群記牛肉圓豬手

Open Now

Now Closed

尋日家姐SEND左啲群記豬手相比我媽咪睇，勾起佢條癮😂而自己又未試過，所以決定今日LUNCH陪佢去食😎去到正值係大家既LUNCH時間..十分多人..等枱都等左三個字😵一坐底就即刻叫左兩碗大豬手米($38)、一碗細牛丸米($33)、一個炸牛肉卷($38)同一碟蠔油生菜($10)大豬手米豬手好腍，味淡，佢既精華係個辣醬度，唔點辣醬真係好一般🙄細牛丸米本人覺得同普通街市買既牛肉無乜分別，唔覺話十分彈牙😔炸牛肉卷新鮮炸出，腐竹包住碎牛肉，煮完之後先拎去炸。外層腐竹炸得香脆，裡面既牛肉仍然保持有肉汁唔乾，而且牛味好濃😋再配埋辣醬，變成今餐最好食既食物😍如果唔係特別想食豬手既話，其實可以外賣走因為呢度最大問題係，要客人自己行入舖頭搵位😠舖位已經唔算大，路又迫又窄，每張枱都有人企係隔離等位，食客又有壓力，等既人又成日要讓職員行。點解唔派籌同叫食客係門口排隊呢? 🤔懷舊唔係咁懷囉，危險咁嘛..😢

今朝行經聯和墟，見到依間平時勁多人既舖頭十點幾開左門，無乜人咁就即刻入去叫個大豬手米做早餐先 依度既豬手係用白鹵水整，豬手勁多肉又彈牙，食完真係補充曬骨膠原。另外, 依度既辣椒油好香蒜蓉味,辣味又唔算勁, 配合米粉真係一流.