元州邨還有一間平民價錢，質素也不錯的越式餐廳—金滿都⋯餐廳佈置簡約光猛，坐位䘄算舒適⋯我們倆口子偶然都會來光顧，菜單原來不斷更新，加入了很多不用的菜式飛天通菜好惹味，通菜新鮮爽脆⋯三色拼盤有越式春卷，蔗蝦和粉卷⋯烤鱸魚每天限量5條，幸好今晚可以吃到，皮香肉滑，帶有點烤爐的焦香⋯咖喱牛腩飯可以說是必食平民晚餐，咖喱清香，牛腩入味有口感，只需$48還包飲品，抵啊﹗椰青即開不單清甜，而且超級凍冷，天氣開始熱這個椰青絕對消暑又解渴⋯最「估你唔到」的是金滿都竟然有日式清酒供應，陸奧八仙味道軟清易入口，比較適合女士，男士就可以點紀土純米大吟釀，酒味香純帶來米香⋯每次來金滿都最深刻印象就是一位皮膚雪白，架著眼鏡，笑容親切的男店員，超好禮貌又勤快，在這平民價錢的餐廳中能遇到好的服務真是難得﹗

呢日媽媽做無飯主婦，我地一家五口走到附近既金滿都食晚飯，order左7樣野食，3杯飲品，埋單先係$400,對於一啲媽媽突然偷懶唔煮飯既家庭黎講，係非常唔錯既選擇親民價越南菜，環境衛生四正，食物也不錯。雜錦沙嗲串燒，分為豬，牛，雞三款，燒得幾香口，牛肉最好味，夠腍又有牛味，不過沙嗲醬就少左啲~牛油雞翼，香脆可口，雞翼炸到脹卜卜熱辣辣，肉質嫩，一咬落去仲有肉汁爆出黎，有驚喜火車頭河，有牛丸，牛展，牛肉片，湯底都幾香濃。唔會好油既炒貴刁~咖喱牛腩飯，爸爸最愛，佢話飽肚又暖胃wor又點少得一碟油菜清清腸胃呢！雙檸蒸烏頭，清新開胃熱檸檬柚子蜜，酸酸甜甜好好飲！食完炸野同燒野後飲，夠哂滋潤