十二味 (赫德道)

Open Now

Now Closed

太耐無食過酸菜魚，所以見裡間酸菜魚都幾有特色即刻book位去試，仲有半價優惠，折完100幾蚊就食到真係好抵食，來當然為左試酸菜魚啦，魚份量好足配上白飯夠兩個唔算大食嘅人食飽，當然我地就唔夠啦，加上貪心又想試下其他餸所以有嗌其他野食，超級推薦試酸菜魚，好味魚肉無骨，但最好無飲湯因為都多味精，不過毛血旺就好一般好鹹唔好食，另外土豆絲都推薦，不過回鍋肉就都偏鹹，重口味可以照試，整體如果有折都好抵食，但如果無折就唔值裡個價位，所以大家趁5折可以試下

友人聚會，大家都懷念好耐冇食酸菜魚，所以特登book左呢間店，比起之前黎更加旺場。好彩book左位同埋約得早，如果唔係就望住人哋食。早上係Klook買左張酸菜魚券，服務員姐姐唔太識用，淨係叫我地先點菜，俾錢再用券，咁我哋就照做。本身叫左5道菜，但由於口水雞睇落太生，有點血淋淋，服務員好好人地幫我取消左，本身想試試其他，但由於仲有生日蛋糕，大家都飽飽地，所以冇再加。以前曾經有人試過在場駐唱，個次嘈到傾唔到計，今次冇人唱歌，但勝在旺場，氣氛都好熱鬧，大家去唔到深圳食酸菜魚不妨考慮一下呢間，真的很不錯👍

星期日相約幾位朋友共進午餐，朋友提議到尖沙咀十二味，因為地點在尖沙咀方便大家，餐廳亦在西鐵站出口附近，很容易找到。這裡是以川菜為主，亦有部分江淅菜元素，價錢不貴，午餐價錢比單點還要平，更附送前菜、白飯、及酸梅汁，而且午餐不收加一服務費，單點食品才要加一，午餐實在非常超值。我們四人各點了一份午餐: 牛肉麻辣香鍋、川式口水雞、酸菜魚、及回窩肉，另外單點了一份葱油拌麵及紅糖糍粑。相信麻辣香鍋是這裡的招牌菜之一，而且可以配搭不同食材，於是選了牛肉麻辣香鍋，香鍋份量不少，肥牛肉加入芽菜、木耳、炸過的蓮藕片、薯仔片等材料炒至香口入味，再灑上芫茜，口感很豐富，很適合送飯。川式口水雞是我最愛的菜式之一，汁料是口水雞的靈魂，麻香和辣味互相配合，又是送飯的好伙伴。酸菜魚煮得很入味，魚片肉嫩滑無骨，酸菜切得幻細容易出味。回窩肉以五花肉配以蓮藕、葱、蒜等一起炒，與麻辣香鍋味道近似。葱油拌麵充滿葱油的香味。紅糖糍粑亦是另一驚喜，炸得外脆內軟，黏糯的口感，配上紅糖漿，不油不膩，吃完一件又一件。這次實在太豐富太飽了，很多想試的菜式還未試，下次要再來試其他的菜式。