哥哥添飯•妹妹泡茶

Open Now

Now Closed

塔香松露台式燒雞 （半只）套餐 $108會跟3款前菜（椒鹽爆溪蝦、涼瓜、漬物拼盤），都唔錯，幾開胃。燒雞充滿住松露醬，連底部都有，佢仲有一小碟松露醬俾你，好正。就咁望以為肉質會「鞋」，但食落係勁滑同juicy，有d估唔到。起司肉鬆蛋餅 $26蛋餅整得唔錯，唔會太厚，口感幾好。QQ紫芋波 $22佢d炸物唔錯，幾香口。咸蛋黃炸薯條 $28一上枱，已經嗅到好香既咸蛋黃味，食落口，都冇令我失望，每一條都食到咸蛋黃味。夜市小香腸（原味/黑椒） $30就是台灣的感覺。靚靚雪燕桃膠奶茶 $30/ 鮮手工製芋圓奶茶 $26飲品有驚喜，冇叫到小甜，但杯飲品甜度絕對可以，唔會好甜。雪燕桃膠奶茶，落料絕不孤寒，我每一啖都飲到雪燕/桃膠。混一式綜合手工芋圓 $44一上枱，見到店員將甜品裝到滿滿的。裡面配料充足，有紫薯丸、芋圓、地瓜圓、紅豆、綠豆、珍珠、蘆薈同愛玉，再配上椰汁🥥。就算食到好飽，我地都清哂呢碗，唔錯。

今日約左朋友係觀塘收工之後食晚飯，其實平時都見到呢間，只係一直都未有機會黎試下，就襯今日呢個機會啦。晚市套餐有好多前菜同配菜跟埋，惹味嘅椒鹽爆溪蝦、 爽口好fresh嘅芥末秋葵、 開胃嘅漬物拼盤， 仲有時令水果，其實成個set好豐富。花膠胡椒豬肚雞(星期1,3,5限定) 配時菜：滷肉青菜撞岩限定菜梗係要一試啦，花膠胡椒豬肚雞好足料好豐富，雞肉好嫩好滑，湯就比較濃烈重味少少，不過配左個白飯，好好送飯，最後好好食都飲哂啲湯。起司肉鬆蛋餅 超多芝士嘅蛋餅，影左陣相都拉到絲，加埋肉鬆，口感都好豐富，蛋味好香，即刻煎上枱後快D食，好好味而且唔好睇細細份，勁飽肚。咸蛋黃炸薯條呢個就唔洗多講，一定好好食，因為呢樣勁邪惡嘅野係唔會唔好食嘅。九層塔一口鹽酥雞球本身都唔太中意九層塔味道，不過雞球食落外脆香口內嫩滑好汁，份量都唔錯，小食多滋味。桂花甘香柚子鐵觀音桂花味好香好fresh，配上鐵觀音，好飲。鮮手工製芋圓奶茶奶茶底應該都係鐵觀音，配上大大粒自家製芋圓，好好飲。係寫呢篇食評嘅時候，我已經二刷咗呢間餐廳！

有日搭車經過見到觀塘新開咗間裝修都幾靚幾清新既台式餐廳，就入去試一試塔香松露台式燒雞（半隻）配起司菠菜薯餅（5塊） $108作為一個套餐有咁多小菜真係比較少見，一共包含3份小菜+1份水果，有蝦乾🦐，苦瓜，醃菜🥬，火龍果同埋🍎蘋果。燒雞已經切好，另外配上松露醬俾你點住食，仲有手套提供，可以拎住隻雞脾🍗大大啖咬落去，好滿足🤤 菠菜薯餅味道正常。QQ 紫芋波（5粒）$22炸到外面脆脆再加入沙律醬，咬開入面真係滿滿的芋泥，好滿足！值得推介咸蛋黃炸薯條 $28未食之前已經聞到好大陣咸蛋黃味，🍟薯條屬於曲薯條，咸蛋黃味足夠但唔夠入口沙沙既感覺老細萬歲黑糖珍珠厚奶茶 $28珍珠好林身，茶味正常，係一杯可以再翻兜既珍珠奶茶🧋。水蜜桃果粒愛玉 $35用大大既玻璃杯🍹裝住睇落好打卡，味道ok,唔會太甜，唔會太多化學味。但係會係咁飲到啲乾花😂所以呢個位扣咗少少分，同埋飲到最後d 愛玉好難飲得曬結論：每一樣野食都唔錯，而且價錢唔貴，環境又靚靚地咁，性價比幾高，而當中最值得推介係QQ紫薯波🥰