四姐川菜

Open Now

Now Closed

鍾情川菜既，切勿錯過四姐川菜。唔食得辣又鍾意川菜既人，我見唔少，一邊食一邊流哂馬淚，流住鼻涕。 四姐川菜係我食唔少既川菜餐廳而言，個辣椒落得冇咁狠，但係卻保持川菜既風味。 其實餐廳既價錢都偏貴，幾人食，都係 $340 蚊一位，冇服務費。我地2人食，有2涼菜，3 熱菜。3人就多個熱菜，4人就3涼菜4 熱菜，如此類推。 我會話，其實計番大約130一碟左右。但係要食好野，不能夠太吝嗇。當天好多既客人其實都係訂左位，慕名而來既，最後還是滿座了！所以有意朝聖既朋友，要預先訂凳，就唔洗去到等。加上，其實佢菜式既分量十分充足，至少我同朋友兩人食係綽綽有餘，仲可以打包番去食。餐廳門口其實我十分鍾意餐廳既格調，尤其係所有既菜式都用左精緻既青花瓷器皿。點菜紙涼菜篇四川涼麵必叫！四川涼麵雖然食材平凡，但卻十分考究廚師既功夫，即使呢碗麵表面平凡，麵條同調味料既比例岩岩好，麵條爽滑，香味令人念念不忘。口水雞口水雞最精髓之處係雞既嫩，醬既麻；個雞夠嫩，但係麻辣可以再重手一點。熱菜篇糖醋里脊酸甜比例剛剛好，個醬汁非常香，十分開胃。 一開始食爽脆，但稍嫌豬肉有點粗硬。水煮魚水煮魚都係另一重點，麻辣程度比一般食既水煮魚

今次係我第一次食私房菜，仲要食四川菜，但係我第一次覺得食辣係一件好滿足嘅事情。餐廳以人數決定前菜和主菜的數量。今次我同我女朋友去，所以可以選擇兩個涼菜同三個熱菜。四川涼麵一試難忘，麵條較幼身，與花生、花椒和䓤花拌勻後令口感更豐富。食第一啖時最先覺得不太辣，但辣油後勁淩勵，非常過癮，可謂最難忘的一道菜。蒜泥白肉蒜味好重，但係唔會好似譚仔咁好多蒜泥鋪係白肉上面，我認為以上做法幾好因為我不太喜歡蒜泥嘅口感。川式椒鹽蝦非常乾身，可以連穀食，非常惹味。第一眼見到鍋水煮魚有啲嚇親，原來有咁多辣椒。魚非常軟嫩而且分量多，最先感受「麻」的感覺，然後香辣隨之而來，層次分明。大豆芽及紅薯粉吸收晒辣汁嘅精華，令我越辣越想食，犬其是紅薯粉，非常彈牙滑溜。糖醋里脊酸酸甜甜，同咕嚕肉十分相似。唯一分別在於里脊肉身比較瘦，里脊外皮炸得脆口，做到外脆內嫩既效果，加上甜酸汁更加惹味。套餐更會附送炒青菜，非常清新，稍為平衡以上菜式既辣，為今餐畫上一個完美嘅句號。每位$340但可以食到五道好味份量又夠嘅菜式，真係超值。

朋友知我想食川菜，所以提議來四姐川菜食晚餐，佢地話食過好幾次都覺得有水準好食來到原來係商廈1樓既私房菜，地方唔算大，不過如果多人可以book房。出餐速度都好快，所有餸菜上齊後，每枱仲會送個炒菜，呢個服務抵讚！四川涼麵估唔到涼菜都咁大碟，麵條煙韌度適中，將滿滿既川辣配料撈落麵入面，突然好有新年撈起撈起既感覺！食落都幾辣架，我就係鍾意川菜夠辣夠剌激！好正！辣子雞以前唔明點解要將d雞切到勁細粒，而家終於知道呢個就係招牌菜既特式，每一粒雞粒一咬開就湧出香辣味，雞汁亦無流失，食幾粒頭頂𣊬間暮煙，越食越滋味！食埋辣椒，即刻有噴火既感覺，不過食一兩粒好了！鍋巴肉片鍋巴一定要即時食先脆卜卜，蕃茄好甜好好食，食左辣野食蕃茄舒緩下。另外有午餐肉、豬肉片、雲耳同鍋荀，味道都唔錯呢！

不知不覺為食妹女漢子的形象已深入民心有幸成為同事偶爾晚餐聚餐的飯腳唔多唔少多得"他"，但同樣好辣嘅佢今日有事黎唔到，我地由5變4, 只能食少樣野啦今晚終於黎到之前飲恨因full booking 黎唔到的四姐川菜，我好期待架！！因為飯腳們並唔係話太食得辣但專登就我食川菜，我好感激第二次食辣嘅私房菜，第一次係跟朋友到另一間出名食酸辣粉的私房菜試菜呢次黎到呢度，先講講位置真係有d估唔到因為喺商業大廈一樓，唔係同事黎過介紹，真係唔知呢到有好野食上到一樓，雖然店鋪不大，但坐得幾舒服，枱同枱之間好有空間感，亦有大枱坐到10-12人，三五知己或家庭聚餐不錯的選擇這裏的私房菜，是每位定價$300 免加一在點菜單按人數去選定幾多涼菜及主菜我地一行4人，總共可點3涼菜，4主菜而辣度，因知道唔係每人都食辣，只好叫左小辣涼菜我地揀左1.夫妻肺片唔知是否嗌了小辣的關係，我嫌不夠味道 2. 重慶口水雞雖然小辣滿足唔到我愛食辣的程度，但呢個味道不錯，而且雞肉亦不會老，幾好幾好 3. 四川涼麵呢個係3個我地揀嘅涼菜中，最出色的，麵一上枱，職員仲會幫手撈起，至少我地唔怕掛住傾而撈唔匀呀，哈哈，味道好好，值得一吃