Boholic

Open Now

Now Closed

長沙灣有好多小店cafe都有特色，今次推介boholic係大家一不小心就錯過嘅cafe🤗環境：8/10雖然空間不是很大，不過室內外全是打卡位，🎃萬聖節前夕都有不少裝飾，比大家瘋狂打卡📸食物：8/10芝士焗澳洲薯皮 $88芝士控要留意啦❗️外脆內軟，一咬落去仲有拉絲效果，芝士薯蓉1:1大顛😝美式BBQ醬烤焗西班牙豬肋骨配洋蔥圈 $198豬肋骨肉質軟腍，烤焗時間啱啱好，BBQ醬調味出色，滿分💯個sid係洋蔥圈，有驚喜~🤪慢煮紅酒燴牛尾芝士粗通粉 $128慢煮方式令到牛尾🐮相當入味，軟腍腍程度接近日後即溶😌通粉口感彈牙之餘相當掛汁🤩士多啤梨牛油果沙冰 & 菠蘿火龍果沙冰 $58 &$58大推士多啤梨牛油果沙冰，似奶昔好full成件事🥰不過飲晒一杯都幾飽lol開心果奶蓋梳乎厘班戟 $138 開心果奶蓋佈滿開心果碎增加口感，疏乎厘班戟鬆軟Q彈，每一啖都係開心果衝擊味蕾🥰💰性價比：7.5/10 人均$3xx左右，生日月店家會請你食梳乎厘班戟 ，岩晒同bestie嚟慶祝 ，儀式感滿滿🥳

朋友知我中意食開心果，叫我一定要嚟試下佢哋嘅班戟！🥞餐廳好靚，入面仲有狗狗行嚟行去勁cute！😂🍽️芝士焗澳洲薯皮 $88薯皮焗得好靚！趁熱食芝士仲有拉絲效果！芝士上面亦有唔少炸煙肉粒增添鹹香同口感~配埋希臘乳酪醬汁好好食！🍽️美式BBQ醬烤焗西班牙豬肋骨配洋蔥圈 $198豬肋骨幾大件但肉質軟腍，輕輕力就可以切開，好容易骨肉分離～豬肋骨相當入味，洋蔥圈好酥脆，仲有兩件燒得好靚好香甜嘅菠蘿！👍🏻🍽️開心果奶蓋梳乎厘班戟 $138開心果迷表示相當興奮！奶蓋好滑，配上開心果果仁香味超夾！加埋粒粒開心果果仁好有口感，真材實料。梳乎厘好鬆軟，蛋香味濃郁。奶蓋唔太甜，所以食完成個班戟都唔覺得膩！🍹靜岡焙茶鮮奶 $50焙茶拉花拉得好靚！焙茶香氣濃郁而且好滑，啱唒想飲茶飲又怕甜嘅朋友！🍹士多啤梨牛油果沙冰 $58一開始以為士多啤梨味會冚唒牛油果味，點知竟然冇！士多啤梨味過後仍然保留到牛油果嘅幽香，成杯飲品好幼滑而且唔太甜，真心唔錯！

今日同朋友喺長沙灣附近行街，經過門口已經俾餐廳精緻嘅裝潢吸引咗，決定入去一試，去打下卡～😚蜜桃巴馬火腿 水牛芝士沙律 伴蜜桃油醋汁 $108一上菜就覺得個擺盤好靚，個配搭仲要勁夾！香甜嘅蜜桃配上鹹香嘅巴馬火腿，淡香嘅水牛芝士及新鮮嘅沙律菜，味道層次十分豐富，朋友特別欣賞出面少見而又酸酸甜甜嘅蜜桃油醋汁😋水牛城雞翼（3件）$68雞翼醃得好入味， 又被滿滿嘅水牛城醬汁包裹住，味道香濃而唔會太辣，啱曬唔太食得辣但又想試下嘅朋友～😌最欣賞係雞翼外皮仍能保持香脆～香煎法式鵝肝黑松露忌廉意大利飯 $168意大利飯軟硬度適中，唔會太腍，黑松露味均勻分布每個飯粒上👍而香煎法式鵝肝就十分肥美，放入口中可以即刻感受到好味而邪惡嘅油脂，入口即溶😝香煎美國特級豬梅扒配黑蒜香醋汁 $198豬扒肉質唔錯，煎完仍能保持內裏嘅肉汁，裏面仍有少少粉紅色，配上黑蒜香醋汁可以令味道更昇華😆士多啤梨牛油果沙冰 $58呢個沙冰真係高度推薦，雖然望落得粉紅色，完全冇牛油果嘅綠色，但飲落係新鮮士多啤梨味加濃濃既牛油果味～兩者十分之夾😋而且我鐘意呢個沙冰質感偏厚身，唔會飲到冰粒，反而似飲奶昔多啲👍Grapefruit Summer