澳洲牛奶公司

Open Now

Now Closed

終於都輪到寫一寫澳洲牛奶公司。其實係冇嘢好寫, 因為無論係好嘅食評或唔好嘅食評, 佢門口都係一樣大排長龍, 問你怕未!?唔經唔覺, 茶餐已經加到46蚊。但係如果你發現佢旁邊個啲「二打六」茶餐廳都係賣緊呢啲價錢, 你就會覺得澳洲牛奶公司一啲都唔貴。我哋嗌咗兩份: 茶餐, 多士, 轉炒蛋, 轉叉燒通粉, 一個熱奶茶, 另一個叫凍檸茶。(以上係落單嘅「急口令」, 要練熟咗先至好入去澳洲牛奶公司 落oreder, 否則會被「伙記哥哥」嘴藐藐。真係唔講啲嘢好唔好食喇, 再講都嘥氣啦~~~ 只講一句啦: 「澳牛炒蛋, 香港 No.1; 奶茶香濃幼滑; 通粉湯底濃、厚、味鮮。」- - - 佢哋收晚上11點。由於我哋10點30分嚟食宵夜, 人流唔算繁忙, 伙記哥哥們地都好友善, 有講有笑, 氣氛輕鬆。我哋亦都唔需要以光速嘅速度去完成。去到10點50分嘅時候, 伙記哥哥跟前面有一檯嘅客人講: 「Last Order, 仲有冇嘢叫?」, 客人唔識死, 回答:「遲啲先, 等我睇睇……」, 呢個時候, 我見到伙記哥哥嘅嘴巴已在微微郁動, 看似是用無聲嘅咀咒緊依這位客人。 客人都知道瀨咗嘢, 隨即 order

今日與同事去澳洲牛奶公司午餐.龍尾已經超越了隔離書店了, 澳牛吸引力真係好大好在等左陣就可入座.全部同事都叫38蚊果個餐我落單只係同職員講呢八個字 <<炒蛋 多士 叉通 茶酒>>噢, 學埋專業用語TIM多士 : 金黃色配溶化的牛油炒蛋: 呢度炒蛋出名係滑嫁啦未攪前 - 茶酒表面好清,攪完後 - 匙羹係無痴到任何野飲落好香好滑.部份餐廳的奶茶, 上枱後, 已經有一層深色LAYER係表面形成.攪完係會有深啡色一塊塊咁痴住匙羹/攪棍, 雖然唔知係咩原因,但個人感覺 : 果D深啡色唔靚香港地, 咩都要快.客人落單要快, 食物上得好快只因為LUNCH時間係過特別快

別笑我，我犯賤。今晚，因為一篇文章，我來到了澳牛。當我在網絡上看到《澳牛的黃昏》的時候，實在喜歡到不行。自己雖然是在香港填鴨式背頌出身，然後會讀那些先秦文學之乎者也再到魯迅背影，到大學讀文學，人人也教你要怎要吃文嚼字，我卻特別喜歡這類大眾化文章，又一針見血的文字。當我在廁所踎廁的時候一路因為看這文章忍不住笑了出來的時候（冇錯我現在只會在去廁所才看文章，因為我覺得而家條街真係好多人，如果再做低頭族睇文章的話，我隻腳一定會被街上的大愛再生父母的行李把我的腳板欄腰斬開，而且我被朱薰姐姐日日催眠叫我唔好乘搭扶手電梯的時候造低頭族，所以我而家只會收埋自己係屎坑才會造一個文藝青年，慢慢睇文章，而呢個亦都係最合乎香港人的最經濟原則，一路開一路睇，時間覺得自己絕對賺左個double ，冇錯你冇睇錯係double 100%,就如你今天買銀河聽日升100%的話你的本金係升翻倍，想起都開心，不過有得有失，當然你既手機有機會會掉落屎坑，此刻你才知道做一個文藝青年係要付出幾千蚊的代價的），記得那天笑得非常大聲，特別係當了看過彭浩翔的<出埃及記>時你還記溫碧霞哭著而又帶磁聲的聲線輕輕地說:x我，x