Oslo (Closed)

難食的英式早餐... 雜菌炒蛋，其實炒蛋技術唔差，但蛋無味，明顯係用劣質蛋...最差係個牛角包!! 係硬到切唔開㗎！其實純粹都係有客order先需要焗返熱個牛角包啫，點解都可以硬到咁??? 🥐👎🏼👎🏼👎🏼份英式早餐係有好多嘢食呀，沙律菜、牛角包、豬肉腸、雜菌炒蛋、焗豆、煙肉和薯角，但係...唔該用個大啲嘅碟裝吖...😓 所有嘢都迫埋一齊或者疊起，好似食緊碟頭飯咁，賣相👎🏼反而杯士多啤梨奶昔好飲！👍🏽 而且切了片的士多啤梨好新鮮🍓 但價錢就貴咗d喇...單買要$50+一杯

咁岩今日有事要去九龍城，所以下午時間就同老公黎左呢間cafe試下。舖頭細細間，可能今日系平日仲要係晏就，人好少，入去只得三枱客啫，環境都舒適，系等餐時間太長了，即叫即做，如果唔趕時間可以揀呢間食。因為我自己唔太肚餓，我地就叫左一個lunch set同兩款小食。#蒜香雞翼： 等左15分鐘先上雞翼，好夠蒜香味，但肉身偏乾唔夠juicy#香草忌廉煙肉意粉：無咩特別，普通意粉，等左30分鐘先上枱#黑松露芝士大菇： 三樣食物中最好食的！大菇好香好多汁，有兩種芝士系入面；沙律好新鮮，配千島醬我鐘意但叫呢款小食員工有預先講大菇要等耐d,結果等左45分鐘先上枱😫，我老公有事做都試唔切呢款要走先了😭#士多啤梨奶昔：好飲，每塊士多啤梨都好甜，好好食對於呢間cafe既野食唔錯，有好食有普通，只係等餐時間真系太耐了，而且本身店舖客人好少，只有幾枱客都要等咁耐，最後等左45mins先叫上齊哂d野食,咁岩我地又趕時間，唔系等耐d都唔怕。

小編其實係比佢哋個多士盒吸引咗先去食，所以就梗係要介紹咗多士盒先啦！多士盒要等15至20分鐘，所以攞到上嚟仲係熱辣辣㗎！另外佢哋嘅馬卡龍真係同張相裏面嘅一樣咁多，不過馬卡龍嘅口感就有少少失望，因為佢地唔夠鬆脆。而馬卡龍每隻色都係唔同味㗎，因為裏面嘅餡醬都唔同，而塊餅仲有好香嘅杏仁味添。最頂個粒心形馬卡隆真係俘虜咗小編個心丫😍撇除咗馬卡龍，基本上成個多士盒都係芒果嘅天下。首先嗰兩球芒果雪糕，芒果味都幾香而且口感偏向比較似Gelato仲要超級冰凍添，同啲多士粒一齊食別有另一番風味。不過佢另外加左啲芒果醬落去，本身小編覺得兩樣野唔係太夾，但點知越食覺得越唔錯喎！最後唔可以唔提佢哋個多士盒，個多士盒並唔係普通嘅麵包，而係用左丹麥麵包，所以口感會比平時食到嘅多士盒更加正，而且仲好似冇咁熱氣添。首先個餐湯係忌廉湯，同平時飲到嘅就冇乜分別，裏面有啲粟米咁囉。至於個黑松露野菌意粉未攞到過嚟就已經聞到有好香嘅黑松露味，意粉嘅軟硬度適中，整體來講都唔錯，不過唯獨係意粉落咗好多橄欖油，搞到下半部份嘅意粉全部都係油（實在有啲恐怖）本身呢個dinner set其實都已經包左嘢飲，不過小編就想試吓佢哋嘅奶昔所以就

來九龍城覓食大多都是食泰國菜，其實有啲悶，遊逛之下，發現了這家西式的西餐甜品店。餐廳裝修簡潔得來帶木系顏色，令人感覺得非常舒服relex～Menu 色彩繽紛，圖又靚內容又吸引，睇到心情都靚靚～Mongo Soda ＄38老實講，樣子平平冇其，但完美示範了什麼叫實而不華！點解？因為佢清涼解渴得來，又的確有陣陣很真的芒果味（我至like呢款），而梳打水又不搶喉，是很好的！Strawberry Milkshake $58嘩！！！好靚呀！好靚呀！呢個造型足以俘老充滿少女心的我～OK 味道來說，so sweet 比起平時出面飲到的甜到漏，呢個我以4/10清6/10甜來比例，甜得來剛剛好入口不會（確喉）呢個好重要！每口都有果蓉，而裝飾的士多啤梨也吃光，好甜好好味！秘制牛柳粒＄68超大碟的牛柳粒，我估計大大話話有成30舊，好吃呀！牛柳夠軟有牛肉味，秘制醬汁咸得來帶小許甜味，加埋雞比菇落去又冇咁漏，呢味餸其實用來送飯一流！香草忌廉雞肉意粉＄78大約內容：三色椒絲、蘑菇、雞片整體賣相：靚（實而不華）味道：香草忌廉味濃郁，包圍着每口意粉，意粉煮得剛剛好，彈牙偏硬身，蘑菇片雞片很多，雞片好吃入味！芝士焗西

一向對九龍城區搵食情有獨鍾! 而剛好約了友人慶生, 這位朋友又特別喜歡西式cafe!壽星選擇了一個意粉, 兩個餐廳主打食品, 兩杯特別飲品 及一個甜品, 驚喜陸續有來! 意粉選擇了牛肝菌汁鮮野菌意粉, 想不到這個配搭令我對野菌類改觀, 平日的我是一個食肉獸, 煮得好味的牛肝菌果然名不虛傳, 龍烈的牛肝菌汁煮新鮮野菌配合起來, 味道完全下放在軟硬適中的意粉內,色香味俱全!令我有衝動要在這星期內自己嘗試做一個美味的意粉!玉子野菌煙肉捲巻, 一向喜愛溫泉蛋及常常吃完全生的蛋的我, 大滿足度拿滿分, 一口溫泉蛋流出碎蘑菇香汁配上煙肉香脆的味道, 停不了口!一年都吃不上幾隻雞翼的我, 發現另一驚喜, 這味蜜糖雞翼真的要試, 原因是能夠把一味普普通通的餸煮得好的 真的不多, 除了用真的心之外別無他法, 一口咬下皮脆肉嫩, 帶蒜蓉味的香汁!生日又怎可能缺少甜品? 有水準的石板街多士盒是我們的選擇! 主要原因是榴槤多士盒已沽清, Oslo, 我會再返來吃的!

我好鍾意­­呢間餐廳, 由裝修到食物, 我都覺得好好食野當然係要食物加環境啦個環境佈置得好靚好精緻, 睇得出係有用心, 覺得食都食得開心享受啲 我哋點咗個二人餐, 揀咗湯, 野菌意粉, 煙三文魚意粉,士多啤梨多士盒, 士多啤梨奶昔同朱古力奶昔粟米忌廉湯夠濃, 好飲! (我特別鍾意濃湯~) 野菌意粉個汁好好食呀, 係牛肝菌汁黎. Yummy yummy~~又夠多汁喎. 我覺得意粉就係要多汁! 咁個意粉先夠juicy嫁嗎 煙三文魚意粉都好食. 有煙三文魚同熟三文魚嫁~個汁都唔錯 奶昔好靚呀, 士多啤梨奶昔同朱古力奶昔都好奶味 (我係鍾意重奶味嘅奶昔嫁), 咁士多啤梨奶/朱古力味都重~ “士多啤梨多士盒”好多士多啤梨呀, 士多啤梨又夠甜. 個雪糕面仲有啲脆脆哋, 係乜黎? 我諗係糖粒? 幾好咬口喎. 係心型嫁, 但我咬碎咗. 唔影出黎啦哈哈 老闆好好咁俾咗個羊架同金莎骨我哋試, 佢話係包埸時先會有的食物. 羊架唔騷喎, 我平時唔食羊嫁. 但我真係覺得呢個好食.金莎骨都好香口呀. 幾高質素啵.呢個煙肉卷都好好食 個蛋仲係juicy嫁！！！

出開九龍城做野，就順便約下朋友食個tea，今日好想食甜野，所以就去左朋友好想試好耐既Oslo，入到去覺得環境好舒服，影相位又多，係度hea吓吹吓水就最岩~之後點左士多啤梨奶昔同多士盒，個樣真係幾靚，所以梗係相機先食，先講吓杯奶昔先，一d都唔糊口，仲有好香奶味同好清新既士多啤梨味，飲落都幾滑喉，唔會太酸，而且仲有切片果肉，有咬口之餘，又夠晒營養，另多士盒就好鬆軟，食落仲暖暖地，朱古力雪糕都好香濃幼滑，配埋曲奇同棉花糖就真係一絕，食頭幾啖時覺得好好味，但之後就覺得比較膩，都係三人以上一齊食會好d，兩個人食就幾飽吓~