冰雪公主 (Closed)

見到有咁多好評我真係認唔住要打返篇負皮中和下話說見到荃灣廣場附近新開左呢間冰雪公主想試佢啲甜品好耐當晚由於好早食完晚餐，個肚仲有空位就決定同男朋友兩個人去試下啦！佢鋪頭既招牌都幾顯眼，好易搵到（雖然我唔覺得同冰雪有咩關係）。而鋪品裡面都好多位，幾乎唔使等就有得入座，但一坐低就知中伏。首先張枱未抹乾淨，仲係痴苙苙既，印象分已扣。然後我再睇下食評睇下有咩好食既時候，見到篇篇好評既Pattern都一模一樣，而負評就好極端，心水清都知咩事啦....不過入左黎就試下啦～入正題，叫左兩款甜品年層千層蛋糕一層層cream同皮既中間夾住年糕，呢舊蛋糕係係雪櫃拎出黎，所以塊年糕係雪到硬晒，成個蛋糕都好韌，好難切開。而味道方便，基本上係冇味，要點旁邊啲溝稀左既煉奶先放得入口。好似叫士多啤梨年糕多士其實一黎見到佢塊方包個角bun左，已經有不祥感覺。整得甜品既人其實多少對個賣相都有要求吧，我真係忍受唔到用百佳啲一條條包裝bun左既方包黎做甜品。我估師傅係想塊方包變脆身，但Sorry 塊方包包皮係硬到入口會刮損口既程度。方包中間又夾住啲年糕，今次啲年糕係軟既，但都攪到塊方包軟晒，最後塊方包又係切唔開，要扯開佢。

先點評飲品:朱古力曲奇-甜度適中, 每一口也夾雜著豐富曲奇碎, 冰打得細緻均勻, 推介!凍蜂蜜檸檬茶-蜂蜜味超淡, 算是為平凡的檸檬茶中加點調味. 食物方面: 士多啤梨年糕多士-以烘脆了的多士, 夾著一層薄薄的年糕,甜甜的年糕與多士原來可以好夾,加上新鮮的士多啤梨及雲尼拿雪糕球,一個字 - 正! 城堡雪花-好震撼! 絕對相信是這裡的鎮店之寶!在韓國也有吃過超大碗的雪冰,也不及這城堡雪花的超量程度!這雪冰有三層:頂層-數條朱古力威化交疊搭成橋橔,承著兩球雪糕球面層-佈滿Oreo, 朱古力威化, 焦糖爆谷,爆谷超好味,好味程度可媲美Garrett,問過店方,原來是採用同樣優質的日本爆谷, 值得一讚!夾層-以牛奶做成雪冰,混合著白朱古力片,可可球,粟米片等,每一口均夾雜著各款材料,像在吃著巨型牛奶早餐!溫響提示:搭配熱飲會更好!