牛繁 (MW Plaza) (Closed)

上OpenRice睇到都幾多人推薦呢間燒肉，就約咗3位朋友去會一會佢！鋪內環境一眼睇晒，唔算好大，但啲圍欄原來可以拆開，一枱坐十位都完全冇問題！呢到都幾貼心，驚啲油會彈到件衫，會提供即棄圍裙俾客人！講下啲嘢食先！牛舌同埋蔥係分開上嘅，我開頭唔知，直接將蔥放喺牛舌上面燒，店員見到，即刻過嚟教返我，原來要燒好一面再放蔥，咁樣先唔會倒咗啲蔥出嚟，突然覺得自己有啲蠢添🙈極度推薦大家食呢個，牛五花嘅牛味十足，而且層次豐富，入口超級鮮嫩，仲有啲肉汁！一壺有兩大條牛肋條，呢個肉質就實正的，需要啲牙力去咀嚼！但肉味都算濃！係咪好吸引呢！嚟個理想vs現實先！理想：現實：係exactly 一樣架！ 每面燒5秒左右就食得，味道方面，由於和牛嘅油脂分佈比例均勻，所以啖啖肉味道都帶油香，入口油花即溶！食到口乾乾就叫咗杯菠蘿梳打飲下，本來仲以為會有啲菠蘿粒！原來係冇嘅！但啲梳打都幾有氣，唔錯！P.S 個爐有啲細，如果可以大啲就好！同埋吸油嗰舊嘢太近個爐，又冇得較返高，唔太方便！

過江龍烤肉@尖沙咀次次去日本都有朋友推介我去食牛繁，但行程所限，到而家都未試過。不過牛繁喺尖沙咀開咗分店，近成咁真係去會一會佢！第一樣唔係食肉，係食咗霧島溫泉蛋沙律先，隻溫泉俾啲菜遮住咗，好流心㗎～ 預咗一陣食得肉多都要食下菜，呢個沙律都幾清新 嚴選霜降黑毛和牛西冷索價 $288 算係親民，因為雪花紋理分佈平均又大塊，厚度都 OK，質素絕對對得起價錢。喺其他地方食過，真係會切到紙咁薄奉客，哈哈～為免浪費啲和牛，係店員幫手燒嘅。佢好熟手咁將和牛燒到 medium rare，食落勁嫩滑，有油脂香但香而不膩，真係好回味 極上和牛板腱配月見汁，月見汁就係右上角嘅蛋汁。和牛板腱同樣充滿油花，而且大塊到橫跨成個爐呀，哈哈！和牛板腱比上一碟和牛西冷會有咬口啲，係另一種口感 點蛋汁就更惹味～蔥燒鹽香牛舌，鹽香就唔太覺，不過有成碗蔥可以係咁落！店員示範俾我哋睇點燒，先燒一面燒到佢卷曲，跟住反轉燒先落蔥。食嗰陣 U 字咁夾就唔會跌啲蔥，牛舌同牛板腱都係有嚼勁啲。諗住叫個飯送肉食，點知牛繁和風拌飯本身都幾多料，單食都好豐富。啲漬物令到個飯多送都唔會覺得漏，幾好食。野菜款式幾多，食完肉食翻啲菜就啱哂。平時我燒

過江又要試一試，陣時唔算多人，唔會太嘈。叫咗嚴選霜降黑毛和牛西冷（$288）同特上霜降牛五花($148）慰勞吓自己和牛係真係肥啲嘅，不過肉汁都唔少。五花就有咬口啲，少少爽。但唔係日本咁用炭爐的確冇咁好風味囉。