渣華軒 (Closed)

10月份係女朋友加個朋友生日,於是決定再戰渣華軒,由於上次我們訂阿拉斯加大蟹粥全包宴,今次便訂了豪華私房菜全包宴,終於可以試佛跳牆啦           1.大紅乳豬全體:近年來都未試過食咁大隻乳豬,仲要唔肥,皮又香脆,一個字...正           2.士多啤梨生炒骨:士多啤梨加生炒骨,好入味,生炒骨又淋,一般食既係菠蘿配生炒骨,估唔到配士多啤梨仲好食 因為我女朋友鍾意食士多啤梨           3.吉列大海蝦沙律:吉列蝦好脆,配上沙律醬一流,沙律都好美味啊. 因為我女朋友鍾意食沙律           4.瑤柱鮮菇扒碧綠:冬菇好大隻,再加上瑤柱配西蘭花,熱烘烘的非常好.            5.鳳城脆皮走地雞:隻雞本身唔肥,皮又脆,碟邊配上蝦片,唔錯唔錯.          6清蒸生猛沙巴龍躉:條龍躉好大條，但唔夠滑,過左少少火位.          7.回疆熱石火焰羊鞍:中間有火, 熱辣辣香噴噴，羊肉嫩滑,出奇地唔羶. 再加上羊係我女朋友至愛,必食.         8.西芹百合珊瑚蚌煎帶子 - 西芹新鮮,帶子好美味,還有很多腰果啊。

 自己生日朋友提議去渣華軒食飯，已經不是第一次光顧。這間是隱世食店隱藏於渣華道體育館內，如無有人介紹完全不會知道，大約共有8張檯環境一般。老闆兼大廚幽默風趣，該店不設散叫只有中菜圍菜，共有12位3款及6位1款價錢各異。當晚朋友訂了"豪華私房菜全包宴"，共有10度菜、糖水、壽桃及生果並送橙汁一渣，因共14位12位後每位加$150。菜單：大紅乳豬全體 - 甚為大隻，但皮脆小肥，好食。吉列大海蝦沙律 - 脆漿控制得宜，外脆蝦肉甜，沙律生果新鮮。回疆熱石火燄羊鞍 - 本人不吃羊怕羶所以沒吃......西芹百合珊瑚蚌煎帶子 - 大大碟食材新鮮還有很多腰果。瑤柱鮮菇扒碧綠 - 鮮菇大隻，瑤柱也多另加上西蘭花，不錯。士多啤梨生炒骨 - 生炒骨原來可以配士多啤梨，比起配菠蘿有另一種風味。鳳城脆皮走地雞 - 雞皮脆不肥，還配上已小見的炸蝦片。花膠魚翅佛跳牆 - 主菜，材料多多，有雞、雞腳、花膠、魚翅、鮑魚及金華火腿等，但略為清淡。清蒸生猛沙巴龍躉 - 稍為過了點火。黃金裹蒸粽 - 得獎菜式，將裹蒸粽炸到外面脆卜卜裡面仍軟，好食。杏汁官燕大團圓湯圓 - 杏汁很滑很好喝，但芝湯圓較甜。賀壽蟠桃 - 一般的