Co-Dining Space (Closed)

行海港城又唔想成日食黎食去都係商場入面嘅餐廳好多人都唔發現其實廣東道都有樓上餐廳架呢間co-dining place之前同同事食過今次再同老公黎翻叮我地都係早收工人士所以6點幾黎到都仲冇咩人我地叫左兩個主菜一個前菜share呢個青口超creamy 個汁夠我撈十碗飯！直情想問佢地廚房究竟係點煮出黎有種甜甜地嘅感覺呢個係本來老公嗌比自己食嘅主菜一黎到真係唔share都唔得因為係超！大！份！睇menu串燒諗住都係得幾粒肉架姐點知粒粒都1/3個拳頭咁大！D番薯條係好好味但都食唔晒了呢個墨汁risotto重點當然係上面果兩隻蝦啦隻蝦燒得好香Risotto入面仲有d菇等個飯有d咬口

訂左位，兩個人嘅晚餐1800，以為自己未黎過，但入到個餐廳就知道已經黎過一次，今次第二次。兩個人點左一個前菜、一個拼盤同一個risotto 。黑松露薯蓉焗有機美國大啡菇（2隻）$88上碟時，已經覺得好靚，有少少沙律做伴碟。菇唔算好大，但上面嘅薯蓉有隻菇咁厚，整體份足夠。薯蓉上面有少少芝士，黑松露味好岀，一啖由上而下咁食，芝士薯蓉同菇一次過入口，實在唔錯。Co-DS 小食拼盤（小）$168份量比想像中大，視覺上亦都好豐富。碟上有沙律，同兩款汁伴碟：茄汁同黑松露mayonnaise。 食物有2隻雞翼、2條魚手指、2條腸。伴碟嘅係「蕃薯條」 。🐥雞翼熱辣辣，有肉汁，炸漿適中；🐟魚手指魚味比想像中重，皮都比較薄；🍖腸仔，同台灣腸嘅長度差唔多，但味道同紮實度有啲似德國腸；🍠蕃薯條有好多都好長，但係就比較「林」。墨汁大蝦意大利飯$148大蝦喺墨魚汁飯上面好突岀。蝦拆完殻後，都仲好大隻，有彈性！意大利飯比較實心，同重手左 （有啲咸！）。飯加入左洋蔥條同2-3片墨魚一齊煮，有啲驚喜😂食物唔錯，位置舒適，可以再黎！

約了朋友吃晚飯輪到我選擇地方想找一間環境靜靜地 食物有返d質素嘅餐廳左搵右搵 決定試下呢間樓上餐廳Co-Dining Space 由於時間尚早 所以無乜人 不過佢每枱都放咗reserved 好爆場 由於好餓 叫咗一個飯一個小食拼盤同黑毛豬串燒小食盤拼盤 (小) 雖然係小 不過份量好足 有雞翼 魚手指 腸 同甜蕃薯 仲有沙律菜雞翼好香口又juicy 甜蕃薯都好好味 外脆內軟 每一啖都充滿蕃薯味墨汁大蝦意大利飯 一上枱 淨係覺得真係好墨汁黑到一個點 😂😂😂同埋 大蝦 極香!!!!!離遠都聞得到陣蝦香味但食落口 一d都唔腥味道恰到好處 西班牙黑毛豬串燒有三大串!!!!係三大串!!!仲要串串都咁大舊Juicy 香口 肉味出烤得香脆但入面唔乾啖啖肉 好好味最後當然唔少得甜品時間心太軟配藍眼淚雪糕🤤😍為呢餐飯劃上完美句號其實仲叫咗兩杯奶昔好好飲奶味香濃 質地細滑而且厚身唔係一般貨色整體呢間餐廳都好好朋友都好滿意哈哈 好彩🤣

好朋友飯聚，嘗試一下Co-dining , 環境幾靚，令人幾relax。我們點了墨汁大蝦意大利飯，burger & 小食拼盤(細)。食物賣相不俗，不過味道偏鹹，意大利飯有點硬。而且晚市限時1.5小時，夠鐘是會被趕走的，不是一個能夠好好傾計的地方。

十二月，雖然現在只是月頭，但尖沙咀商場，已有不少聖誕燈飾。今晚，在海港城影了幾張照片，後便去到這間，位於廣東道，流尚坊的西餐廳。一間地方不大，但感覺不錯的小店。由於不是太肚餓，所以直接要了兩道主菜及一道甜品。先來的是墨汁大蝦意大利飯，很黑，飯上有兩隻蝦，蝦很大隻，多肉，飯粒粒分明，飯中更有很多菇，食完，成個口腔都是黑色，不太適合同異性食飯的場合。醬燒BBQ汁豬肘骨，很大份，底是很粗，但好味的薯條，配菜是黑醋沙律。豬肘骨有4件，很香，食豬肘骨最怕沒有肉，但這裡的，每一件都有不少肉。最後，甜品是布朗尼配藍淚雪糕，藍淚即海鹽味，有趣。Co-Dining Space 人均消費$250地址:尖沙咀廣東道82-84號流尚坊11樓緣份天成，初心為本。喜歡用文字分享我的味覺之旅，有興趣請follow我～緣食魔宮。

Co-Dining Space 喺尖沙咀嘅流尚坊，位置係廣東道港威嘅對面，搭𨋢上11樓就見到個大大嘅Feature Wall，木結構感覺時尚而且溫暖。在場嘅客人清一色都係女性，而我係少數嘅異類食物餐牌只有一版，簡單直接，有選擇困難症都唔驚啦！另有兩版係飲品。蜜桃冰茶 $38賣相好似凍檸茶，但其實唔係。蜜桃茶底香甜可口。另有檸檬、西柚及橙，為蜜桃冰茶增添了一點清新感，還帶來大量的維他命C。荔枝薄荷特飲 $42有點像Mojito，但沒有薄荷葉的草腥味。內附去核荔枝肉數粒，荔枝獨有的果甜跟薄荷味很配合。煙三文魚凱撒沙律 $86三文魚咸味突出，菜葉尚算新鮮。墨汁大蝦意大利飯 $148極黑的一碟墨汁意大利飯，內有洋蔥、菇類和燈籠椒等。兩隻大蝦煎很香口，蝦肉結實彈牙。黑松露雜菌意大利粉 $118很香的一碟，忌簾汁底夠香滑！

今次朋友選擇了這間餐廳。星期五人流眾多，幸好我們預先訂枱。餐廳座位不多，但空間感大，環境舒適餐牌有各種前菜、小食、主菜、甜品等芝士焗黑松露薯條沒想到份量是頗多的，本以為是個沾的黑松露是醬汁，原來是將黑松露醫灑在薯條上。由於是焗薯條，薯條偏軟身，沒有炸的香口，要吃到有松露醬的薯條才有味，芝士也可以多一點墨汁大蝦意大利飯這個大蝦真的是頗大！而且口感爽滑彈牙，很JUICY! 墨汁意大利飯的味道適中，飯的軟硬度也適中，加了一些洋蔥，令口感更豐富！但係到最尾的時候比較油膩明太子蟹肉意大利粉明太子的味道不錯，配上雜菌及蟹肉，口感更豐富。美中不足的是意大利粉偏軟身，沒有太大口感..由於餐廳於10時關門，我們不能待太久，所以我們吃畢便轉場了。

尖沙咀有間坐落於尖沙咀廣東道樓上的餐廳，麻雀雖小但五臟俱全。明亮光潔的室內設計配上舒適柔和的燈光，營造出繁囂都會中一片清新宜人的氣氛。法式焗田螺$88係法國料理入面常見嘅前菜，亦可以話係法國料理嘅入門菜。螺肉，伴以香濃幼滑嘅忌廉薯蓉，就成為一款美味菜式。芝士有畫龍點睛之用。韓國蜂蜜生薑茶$38溫潤的蜂蜜就是養生好物，搭配生薑讓人暖呼呼。薑味不太濃烈，易入口。蜂蜜滋潤。菜式熱騰騰端上來，才知道原來是黑漆漆的墨汁意大利飯。飯粒煙韌有咬口。大蝦爽脆，入口彈牙。原來墨汁飯中有其他配料，但太黑漆漆的不知是什麼，好吃就行。