Yukkuri

Open Now

Now Closed

一進店，映入眼簾的首先是擺設各款洋古道具的選物店，接著便是氣氛截然不同的黑色用餐空間，共同的是兩個空間都有種令人安心的舒適感，彷彿在告訴你，急不來的，那就慢慢來吧。季節限定的善哉，用上日本大納言紅豆熬煮三小時，配上軟糯的白玉，甜而不膩，香濃與煙韌配合得宜，瞬間有種回到鎌倉的錯覺。

雖已入秋，天依舊酷熱，特別係九龍城，然而一入咗𠵱間店，靜謐嘅氣氛撲面而來，成個人講嘢慢咗，行步路都不敢有聲。入座，昏黃的燈光下照住幾張木枱，好適合專注品嘗美食。點了yukkuri麵包🥯定食($70)、善哉（$60）同兩杯飲品。一杯凍焙茶黑芝麻飲（$60）、一杯凍白桃無花果梳打（$60）。-上枱食器精緻，看着開心，驚喜的是揭蓋發現善哉，即係日本大納言紅豆湯配白玉，竟然熱到冒煙，有誠意。紅豆粒粒分明，食落軟糯，甜味溫柔不霸道，白玉煙韌，好滿足。食完仲有杯微冷嘅黑豆茶清清喉嚨，體貼。另一個麵包定食有兩款麵包，三片酸種，一小塊羽衣甘藍芒果🥭小餐包配腰果豆腐醬及純素牛油🧈。酸種切得薄，脆得嚟唔會硬掙掙，另一款似百香果多過芒果。個醬雖然淡口，但溫婉地融入麵包當中，做到最完美的配角。最後兩杯飲品，黑芝麻嗰杯濃郁得嚟唔會膩，十分香滑又唔會甜得滯，讚。反而梳打安分守己，風頭被搶。期待再次過嚟，享受片刻寧靜😁