Video
Read full review
2022-01-22
850 views
長期要排長龍既半島酒店大堂下午茶就當然食過，自從半島精品店與咖啡廳開左就未黎食過，今日終於有機會黎個高級下午茶，令人非常期待。一個星期前上網預約左今日下午2：45黎，呢度唔係打電話預約，而係要上網預約，都有d唔太方便。入到酒店首先要落樓梯去地庫，行到差唔多地庫商場中間，就見到一個以深綠色為裝修主題嘅半島精品店與咖啡廳，中間有一大隻熊寶寶，著住虎年賀年服裝，好吸引眼球。半島咖啡廳喺其中一邊，原來入面得5張枱，唔怪得咁難預約。中間用玻璃櫃放左一set午後敘享下午茶同一set朱古力火鍋，一眼就睇哂有乜食。唔洗諗即刻叫返個下午茶。午後敘享係新春限定，1:30至6點供應。價錢$655兩位，另加一。包經典英式烘鬆餅，馬卡龍，軟雪糕，手工制虎虎生威蛋白脆餅，甜點4件，鹹點4件同自選飲品兩杯。呢度下午茶冇用3層架，只係用個大兜裝住兩個英式烘鬆餅，其他野食就咁放喺隻大碟上面，賣相有啲失色，不過影相配合埋個半圓卡位同餐廳打燈都唔差。但係甜點同鹹點居然只得單份，點夠兩個人食呀？唔怪得個價錢看似唔貴，原來份量係咁。經典英式烘鬆餅經典英式烘鬆餅一個原味一個提子味，配忌廉同士多啤梨果醬。可惜鬆餅唔夠熱，大就大個，
入到酒店首先要落樓梯去地庫，行到差唔多地庫商場中間，就見到一個以深綠色為裝修主題嘅半島精品店與咖啡廳，中間有一大隻熊寶寶，著住虎年賀年服裝，好吸引眼球。
午後敘享
$655
20 views
0 likes
0 comments
半島咖啡廳喺其中一邊，原來入面得5張枱，唔怪得咁難預約。中間用玻璃櫃放左一set午後敘享下午茶同一set朱古力火鍋，一眼就睇哂有乜食。
唔洗諗即刻叫返個下午茶。
午後敘享係新春限定，1:30至6點供應。價錢$655兩位，另加一。包經典英式烘鬆餅，馬卡龍，軟雪糕，手工制虎虎生威蛋白脆餅，甜點4件，鹹點4件同自選飲品兩杯。呢度下午茶冇用3層架，只係用個大兜裝住兩個英式烘鬆餅，其他野食就咁放喺隻大碟上面，賣相有啲失色，不過影相配合埋個半圓卡位同餐廳打燈都唔差。但係甜點同鹹點居然只得單份，點夠兩個人食呀？唔怪得個價錢看似唔貴，原來份量係咁。
午後敘享
$655
10 views
1 likes
0 comments
午後敘享
$655
11 views
0 likes
0 comments
午後敘享
$655
20 views
0 likes
0 comments
經典英式烘鬆餅
經典英式烘鬆餅
8 views
0 likes
0 comments
經典英式烘鬆餅一個原味一個提子味，配忌廉同士多啤梨果醬。可惜鬆餅唔夠熱，大就大個，不過每人食得一個，質素正常，唔係特別好食，牛油唔夠香，質感算可以。提子味鬆餅較為好啲。忌廉唔入流，又唔滑又易散開。士多啤梨果醬就好啲。整體而言，失望。
午後敘享
$655
26 views
0 likes
0 comments
兩個人有兩大粒馬卡龍，分別係紅桑子同熱帶水果味，用隻熊仔盤放好。馬卡龍就非常出色，外皮好脆而入面嘅果醬饀勁多又唔太甜，味道好好。事後我哋即刻買多兩盒馬卡龍外賣，正價$28一粒。
軟雪糕係後上，有4款口味，分別係牛奶，菠蘿，梛子，同朱古力。我哋揀左牛奶同梛子。
牛奶雪糕
1 views
0 likes
0 comments
牛奶雪糕係北海道牛奶軟雪糕，上面有少少金箔同一片印左酒店個名嘅朱古力。雪糕好滑而奶味濃，夠厚身，不過味道寡左啲。
梛子雪糕
4 views
0 likes
0 comments
呢隻雪糕杯都靚過人，梛子雪糕係硬雪糕，上面加左一片印左酒店個名嘅朱古力。雪糕質感較易散開，不過梛子味濃，勉强算合格。
手工制虎虎生威蛋白脆餅放喺隻熊仔盤上面，造型趣緻，食落微甜，勁脆口。
甜點4件有拿破崙，藍莓芝士餅，士多啤梨卷同香芒布甸。
拿破崙
15 views
0 likes
0 comments
拿破崙
拿破崙
20 views
0 likes
0 comments
拿破崙係兩片厚酥餅包住吉士忌廉，上面有3點加左金箔嘅吉士忌廉，再加上一片印左酒店招牌嘅朱古力同兩片樹葉造型嘅酸咪咪裝飾。味道正常，唔算太膩，酥餅可以再脆啲。
藍莓芝士餅
16 views
0 likes
0 comments
藍莓芝士餅
圓形嘅芝士餅上面有5粒鮮藍莓，加左銀箔喺上面。芝士餅下底有一塊圓形脆餅。芝士餅超滑又濃味，藍莓就酸左啲，可惜份量太少。
士多啤梨卷
10 views
0 likes
0 comments
士多啤梨卷
士多啤梨卷
12 views
0 likes
0 comments
士多啤梨卷係半島名物，之前食過。士多啤梨卷係卷蛋包住士多啤梨粒同忌廉，上面再加有忌廉同加左金箔嘅士多啤梨片同少少士多啤梨乾，食落輕盈唔膩，不過又唔覺好似上次試咁好食。
香芒布甸
11 views
0 likes
0 comments
香芒布甸
香芒布甸係杯裝，滑溜布甸上面加左鮮芒果粒，仲有少少忌廉同3粒餅碎，脆口白色球同一片樹葉造型。味道唔甜有少少咬口。
鹹點4件有吞拿魚泡菜三文治，煙三文魚配酸瓜醬三文治，巴馬火腿籚筍撻同雞蛋西芹三文治卷。
吞拿魚泡菜三文治
3 views
0 likes
0 comments
吞拿魚泡菜三文治
吞拿魚泡菜三文治係3片麵包夾住兩層吞拿魚泡菜蓉，外面兩塊麵包係啡色，中間嗰塊係綠色，有層次感，可見製作認真。上面有精緻紅白蘿蔔漬物粒同其他蔬菜漬物。食落微辣。
煙三文魚配酸瓜醬三文治
1 views
0 likes
0 comments
煙三文魚配酸瓜醬三文治
煙三文魚配酸瓜醬三文治都係三片麵包，中間嗰塊係啡色，外面係白麵包，卡啦夾住三片煙三文魚薄片加酸瓜醬，上面有酸瓜，三文魚籽同金箔。味道方面正常冇乜特別。
巴馬火腿籚筍撻
7 views
0 likes
0 comments
巴馬火腿籚筍撻
巴馬火腿籚筍撻撻底上面有酸忌廉，上面再放左一小片巴馬火腿同幾條迷你籚筍撻，仲有一粒迷你車厘茄。味道主要係酸忌廉。
雞蛋西芹三文治卷
8 views
0 likes
0 comments
雞蛋西芹三文治卷
雞蛋西芹三文治卷以卷物造型上枱，好似一件迷你卷蛋，三文治包住碎蛋，上面有一朵花仔，賣相可愛，西芹味唔覺，味道普通。
自選飲品有咖啡，茶，鮮奶，朱古力，鮮橙汁，可樂，礦泉水可選。
熱朱古力
熱朱古力
10 views
0 likes
0 comments
我地揀左兩杯熱朱古力。熱朱古力拉花唔錯，我地要脫脂奶，朱古力味道好濃，唔太甜，不過個底有未熔透既朱古力。
總括而言，呢個下午茶set價錢偏貴，份量小家，口感欠奉，味道唔難食不過頗普通，真係試一次就夠。
除左下午茶set，餐牌都有甜品，輕食，同朱古力火鍋。其實好耐之前已經見過呢度既芭菲好似好特別，於是都試下先，一揀就揀最貴。
虎虎生威芭菲（新春限定） $298 另加一
虎虎生威芭菲
$298
11 views
0 likes
0 comments
虎虎生威芭菲係北海道牛奶軟雪糕搭配新鮮柑橘及虎頭蛋白脆餅。芭菲大大杯，北海道牛奶軟雪糕有新鮮柑橘圍邊，下底有好滑嘅透明啫喱，脆餅碎同勁多柑橘果醬。上面加左一塊痴牙既薄餅，一片印左酒店個名嘅朱古力，金箔，食用花仔同虎頭蛋白脆餅。果醬要撈好雪糕食，食到最尾好甜，如果服務員一早提一提要撈渾就好啦。味道方面，其實我覺得非常普通，出面好多芭菲杯好食好多，基本上新春限定既虎頭蛋白脆餅就貴其他普通芭菲成舊水，唔值得。
虎虎生威芭菲
$298
16 views
0 likes
0 comments
食物方面真係有d失望，服務都差少少，服務員主動同另外兩枱客人介紹食物，不過無同我地介紹，幫手影合照又有少少趕住走人，話嗮都係6星級酒店呀。最好係裝修同環境啦，打卡一流。入座時間限兩個鐘頭。
Post
