聰嫂星級甜品 (Closed)

同J友人喺時代廣場睇完場七點半，大家都有啲餓，所以就走咗去後面街一間連劉德華 都有幫襯o既「聰嫂私房甜品」度食甜品。「聰嫂私房甜品」門外大大個綠色招牌加射燈非常搶眼，好難走雞。光顧當晚為週三，食客人數只有四成左右，衛生舒適感屬一般，坐矮矮o既長枱圓櫈仔都唔會覺得太過逼，不過人多小肥一定唔會入去試，費事自己辛苦。入座不到一分鐘，面黑黑o既嬸嬸隨即遞上餐牌，並無多餘o既對答，不甚友善 ！落完單好快就有野食，嬸嬸送上甜品時都只係放喺枱邊，要食客自行分配，服務態度頗劣；要XO仔比錢買難受，未食都已覺超唔抵  ！士多啤梨豆腐花（$27）：所謂「士多啤梨豆腐花」其實唔係士多啤梨味o既豆腐花，而係一碗面層舖滿士多啤梨雪糕塊o既豆腐花。配搭其實幾新穎，有咗雪糕調味，豆腐花唔再需要加糖漿，同時因為雪糕微嚡o既質感，豆腐花變得更滑，不過問題係雪糕較粉，唔係細佬杯茶囉 ！椰汁芒果西米露（$26）：J友人最愛食酸辣食品，但係睇見其食相就好比IQ博士入面個超人食酸梅乾咁，眼咪咪、嘴嘟嘟、口角皺紋四散，佢唔講出口都知碗芒果甜品酸到爆 ！哈，離開甜品店後，友人口中酸感未退，更狠批店舖應改名為「聰嫂酸品」！

打完邊爐，最好就梗係揾D 涼涼地既野黎下下火啦，朋友強烈推薦聰嫂於是決定一試。遠處已望見一條長長的人龍，我最不喜歡要排長龍等食，但朋友想食就試一次吧。排了大約20 分鐘就到我們，比想象中快。因為在排隊的時候已研究過餐牌，所以坐低就可以落單，約5 分鐘就有得食啦。坦白講，食品的賣相的確不太吸引。但佢的內涵比外表要好得多！薑汁的味道剛好，不會搶去芒果和豆腐花的風光。三者味道的平衝拿捏得很好，入口先有微辣醒胃的薑味，然後芒果的甜和豆腐那淡淡的豆香慢慢滲出。原來仲有再有芒果啫喱糖，煙煙韌韌咁。yummy!!! 一口緊接住一口，一霎眼就完成了一碗，真係意想唔到友人的士多啤梨豆腐花都好得！豆腐花上鋪有香甜的士多啤梨冰，與豆腐花都係出奇的配合。吃完熱呼呼的邊爐再來這裡吃一個外表平實但味道滿分的甜品真係滿足的一夜