金子半之助 (東薈城名店倉)

Open Now

Now Closed

天丼（$98）有兩隻炸蝦，兩件炸本菇，一塊小柱魷魚天婦羅餅，一片炸海苔，一片炸莢碗豆，一隻半熟蛋。味道比預期好，炸粉不是鬆鬆脆脆的那類，係脆得嚟又偏軟身的那款。幾款天婦羅最好食竟然係本菇，好厚身而且好juicy。醬汁亦不錯，夠撈哂碗飯。另附上麵豉湯及兩款前菜。PS：自己 scan QR code 落單。另收加一服務費。

門面唔算太起眼，見到係日本全國天丼金賞而被吸引試試。唔好見每個飯的toppings好似得幾樣野，事實上份量好足，非常之飽肚。今次試咗天丼，有茹菌、海老、小柱魷魚天婦羅餅、溫泉蛋，海苔、萊碗豆，配味噌湯同漬物，亦有任飲的熱黑豆水。個人覺得茹菌天婦羅比肉更好食，非常juicy。流心溫泉蛋天婦羅配飯亦都好正。唯一上菜速度會比較慢，可能係即炸的關係。另外天婦羅的粉漿係較輕薄的，加上係放係飯上面，基本上尼到食落已經係淋身，唔係脆口的口感，不過整體味道都不錯。

早前抽到兩張昂平360纜車來回車票兩張, 就和老公一起到東涌影Hello Kitty, 再坐纜車上昂平遊一圈, 回到東涌當然要吃餐好的, 就選了有「日本第一天丼」美譽的日本過江龍天婦羅丼飯專門店的金子半之助.  甫踏進店內, 已聞到陣陣麻油味, 原來金子半之助採用日本特製高級胡麻油, 令其製成的天婦羅芳香撲鼻及色澤較深安排好入座後, 店員先奉上一壺黑豆麥茶, 是自家炮製, 可以解膩.點好餐之後, 吸引到我注意的隨了是牆上的櫻花圖案, 還有桌上一個木製小瓶貼著”醍醐味”,  原來是類似七味粉的調味料。用法不是打開上面的塞子，而是抽開下面的小圓木棒將調味粉倒出來。非常別緻, 另外還有品嚐天丼步驟的介紹, 仔細看完後再稍等一會, 美味的天丼就差不多上桌了.  因為每碗天丼都是現炸的，所以要預點時間等侯一下。軟殼蟹天丼 $158非常豐富, 除了軟殼蟹, 還有海老(蝦), 小柱魷魚天婦羅餅, 溫泉蛋, 海苔(紫菜), 莢豌豆(荷蘭豆).  全部真材實料, 新鮮好味, 蝦肉彈牙, 小柱魷魚口感柔軟有彈性, 海苔以天婦羅方式吃感覺滋味, 莢豌豆很清甜, 品嚐完美味的炸物, 將軟棉棉的炸溫泉蛋戮破,

🍽 餐廳：金子半之助 (東薈城) (東涌)📍 地址: 東涌達東路20號東薈城名店倉1樓101A號舖🎎重現江戶日本的天婦羅風味🇯🇵講起食天婦羅，在筆者朋友圈中較為出名既就係呢間！金子半之助！今次筆者巧合地有緣一試！😍😍😍🍤天丼$98包括：菇菌、海老、小柱魷魚天婦羅餅溫泉蛋、海苔、莢豌豆㊙️獨門秘傳制作，採用日本製天婦羅小麥粉，特選日本新鮮雞蛋，通過黃金比例調配而成。每款炸物都鬆脆無比😍✅食法都有次序，食用一半後，再把半熟溫泉蛋戳破，恰恰好的溫泉蛋蛋液🍳包裹着每一粒米飯🍚，多層次的濕潤口感，讓人齒頰留香😋，食材更有清新柚香🍊，解膩又開胃！☕️配上一杯熱黑豆茶，黑豆性溫平，補益止汗，具有去濕消水腫功效。

去迪士尼玩到筋疲力盡，再入東涌諗住是但食啲嘢就走，見到佢喺OpenRice評價唔錯又唔使排隊，就揀佢啦，點知一試就有驚喜入座俾咗個杯仔入面有黑豆，但係如果麥茶係凍唔係熱嘅就好啦，同同行朋友兩個都攰又細食，大家都叫咗個天丼，所以無得比較。所有天婦羅都炸得好熱，醬汁唔會過鹹又好惹味，個炸菇菇係全場最佳，好似食緊肉咁但又更加鮮味多汁！反而蝦就炸得有啲老啦～食個陣唔覺得油，但食完都有少少濟，雖然可以單點天婦羅，但都係食到都唔夠先再加單啦整體唔錯，有機會都想再嚟食過！

每次去東薈城，金子半之助餐廳一定係我一家人其中一間去嘅餐廳👍🏻今次一家三口都食「天丼」，原因係大家都好想食天婦羅蝦🍤魷魚🦑和草菇😋所有食物即叫即炸，烏冬又係，新鮮熱辣，好脆、好新鮮，勁好食👍🏻飯後飲杯黑豆茶，好解膩，好香，好飲，我次次都飲起碼3杯😋

因工作關係，去左東涌工作，同同事今次去左食呢間金子半之助食炸物天丼。餐廳定食選擇不多，以炸物丼為主，每個set都會送味噌湯同漬物，而漬物係酸蘿蔔同酸薑 ，酸蘿蔔好好食，而餐廳有黑豆茶任飲，黑豆茶配炸物剛好可以去除食後解油膩感。我叫左個天丼，天丼的炸菇菌非常香甜，仲有主角炸蝦及配角魷魚 ，炸粉又薄又脆 ，好正及味美。食到半路篤穿隻流心蛋，蛋汁滲入D飯粒内，非常滿足🤩。同事叫左個稻亭烏冬+迷你丼兩食，兩食set 賣相好吸引！仲有個月光寶盒咁既箱放住四款配菜比你自由加落烏冬一齊食，睇見都好開胃。總結黎講，食物質素好高，味道比之前試過其他天丼更濃啲。可以一試

返工前約同事食晏，限聚令下只能兩人一枱，朋友先到攞位，我去到門面日式布門檔，入內見淺木傢具，很日式感覺，枱面細放了調味料+餐具！店員上了黑豆茶，味道幾特別，很快就上菜迷你天丼+稻亭烏冬（$118）木盤上菜，前菜是子薑+醃白蘿蔔，子薑嫩，酸酸的開胃，白蘿蔔清爽無渣，微酸開胃，原來上烏冬會有一木食盒，入面放咗烏冬配菜，竟然有溫泉蛋，很豪華！（溫泉蛋、蔥、海帶、炸屑未、木耳絲）我落了自己喜歡的，烏冬很幼，順滑又彈牙，鰹魚湯清爽，溫泉蛋蛋味濃，嫩滑好味！迷你丼豪華，雖然炸衣唔算脆，薄薄的唔算油膩，蝦肉爽口，菇是驚喜地彈牙，菇味濃，豌豆爽脆，海苔鬆脆，南瓜片夠甜，白飯是珍珠米，夠鬆軟，淋上甜豉油簡單好味！食完一份很飽很飽！同事食：天丼（$98）食物滿意，店員有禮，上菜時會講解一下！地方乾淨舒服！是不錯的午飯地方食日本菜止下日本癮

久久無外出走走， 幸得皇上又放假， 決定去「行商場」😂， 行到攰， 好想食下天婦羅， 又見無人排隊， 當然要試下啦， 雖然選擇唔多， 但每款都做得好精緻⋯⋯ 一試難忘👏🏻上天丼鱚魚， 海老， 小柱魷魚天婦羅， 溫泉蛋， 海苔， 莢碗豆， 味噌湯， 漬物。💋無想過入口即溶。 無油益味， 亦都唔油膩。 份量都夠滿足皇上🤪，店員亦都簡單介紹如何食的先後次序， 要先食一半飯， 次後才用溫泉蛋破開， 😋令餘下的飯有沾有蛋醬。 還有配上黑豆茶，亦比較特別。 😃 天丼菇菌， 海老， 小柱魷魚天婦羅， 溫泉蛋， 海苔， 莢碗豆， 味噌湯， 漬物這個相對比較清一些， 因為是菇菌。 但味道同樣是好好味食的次序

成間餐廳其實得3款食物揀🤣🤣江户前天丼有穴子，海老，小柱魷魚🦑天婦羅餅，溫泉蛋，海苔，碗豆穴子啫係星鰻，鰻魚既一種，佢既口感比起普通鰻魚既質感林啲，但係成條都好長，以價錢$138黎講, cp值好高，最推介食尼個其實除咗第一個餸，其他配菜都一樣，而連溫泉蛋同海苔都係炸既，其實全部天婦羅🍤都好好食，但係海苔俾到好大驚喜我，個口感超好食。天丼既主菜係菇菌，因為我個人幾中意菇，所以覺得幾多，但就Cp值就冇其他個2個咁高所有丼飯都配有一碗麵豉湯同小菜，有酸薑同白蘿蔔，咁樣cp值更加高，好推介大家食最後有個好貼心既位係，因為全部都係炸物，所以佢地準備左黑豆茶，話可以解膩

新年試新嘢！開張無耐嘅呢間天丼，連續5屆獲日本全國天丼金賞，間唔時都傳出陣陣香味！今日一於嚟試吓。晏晝3點幾嚟，人唔算多，店入面都幾多位，空間感充足，不過店入面始終難免有少少油益味。與友人分別叫咗上天丼同天丼。樣子不錯哦～店員端上食物時亦都有細心解釋食法。 我就覺得天婦羅加醬汁，比想像中好味。而以不愛好天婦羅而言，係水平之上嘅！不過愛好天婦羅嘅友人就嫌有醬汁令天婦羅唔夠乾身。上天丼多咗鱚魚，我覺得有少許腥。整體嚟講，溫泉蛋有輕微煎過外皮，香口！小柱魷魚天婦羅餅同海老都好味，一口咬上去唔覺得油淋淋。店員建議食到一半，督穿溫泉蛋，將蛋汁混飯一齊食！茶加入黑豆，個人不喜歡豆類，覺得麻麻。3點至6點有雙倍印花，儲夠8個就有碗天丼（價值$98）送！

記得嗰陣時喺東京嘅時候好想食 不過唔記得咗因為咩原因最後食唔到🥱既然喺香港開咗 就要一完當初東京嘅遺憾🙃其實我對佢嘅期望都幾高 因為佢好似喺東京名堂好響 而且外貌超吸引🤓〰️✏️ 天丼 ($98)我叫咗最多人叫 而且價錢最實惠嘅天丼 內裏炸物包括有舞茸/海老/小柱魷魚天婦羅餅/溫泉蛋/海苔/莢碗豆😋價錢已經係包埋味噌湯同埋漬物!咁多款炸物入面 我最鍾意嘅炸物係炸舞茸 一來因為特別 二來佢係超級juicy!!而且菇嘅香味好得出🍄第二最鍾意嘅係佢嘅溫泉蛋 篤開咗蛋汁撈飯一流🥚〰️飯本身係淋咗適量嘅甜醬汁 米係珍珠米不過整體其實我幾失望 因為所有嘅天婦羅炸物都油膩感都好重下 而且只炸到丁點微脆 普遍偏淋🥱有某幾款炸物(特別係塊紫菜🥱)甚至乎係過分油膩🦦真係咬落去就覺得成個口都係油嘅感覺🥱而且佢嘅炸粉咬落去係同個食物算係有啲分離下🥱感覺唔係太良好〰️整體嚟講試過一次 應該唔會再encore 就當完了東京嘅遺憾 但似乎佢打破唔到過江就唔係龍嘅詛咒🥱