Video
Read full review
2023-11-22
515 views
🎯熊妹難得撞正同忌廉妹一齊放假，緊係出黎食野喇。去到旺角，揀間舒服的西餐廳坐下，呢排食牛食上癮，就想食返《Mini Friday》的威靈頓牛柳🐮。📌餐廳環境好大，好多張四人卡位梳化位🛋，仲有多人的長枱，好岩大顆兒到來聚餐。📌餐牌📋都係大路西餐食物，有沙律🥗、小食🥡、意粉🍝、pizza🍕、牛扒🥩、燒雞🐥、豬鞍🐷，最主要係有招牌菜威靈頓牛柳🐮同三文魚🐠。凱撒沙律，$68，配煙三文魚+$10📌食大餐前一定要食個沙律開下胃，有啲菜疊下個胃，減少吸收油份。呢個凱撒沙律係午餐，跟餐湯🍵同飲品🍹，價錢相當超值。凱撒沙律菜🥗份量都幾多下，羅馬生菜🥬食落幾新鮮，洗得好乾淨！凱撒沙律醬汁撈落去，仲有好多粒脆口麵包粒，一堆芝士碎同煙肉碎，咸咸地又清新，另外仲加$10加配煙三文魚做餸，煙三文魚🐠有三大舊，肉質唔散，唔似平價貨，咸咸地好襯凱撒沙律醬汁。香煎三文魚柳配香草忌廉汁，$88，配薯菜，加$12愛吃三文魚的忌廉妹，食完沙律的煙三文魚未夠喉，所以再叫多個香煎三文魚柳，要食盡去！唔錯喎！午餐黎講份量都幾大一條，魚皮煎到脆口的，內裡肉質8-9成熟，唔鞋口，好厚一條三文魚柳，食落啖啖淋肉，滿足哂忌廉妹食三文魚的慾
🎯熊妹難得撞正同忌廉妹一齊放假，緊係出黎食野喇。去到旺角，揀間舒服的西餐廳坐下，呢排食牛食上癮，就想食返《Mini Friday》的威靈頓牛柳🐮。
📌餐廳環境好大，好多張四人卡位梳化位🛋，仲有多人的長枱，好岩大顆兒到來聚餐。
📌餐牌📋都係大路西餐食物，有沙律🥗、小食🥡、意粉🍝、pizza🍕、牛扒🥩、燒雞🐥、豬鞍🐷，最主要係有招牌菜威靈頓牛柳🐮同三文魚🐠。
凱撒沙律配煙三文魚
$78
10 views
0 likes
0 comments
📌食大餐前一定要食個沙律開下胃，有啲菜疊下個胃，減少吸收油份。
呢個凱撒沙律係午餐，跟餐湯🍵同飲品🍹，價錢相當超值。
凱撒沙律菜🥗份量都幾多下，羅馬生菜🥬食落幾新鮮，洗得好乾淨！凱撒沙律醬汁撈落去，仲有好多粒脆口麵包粒，一堆芝士碎同煙肉碎，咸咸地又清新，另外仲加$10加配煙三文魚做餸，煙三文魚🐠有三大舊，肉質唔散，唔似平價貨，咸咸地好襯凱撒沙律醬汁。
香煎三文魚柳配香草忌廉汁，配薯菜
$100
34 views
0 likes
0 comments
愛吃三文魚的忌廉妹，食完沙律的煙三文魚未夠喉，所以再叫多個香煎三文魚柳，要食盡去！
唔錯喎！午餐黎講份量都幾大一條，魚皮煎到脆口的，內裡肉質8-9成熟，唔鞋口，好厚一條三文魚柳，食落啖啖淋肉，滿足哂忌廉妹食三文魚的慾望，跟上的香草忌廉汁味道唔算濃，唔會太搶三文魚的鮮味，伴碟係粗薯條🍟同焗左的長豆角及蕃茄仔🍅，份量都幾多，呢份午餐認真抵食。
水牛城雞翼
$68
10 views
0 likes
0 comments
想點個小食，雞翼最好不過。
雞中翼size正常，漲卜卜的雞翼🐥表面浸滿水牛城醬汁，一啖食落去成咀都係水牛城醬汁，醬汁好濃郁，少少辣酸酸地，好滋味。
喇沙帆立貝意粉
$188
23 views
0 likes
0 comments
忌廉妹好鐘意食意粉🍝，次次都一定會叫意粉。
忌廉妹睇中左呢款招牌喇沙帆立貝意粉。又幾唔錯喎！帆立貝🦪有三大隻，放喺意粉上面，帶子肉幾彈牙，食落唔腥無雪味。意粉比平時一般食到個款幼身少少，所以食落易入口啲，繞一住粉可以食多幾條，又有咬口啲。喇沙汁嘅味道超級香濃， 香辣得來又唔會太辣，唔會話越食越辣唔想食，反而係惹味道越食越想食。意粉入面仲撈咗啲菇🍄、翠玉瓜🥒同蕃茄仔🍅做配料，令到成件事更加豐富。
皇牌威靈頓牛柳
$398
15 views
0 likes
0 comments
拿！壓軸主角出場啦！熊妹之前喺觀塘店食過，今次一心嚟就係想食返個威靈頓牛柳。
皇牌威靈頓牛柳
$398
18 views
0 likes
0 comments
心太軟配雪糕
$68
11 views
0 likes
0 comments
最後，一定係甜品做最後。
熱愛朱古力的忌廉妹一定係揀心太軟。
焗得成型，夠靚仔，一刀切落去，湧泉的黑朱古力溶醬即刻湧出來，用上黑朱古力🍫味道唔會太甜，連旁邊的朱古力蛋糕一齊食，係幾滋味的甜品，仲付上一球芒果味雪糕連牛角窩夫🧇，連心太軟一齊食又得，就咁食雪糕窩夫都得，感覺完🈵。
📌《Mini Friday》環境大，食物款式多份量大，價錢🈴宜，真係好適合成為一班人食飯的落腳點。
Post
