五要素食堂 (Closed)

4點幾既時間，把握時間堂食了。一行二人，叫了兩個主食，靜靜地傾下計。已經全用QR code落單,款式都有好多可以揀。外賣係講緊有6折，係真係幾抵，不過今日就係想有地方兩個人傾陣計，地方闊落，坐得都幾舒服下。 夏威夷薄餅好多菠蘿，成個pizza都充滿菠蘿仲有火腿，車里茄等等，成個都好refresh，有大細之份，人多也可以揀個大的。新鮮即叫即做。 靜岡抹茶紅豆窩夫佢都好窩心，雖然兩份係一齊叫，但食完咸食先上甜食，窩夫有兩件紅豆配佢自家製cream好合適。加上唔少抹茶味，窩夫邊仲係脆既。 兩個人，佢環境真係幾好，樓底又高，又坐得疏。

放假出去尖沙咀，去左TheOne 既Fifth Element Shokudo食Lunch。日本薄餅幾少見，仲要將味噌加入麵糰，24小時發酵，咁特別一定要試啦。睇餐牌唔係好知有咩材料，點知用APPS落單清晰見到有咩材料，之後直接落單，方便快捷。夏威夷薄餅有菠蘿、火腿、燈籠椒、水牛芝士，佢既薄餅皮唔係平時食個種脆口，但係好軟熟，就連個邊都可以食埋，唔係平時硬到食唔到個種，意想不到。肉桂富士蘋果日式窩夫濃郁既肉桂味，蘋果煮得軟身，但窩夫好感偏脆，感覺似炸多過焗。餐廳環境唔錯，坐得舒服，出面又有自然光照入黎，如果天氣好既可以坐室外。服務態度都好好，有機會可以再黎。

三個女人一個墟， 諗住搵間坐得舒服的餐廳食飯傾計， 前幾日我已經一早在網上訂位～Fifth Element Shokudo， 位於尖沙咀The One，大約下午三點到達， 餐廳環境舒適簡約， 餐牌有散叫和午餐， 我們就點夏威夷薄餅$98、 檸檬薯條$58、 和風煙豬面肉 風乾蕃茄手打意粉$98、 海苔水牛城雞翼$48、 蘋果汁$32， hot chocolate cappuccino $38。📝和風煙豬面肉風乾蕃茄手打意粉～ 意粉口感軟腍冇質感，面層有兩粒蕃茄之外， 我食不到煙豬面肉。📝夏威夷薄餅～ 味道普通， 餅底太腍。📝海苔水牛城雞翼～ 好鹹帶中辣味道。📝檸檬薯條～ 炸得過火， 口感過硬。📝蘋果汁(沒有影相) ～ 朋友飲的，應該味道沒有特別。📝hot chocolate cappuccino～ 不過不失，朱古力味都幾重。整體環境都幾舒適，但食物就好普通。😉