正宗上海生煎皇 (Closed)

路過豉油街被正宗上海生煎飽吸引，終於入去試左個下午茶餐！呢個係下午茶餐menu，包埋飲品，價錢都ok！話明正宗上海生煎包，當然要試下佢地嘅招牌菜 — 生煎包，我依住佢地嘅生煎包四步曲食！賣面一般，食落發現生煎飽冇想像中甘熱辣辣，飽既外皮酥脆但稍為有少少乾，但都食到入面既肉汁，但不得不讚既係 — 餡料好香！（*ps 每次食生煎飽都小心，唔好比入面嘅湯燙親）呢個土匪雞翼菜飯入面，土匪雞翼有驚喜！平時食譚仔食得多，呢個土匪雞蛋外皮望落唔同d，但又唔乾身，好juicy之餘，而且佢既香料幾入味！整體而言係惹味既菜飯中既飯係我最中意既珍珠米！口感岩岩好，每粒飯都清晰可見！

總係久不久就會有小籠包癮發作 但係係香港周圍試左好多間都係失望而回 呢間都唔例外… 芝士鮮肉小籠包 ($34)芝士！？？？？仲有小鮮肉？！！！小籠包皮算薄 但係唔滑 個皮比較粉；入面都有湯汁肉汁 不過賣點既芝士就冇乜 鮮肉味道一d都唔鮮 所以味道很一般 ；更重要既係佢唔夠熱 唔熱既小籠包係點都唔會好食 我覺得真係冇其他人講既咁好食呀四川擔擔麵🍜 ($39)花生味偏淡 反而辣油味更出 麵上面既醬有d似炸醬？！係辣醬加豆瓣醬既味道 再有d肉碎咁；麵既彈性同蛋味亦都一般 不太掛湯 所以整體屬普通貨色 .上海生煎包 ($17/2)叫得上海生煎皇 生煎包先係賣點 ~~外皮金黃 有少許脆口 而包就鬆軟 內裡仲保持到有肉汁 肉既調味亦係剛剛好；可惜呢個世界係有比較既 食過之前介紹過既祥興記之後 呢個係明顯遜色好多 相對黎講 佢既外皮唔夠祥興記香脆 入面既肉同湯汁亦少好多 所以生煎包都係祥興記最正土匪雞翼 ($28)佢既孜然味唔多濃 所以比較似食緊唔太入味既黑椒雞翼 其實佢都煎得幾香脆既 但佢唔係土匪雞翼囉😂 都係食番譚仔三哥最正

1). 擔擔麵D麵冇味,唔彈牙,太林,而且成碗麵都冇乜味, 份量適中, 但唔好食 都唔會想食晒碗麵2).  小籠包呢個已經係成餐比較好食既野, 皮都算薄, 肉都有少少鮮味, 還算可以3). 土匪雞翼連最普通既雞翼都可以整到唔好食, 雞翼好油, 好大雪味4).生煎包生煎包同擔擔麵係成餐最難食, 個生煎包唔熱, 超級硬, 皮又厚, 入面D饀又唔係好食, 呢個真係食半舊己經唔想再食

不俗的中式點心是日與友人在旺角飯聚，揀選了這間一嘗點心，不到三分鐘即可進入。或因門外無食客輪候，店員沒有催我們點餐。 上菜速度蠻快，雖然誤把淨雞翼連飯上，不過很快就更換了。用餐完畢，店員旋即替我們結帳(有人在外面等候吧)。總括而言，食物質素中上，必食生煎包，喜愛點心的朋友值得一試。

和男友經過決定在此吃晚飯，眼見店舖外已有不少人等候，心想應該不錯。我們入去拿籌，但不停叫待應也無人理會，只顧著收錢埋單 最終拿到籌，亦很快叫到我們的號碼。但入到去卻沒有人告訴我們應該坐那張桌，也沒有人理會，有點混亂。負責收拾桌面的待應一邊夾住電話回覆外賣一邊收拾，非常危險，因為店內環境很窄。而且忘記了抺抺桌面，感覺有點污糟。結果叫了排骨菜飯，雞絲粉皮，土匪雞翼和小籠包。畢竟用這樣的價錢，食物質素也不俗，服務略差也是預期之內,但會再去

之前食過一次，味道不錯，價錢平所以再食多次今次叫左兩個餐，小籠包，生煎包同涼拌青瓜海蜇餐: 冷面+雞翼+豆漿冷面份量適中，好足料又多醬，唔錯! (6分)雞翼不過不失，唔係特別好食 (5分)餐：湯麵+小籠包+汽水湯麵認真麻麻排骨唔係炸，似煎，肉質似豬肉乾。面唔夠林(3分)小籠包 有汁，但係唔多。（之前食過芝士個隻都唔錯）值得一試 (7分)好失望又唔酸又唔辣，海蜇碎濕濕 (4分)皮脆肉嫩又多汁 (8分)Overall~~~6分，屬於值得再試類別

去開旺角~~心血來潮想食上海野~於是上OPENRICE 望下~價錢又唔貴就決定去試下~星期日唔係太多人, 等左一陣就有位了~仲見到OSCAR TIM~ 入到去, 選擇唔係太多~揀左好多人叫既生煎包, 個底真係好脆呀~D肉又有肉汁~~正~~2 個人去食,叫左2個, 真係唔夠侯!!再叫了食上海野必點的小籠包~相比起生煎包,比較失色了一點~皮還算薄,但湯汁似乎小了點~再來就是土匪雞翼, 雞皮煎得脆脆的,也很好吃最後點了痳辣車仔面~~揀左3個餸, 都係30多~~不過十分普通呢~下次去可以唔駛試~

放工做完BODYCHECK之後一個人食晚飯，打算到上海生煎皇，這裡鋪頭不大，最多容納大概30人，一個人食飯也不覺礙眼。之前到上海生煎皇只試過芝士小籠包，有點貴之餘，不覺得特別好味，其標榜的芝士味也不突出。今次打算試試菜飯。我的自選晚飯: 土匪雞翼菜飯($32) + 豆漿($8)菜飯好靚，小棠菜菜粒亦是綠色，看上很新鮮；菜飯拌上豬油，豬油令菜飯有點色澤，而且重點是吃每一啖飯都滲出輕微的豬油香味！好好味！好幸福！土匪雞翼是我的最愛！土匪雞翼帶著很香的孜然粉味道，很惹味啊～侍應上雞翼時是熱辣辣的，每咬一口都有白煙飄出來，證明真是即叫即煮！上海生煎皇的土匪雞翼沒譚仔的味濃，而且稍稍大隻一點，最加分是上菜時還是熱辣辣！豆漿都幾大杯，有清清的豆香味。******************************

很久以前，當店還在舊址時，已經計劃到訪。不過，礙於地方不太方便，一直未有前往。但友人告知原來「生煎皇」已進駐了新鋪，而且地點便利，故終於有機會前去拜訪。當然要點選上海生煎包，皮脆多汁，試後令人齒頰留香。小籠包皮薄多汁本來對韭菜豬肉水餃沒有太大期望，但結果令人有點喜出望外的鮮味。土匪雞翼相對下有點失色，味道不及譚仔米線的。總結，是次相當滿意。相信距離下次到訪的日子，已經不遠了。