Gram Cafe & Pancakes

Open Now

Now Closed

呢日尖沙咀食完飯諗起有間嚟自日本嘅過江龍餐廳，於是就過左嚟試下佢嘅甜品，可能時間已經比較晏所以餐廳唔算多人，所以都坐得幾舒服。其實一入門口已經被外面嘅pancake圖吸引到，於是就決定試士多啤梨流漿班戟，原來係要自己拎起外圍個膠，就會做成流漿嘅效果，打卡的確係唔錯嘅選擇。而佢pancake嘅口感比較紮實所以似食蛋糕多啲，個士多啤梨漿嘅味道唔太重，有少少似奶蓋嘅感覺，而中間嘅士多啤梨又唔會太酸，不過size比較細小，感覺性價比一般。

在尖沙咀The ONE吃完Light Dinner，甜品癮又發作，找個聊天的好地方，順便吃個甜品。這間Pancake店口碑甚佳，之前吃過它的外賣梳乎厘班戟，非常喜歡，念念不忘。難得可靜下來慢慢享受，倆口子一人一份也不過份吧！招牌梳乎厘班戟 $138三層厚厚的梳乎厘即叫即製，鬆軟綿密，蛋香突出，甜度適中。加上牛油、鮮忌廉和蜂蜜，沒有花巧的裝飾，是純粹而簡單的美味。士多啤梨流漿班戟 Strawberry Cream Volcano Pancakes $118除了招牌梳乎厘班戟，這個流漿班戟系列也頗受歡迎。移走膠片即有流漿傾瀉、花紋分裂的視覺效果，士多啤梨流漿很對味，不死甜又帶點奶味，非常滑溜，中間夾住濃郁的吉士醬，與鬆軟綿密的班戟天作之合，整體味道和諧。

辛辛苦苦工作完，夜晚緊係要好好獎勵自己！今日去到左The ONE嘅Gram食野，主食，甜品都食哂，大滿足！士多啤梨流漿班戟 $118有得玩有得食🤣整體味道唔錯，唔會太酸，個班戟都夠軟熟，中間嘅夾心配上班戟同埋流心醬，咸咸甜甜，感覺都幾好☺️唔會太膩～鮮果乳酪梳乎厘班戟芭菲 $98一上枱已經覺得好靚🥰每層都係唔同口感，由上層棉花糖，雪糕，鮮果，食到下面忌廉，梳乎厘班戟，到藍莓乳酪，由甜到酸，好好味！而且鮮果好甜，成杯感覺係好清新好fresh，呢個正啊😆日本和牛漢堡班戟 $128食完2個甜品都係意猶未盡，決定叫多個和牛漢堡班戟！和牛很Juicy，平時配漢堡包食，今次就係配班戟，配搭都幾特別😄另外上面有d辣辣嘅肉醬，加埋一齊食好惹味！一次過食哂主食同甜品，真係好正😆下次決定再黎食過🤣

Gram Cafe & Pancakes位於尖沙咀The ONE 4樓，落地玻璃窗讓自然光灑進店內，讓用餐環境格外舒適自在。今日點了兩款人氣班戟，焦糖香蕉班戟份量十足，班戟厚實綿軟，香甜的焦糖香蕉灑上一些糖粉，整體口感層次豐富，香甜可口，另提供焦糖醬備用，可按需要自行淋上，但我覺得夠味，所以無添加上去。士多啤梨流漿班戟的奶蓋，做得非常出色，我諗有點呢款甜品既客人，抽起個膠套睇住個奶蓋熔岩，覆蓋整座班戟，想必一定超興奮。因為我地今日都係，莫名的興奮。酸甜可口的士多啤梨醬汁及滑溜既奶蓋熔岩，淋上光滑細膩的班戟，好邪惡又好食。這個特色班戟每日限量供應，可算是Gram Cafe的招牌之一。

上個月生日都無咩點食蛋糕慶祝，感覺硬是少了點儀式感，無咗生日的氛圍，所以今晚補返數，一次過食三件cake！仲要係極邪惡但又令人心動的Pancake。這間位於尖沙咀的日本人氣過江龍Pancake店剛開店的時候真的好哄動要大排長龍㗎，家陣無咁誇張但依然有不少捧場客，幸運地一入去就見到有位坐。超人氣招牌梳乎厘班戟 $138真心推薦呢款必食招牌甜點，三層超厚身又鬆軟的梳乎厘班戟，沒有其他餡料配菜，簡簡單單淋上蜜糖一齊食，蛋味香濃，再加少少Cream及牛油，入口似棉花糖般，又有梳乎厘嘅空氣感，食完真係成個人開心晒。士多啤梨流漿班戟 $118拎起膠紙望住士多啤梨流漿流落班戟度，感覺好療癒，士多啤梨醬不會太甜，班戟亦好軟熟。石板街班戟 $118最似生日蛋糕的款式，賣相好繽紛，最上層有草莓、藍莓及奶油，班戟質地比較實淨，中間有朱古力醬及吉士漿，朱古力控必食之選。

士多啤梨流漿班戟（$118)賣相：🐧🐧🐧🐧🐧味道：🐧🐧🐧🐧班戟一共有兩層，頂上裝滿士多啤梨流漿，流漿上以士多啤梨醬畫出的拉花作點綴，頗為美觀別緻。輕輕移開側邊的膠片，士多啤梨流漿傾瀉而出，場面十分壯觀，同時發現內藏一粒士多啤梨，有點驚喜。班戟入口綿滑細緻，尤如紙包蛋糕一般鬆軟，配搭酸香又甜美的士多啤梨流漿一齊食，滋味滿分。環境：🐧🐧🐧🐧🐧餐廳以大自然作裝修主題，入內可見一片油油的翠綠，加上綠色植物作裝飾，感覺放鬆又舒適。🐧❤️結語：班戟美觀又富特色，不妨一試👍

行行下街突然間想食甜品 經過見到呢間gram cafe & pancakes望到啲甜品好似好吸引咁就坐低試下先順便可以打下卡🤣🤣🤣我哋叫咗佢哋嘅招牌士多啤梨🍓🍓流漿班戟 🥞呢個班戟🥞係用膠片圍住當你用手拆開膠片嘅時候嘩！啲士多啤梨🍓流漿好似瀑布咁呀🤣🤣都好香士多啤梨🍓味 味道都唔錯👍👍另外一個係石板街班戟都好香朱古力味對於我嚟講我係喜歡食甜品但係呢個石板街班戟，我嫌佢唔夠甜如果你哋唔係好食得甜嘢嘅都可以去試下呢個嘅不過呢個就唔係我杯茶囉🤣🤣🤣🤣你哋經過the one都可以去試下嘅

成日都想同好姊妹去食pancake 甜品之類呢間日本人氣pancake 店我bookmark 左好耐了今日去開尖沙咀行街 一定要去食個🥞先🥞 士多啤梨流漿班戟 （$118）一上枱 粉紅白色既擺碟 充滿少女感覺 好吸睛呀😍呢款班㦸超治癒 有得食又有得玩一拉起個膠片圈 就好似火山溶岩咁流落去自己做到火山爆發既效果 超過癮🤪 打卡一流👍🏻3層嘅pancake浸滿士多啤梨味既cream Pancake口感幾鬆軟 甜度剛好又有奶香味 食完感覺好飽🍝蟹肉忌廉意粉 （$78）明太子蟹肉忌廉意粉非常creamy 奶油味濃撈勻d明太子落意粉度再加上蟹肉鮮香又好味 味道好豐富😋