小酒窩餐廳

Open Now

Now Closed

原來一路都冇同小酒窩寫食評佢係佐敦就應該已經好出名午餐下午茶晚餐都有去食我喜歡食羊肉kebab佐敦每一間都整得唔錯同樣係足料又熱辣辣其實女孩子食半份已經好足夠旁邊嘅菜沙律都好正常午餐個four seasons pizza六寸其實都夠食唔係超薄好脆 又唔係好厚似麵包覺得晚上既有少少唔同 但都唔錯仲有個南瓜湯味道都唔錯 唔會太結有南瓜嘅甜味配一片脆片不過選擇這間既原因係因為這裏嘅咖啡比起其他食異國餐廳餐廳出色其實睇落去就已經有睇頭飲落都唔錯 當然冇咖啡店嘅好飲但唔錯啦一人大概$80

去佐敦廟街呢一度，永遠出現人龍嘅當然少不了呢一間小酒窩餐廳。我係呢度都食過幾次，今次朋友生日亦都推薦佢哋喺呢度食，其實都係源自於我嘅自私心，因為我都好想食。我哋首先打黎book位，因為驚到時候太多人排隊無位。我哋book咗八點半，不過去到都要等一陣先入到去。呢度嘅招牌沙律好出色，不過我哋今次就叫咗鮮蝦蘆筍沙律＄132，呢度嘅沙律份量好大份，足夠三四個人分享。鮮蝦非常爽口彈牙，另外佢都先用d醬料餣過，所以鮮蝦非常入味。沙律菜亦都好新鮮，佢用少少酸酸甜甜嘅黑醋汁調味，所以更加開胃！仲有我最鍾意食嘅牛油果！主菜我哋叫咗最出名嘅四季Pizza $138， Pizza餡有好多雞肉同埋芝士，超級好味！特別嘅係佢上面有啲cream cheese，所以令佢味道更香更濃。佢係薄批，所以好香脆，食多幾件都唔會覺得太濟。忌廉鮮菇意大利飯，非常香滑。意大利飯好煙銀，粒粒分明，好creamy嘅感覺，忌廉味好香好重！另外都叫咗半份BB豬肋骨＄148，佢係比較林身，所以好易就能夠分開肉同埋骨，食得方便。另外佢嘅賣相好靚，用心形碟上，同情侶去食就啱晒！最後埋單＄500，但係食到超級有質素嘅西餐，好滿足！一定會再嚟。

今次係第二次食小酒窩～ 可能星期一，2人去到唔使等位就入得～餐牌其實好多選擇，好多都想食！不過2個人食唔到幾多，於是都只係叫左個沙律同pizza~叫左個招牌沙律（另加$25 加了雞肉），好大盤！菜都幾新鮮，撈埋啲醋酸酸地好好味～ 雞肉應該炭烤過，有少少燶燶地，不過個沙律係好味既～四季pizza～ 又係好大份～ 餅底似餅乾，唔係走鬆軟路線～ 醬汁好好味，餡料有啲薯仔粒（最愛），好豐富～飲品叫左fruit punch 同banana date, 味道都可以，可能對banana date期望比較大，飲落淡左啲～ 臨尾仲送左2杯shot比我地（唔知係咪試飲？）總括來講不錯～ 員工都好有禮貌，上菜都好快唔使點等～ 雖然地方比較細，不過員工都盡量安排客人唔使逼住坐。生日既朋友仲可以有生日歌聽～   值得一試～

人越大越希望過得樸實，今年嘅生日，本來打算低調過渡，但又敵不過一班好友一次又一次嘅誠意邀請, 終於揀左17號星期六來慶祝 。型爆索女Q話去食西餐慶祝吖？！我靈光一閃 ，記起之前好友"為食狼"曾經提過佐敦有間餐廳，食pizza西餐巧正 㗎！再細問一下，得知餐廳名叫"小酒窩"！靚女車即刻take action訂定位，搞下搞下，竟然由原先嘅10人加到13人，好不熱鬧 呢！"小酒窩"餐廳位處廟街，係佐敦地鐵站Exit E出口行過去會較為近一點。大部份人7點半準時到達，但餐廳規定人齊先放枱，不過我地人齊後都要多等20分鐘左右 ！外籍女侍應生為安撫 我地 ，叫我地邊睇menu邊order定嘢食。當大家坐低時，已經8點几喇 ！餐廳細細間，我地一行13人，被安排坐於酒bar前嘅一行長枱，坐得好親密！餐廳牆壁掛上油畫，粉紅色枱布襯木椅，壁燈映照下，極富詩情畫意啊 ！由於時間嘅關係，我地預早點左嘅嘢食，一氣呵成咁 上咗枱啊  ，搞到我地甩甩漏漏，相機都食唔切 呢！1.牛油果大蝦沙律 ：沙律帶有牛油果嘅香滑，再加埋少少酸性辣味，好醒胃！大蝦爽口彈牙，好好食 ！2.招牌沙律 :