MedOven (Closed)

中秋佳節，自己一個人，又想應下節，但又唔想食得咁油膩，唔想食啲滿口豬油既月餅⋯⋯一個人行下行下，就行到呢間地中海餐廳。原本想來買個沙律食，見到佢地有個moist cake, 就買埋來應下節（同月餅一樣，都係甜😁）地中海芝士沙律沙律最緊要材料新鮮，此店既沙律已是第三次幫襯了！特別喜歡佢既黃椒同紅椒，好甜，好爽口！沙律撈了小許橄欖油，好香沙律中的橄欖，有核的，食得比較麻煩、不過應該係貴價貨（以前係歐洲生活時，有個賣橄欖的朋友講過，有核的橄欖，係貴啲同靚啲，因為佢原粒，無加工過）Moist cake + coffeeMoist cake賣相絕對唔吸引，四四方方，成舊磚頭咁，但口感好特別，軟軟的，又黏黏的，有少許似tiramisu內，浸左咖啡酒既手指餅個種口感，朱古力味濃郁配咖啡一流，簡直係絕配咖啡好香濃，原來佢地用gourmet grade既咖啡仲有得買返屋企慢慢歎！買張filter紙就得，唔使慢慢磨，超方便咖啡控一定喜歡

我的第一餐就係飲果汁，之後約左朋友在上環食少少野，因為我剛剛斷食完，其實好多野食，但我只係可以食素菜的，呢度係自助形式，有點似快餐的格局，但價錢都幾親民，沙律平均40元就有一盒，而且都幾好味。希臘海軍豆沙律$40呢個係我係呢度嘅最愛，因為我喜歡食淋淋地的豆，加上不會落好多沙律醬，成個感覺好清爽好簡單，仲可以食到豆豆嘅嘅質感，地中海芝士沙律  芝士我一向都唔多食，呢個切粒芝士好易可以揀到出來，對於我是加分位。彩椒好清甜無太多草青味， 清清地自有捧場客，即是我。 帆船素薄餅 $72一改Pizza不是圓就是方形的概念，橢圓船形，入面放著不同嘅配料，皮不會太厚，方便就可以用手拎住品嚐。下次再來試非素菜系列先～

去親港島區都一定要搭一搭電車，由中環搭電車去到上環，唔洗太耐時間，落車無耐就可以行到呢間地中海餐廳其實裝修都唔係太有地中海嘅風格，感覺似係一間café多啲餐牌就係櫃台上面，可以先搵位坐低，再決定食啲咩，跟住去收銀到落單。地中海菜都偏向素食為主，所以都係比較健康，偶爾一兩餐素食黎清下腸胃都唔錯嫁~落單無耐，兩個沙律就上枱喇，地中海薯仔沙律同地中海芝士沙律，兩款都係素食黎，係完全無任何肉類係入面嫁。實不相瞞，我係一個薯仔控黎，所有薯仔整嘅菜式我都好鍾意，呢個地中海薯仔沙律，當然唔可缺少主菜薯仔粒啦，另外有紅黃綠椒點綴，口感好Creamy，不過食得多可能會有啲飽肚。而另一個地中海芝士沙律，係用紅黃綠椒為主，再加上主角羊奶芝士，羊奶芝士味道較濃同突出，可以話係羊奶嘅羶味，我反而更鍾意呢個獨特嘅奶香，令成個沙律味道提升唔少，同時亦可以品嚐到淡淡嘅欖檻油香啊之後就到小食Börek芝士批，Börek嘅意思係指類似酥皮嘅派皮，中間又再夾住羊奶芝士同少量嘅香草調味，口感其實唔係太似千層酥，比較似中式有芝士餡嘅蔥油餅，但係味道係截然不同嘅，香草清新嘅味道，減輕咗芝士同派皮的油膩感，味道真係唔錯，另外仲有牛