Al Forno Cafe and Bar (Closed)

真心好Chill嘅一間Cafe窗邊座位環境好靚加上聖誕裝飾望到街景超正墨汁意粉 推薦度5/5🌟帶子配魚子好鮮味裡面蟹肉超多🦀海鮮份量十足👍🏻始祖Pizza 推薦度4/5🌟洋蔥，芝士🧀，辣椒🌶，煙肉🥓多重口感非常惹味泰式奶茶 推薦度4.5/5🌟奶茶味道香甜😋比冰震奶茶更正嘅設計飲幾多倒幾多飲到最後都唔會因為冰融變淡倒曬落去有接近兩杯🥂抹茶拿鐵 推薦度4/5🌟抹茶配咖啡味道非常特別呢個組合都唔錯可以嘗試配合食物顏值爆分性價比超高嘅甜品😋鬆脆嘅外皮➕熱啦啦流心紅豆麻糬餡好味到震 推薦度爆分5/5🌟整體黎講 無論食物定環境都好靚靚之餘味道質素都保持到高水準適合假日聖誕🎄去慢慢歎打卡一流十分推薦

星期四請左假，同老公黎銅鑼灣食lunch，食完去屯門，呢間lunch唔收加一。Set Lunch包左碗周打蜆肉湯，碗底都幾多蜆肉，落左好多胡椒，略鹹。墨魚汁意粉配帶子 蟹肉 蟹籽份量好細，調味都係略鹹，帶子尚算彈牙嫩滑，蟹肉鮮甜，都ok既。鹹牛肉炒蛋配流心花生醬牛窩夫呢個我滿心期待，但結果完全唔知食緊乜，一啲都唔夾。鹹牛肉炒蛋辣辣地，仲有啲肉鬆，總之就係炒埋一堆，牛窩夫正常味道，無特別。Al Forno Tiramisu 呢個又係好失望，只係鋪左啲手指餅，上面淋左tiramisu味既cream，再加啲藍莓、士多啤梨做裝飾，仲要酸既。手指餅無浸腍到，係硬身既，cream酒味幾出，唔值得叫黎食。

終於book 到依間長期爆滿嘅 cafe了餐廳入面超級多be@rbrick 既收藏品 好靚又有特式枱數唔多可以靜靜地同朋友嚟傾吓計Latte Tiramisu $58提拉米 拿鐵叫呢杯咖啡可以滿足兩個願望又試到依度signature嘅Tiramisu 又可以飲杯咖啡 Lava Peanut Butter $88鹹牛肉炒蛋配流心花生醬牛窩夫窩夫都好脆身附上一杯花生醬比你倒落去花生醬個味都幾濃 配埋鹹牛肉蛋 又出奇地幾夾喎食完都覺得幾漏 😂Squid Ink Spaghetti with Scallop, Crab Meat, Roe $168墨魚汁意粉配帶子 蟹肉 蟹籽墨魚汁好鮮味帶子都幾大粒加上又多幾多份量嘅蟹肉係覺得意粉個份量就相對少啲價錢係相對貴啲啲啦

Al Forno Cafe and Bar主打手工pizza，另外佢地既意粉、甜品甚至飲品都好有特色，除左有各款主菜之外，仲有唔同既小食可以叫，配埋佢地既cocktail或者mocktail就夠曬正😚黎到呢度一定要試下佢地既牛窩夫，呢兩年可以話係爆紅。呢度既牛窩夫除左甜品之外，仲有鹹食既配搭，最特別既一定係佢地既鹹牛肉炒蛋配流心花生醬牛窩夫。不過今次我就冇試到呢款，試左另一款都好有特色既牛窩夫，有興趣既繼續睇落去！1️⃣五香肉丁炒蛋配花生沙嗲醬牛窩夫（$98）見到呢款係個menu到特別show左出黎，就好想試下佢🤤冇諗過牛窩夫可以搭配港式元素，仲要咁夾。中間既五香肉丁炒蛋味道帶少少辣，好惹味，配上面頭既肉鬆加花生沙嗲醬，好邪惡但係又好好食。  2⃣️松露烤蘑菇（$138） 好鍾意呢度既pizza既餅底，煙韌得黎唔會好難咬亦都唔會乾。面頭鋪滿蘑菇、芝士，切好左五件，拎起既時候仲有拉絲效果😍  3⃣️自家製迷你蟹餅配蒜香蛋黃醬（$98）勁好食呢個！每一粒炸得薄脆，入面係滿滿既蟹肉！伴碟有啲沙律菜咁。  4⃣️墨魚汁意粉配帶子 蟹肉 蟹籽（$168）蟹肉份量好多，面頭仲有好多蟹籽。撈勻都可以keep住食到蟹