上海小南國 (MegaBox)

Open Now

Now Closed

喺呢間餐廳食咗三次野，其實水準又唔係話太低，所有嘢都係不過不失啦，佢啲小籠包並唔係太出色但一定唔係最差嗰隻。起碼入面有湯汁係啲皮比較厚。酸辣魚啲味道就比較淡，魚肉新鮮，冇雪藏未，滑身。外婆燒肉就差少少，太鹹而且亦都比較鞋口，麻油雞就好乾身，好似柴皮咁但呢間餐廳最離譜嘅就係一去到門口就聽到一個阿伯喺度大聲咳嗽，侍應竟然安排我哋坐佢隔離，我話咳到咁點坐啊，之後就坐咗喺好遠嘅地方。我哋一路食飯嘅時候佢就一路咳嗽，咳嗽聲係震耳欲聾成間餐廳個個人都望住佢，但佢好似唔知醜好巴閉繼續咳。就算冇肺炎都唔掂檔啦，何況而家啲病毒周圍飛，佢又咳又打乞嗤，隔離枱仲要有一個嬰兒，食飯送咳嗽真係多得佢唔少。本來呢啲嘢餐廳就控制唔到，但至少唔安排啲客人坐喺佢隔離！兼且佢咁騷擾啲夥計係好應該叫佢去廁所清理一下先返入嚟！

中秋節一家人去咗小南國做節, 一住低服務生就拎咗杯雪耳紅蘿蔔水嚟, 服務態度不錯。 五福臨門(炸湯圓 / 核桃酥 / 花生酥 / 桂花拉糕 / 南瓜糰 ): 買相好得, 仲要好好味, 唔太甜。 . 宴前五小碟(山珍雲耳 / 香汁鴨舌 / 特色燻魚 / 金瓜絲海蜇 / 翡翠百頁卷 / 四喜烤麩 / 拍青瓜 / 糖醋小排骨): 份量十足, 買相又係好得兼碟碟都好好味 清炒河蝦仁; 唔油, 炒得好乾身外婆紅燒肉: 睇好似好肥但係佢哋真係做得好好, 一啲肥都無...贊!

無啦啦兩口子黎左呢個場度行, 於是乎順勢喺度搵下野食啦, 由於師傅從來都喺呢度食過野, 所以左揀右揀, 揀左好耐最後都係決定黎呢間食店, 貪佢係集團經營!去到門口見冇咩人, 於是登記攞枱, 好好彩唔使等位可以直入! 一座低即刻睇下有咩好食先, 最後經過商量, 兩個人決定柯打招牌小籠包, 擔擔麵同埋外婆紅燒肉!最先到嘅係招牌小籠包, 一籠有五隻, 皮就厚左少少, 但內裡嘅湯就絕鮮甜, 而肉味又幾香, 都算幾好味; 擔擔麵嘅湯底就一般啦, 麻醬就幾香不過就一d都唔辣, 反而冇左擔擔麵嘅風味, 而麵質就唔算太硬, 但亦唔覺有咩特別, 普普通通咁啦; 外婆紅燒肉係因為個名咁特別, 所以師傅決定一試, 原來係d豬腩肉, 豬腩肉炆得好腍, 而且夠香又夠肥, 但就一d都唔膩, 送飯一流, 正呀!總括黎講食物質素算係中上, 但並非十分突出, 而價錢就幾貴, 唔算抵食, 不過環境都幾好, 而服務都幾殷勤; 師傅覺得如果以上幾道菜式係絕對有進步空間, 其他食物就不得而知, 但對師傅黎講呢個晚餐確實係有少少失望! 狀元樓就一d都唔覺似狀元咁厲害, 相信短期內都未必會再黎!