Video
Read full review
2010-10-16
40 views
九龍城嘅美食真係食極都食唔晒。平均一個月去一次。今日又去行街食野。食完點心同泰菜之後就周圍逛逛。去完街市買巨峰同交荀之後，又覺好攰。於是就行咗幾條街黎皇室食甜品同抖抖。我都係食士多啤梨黑馬王子，因為上次食過好食。阿媽就食熱芝麻糊燉奶，阿爸就要火龍果涼粉。士多啤梨黑馬王子賣相好吸引，面頭鋪滿切半嘅strawberry。粒粒都好大。中間有琉璃珠、黑珍珠同珍珠，底層係士多啤梨沙冰。沙冰好冰涼，不過今次d沙冰多咗陣榴槤味，唔知係咪個blender 之前攪過榴槤，好在我都ok接受得到陣榴槤味。火龍果涼粉我自己就覺得呢個combination好怪，不過阿爸係涼粉精，佢又覺得好味。火龍果切得好大粒，我估味道都應該不錯，因為阿爸淨係顧住食，無出過聲。熱芝麻糊燉奶呢個就唔好食，阿媽話燉奶唔夠奶味，芝麻糊又唔夠味又唔夠幼細。環境都幾舒服，因為人不多，也可以坐耐一點。
平均一個月去一次。今日又去行街食野。
食完點心同泰菜之後就周圍逛逛。去完街市買巨峰同交荀之後，又覺好攰。
於是就行咗幾條街黎皇室食甜品同抖抖。
我都係食士多啤梨黑馬王子，因為上次食過好食。阿媽就食熱芝麻糊燉奶，阿爸就要火龍果涼粉。
士多啤梨黑馬王子
賣相好吸引，面頭鋪滿切半嘅strawberry。粒粒都好大。
中間有琉璃珠、黑珍珠同珍珠，底層係士多啤梨沙冰。
沙冰好冰涼，不過今次d沙冰多咗陣榴槤味，唔知係咪個blender 之前攪過榴槤，好在我都ok接受得到陣榴槤味。
火龍果涼粉
我自己就覺得呢個combination好怪，不過阿爸係涼粉精，佢又覺得好味。
火龍果切得好大粒，我估味道都應該不錯，因為阿爸淨係顧住食，無出過聲。
熱芝麻糊燉奶
呢個就唔好食，阿媽話燉奶唔夠奶味，芝麻糊又唔夠味又唔夠幼細。
環境都幾舒服，因為人不多，也可以坐耐一點。
Post
