魂 (Closed)

從前，灣仔鵝頸橋附近有一間隱世拉麵，位置一D都唔起眼...記得上年有一日係附近返工行過,發現結業了...直到最近，竟然發現了搬左黎太子...當然要去再去回味!因為早黎到,所以不用等位(以前係灣仔常常大排長龍呢)地方大了很多...坐得舒服（有日本風格的佈置）而家仲可以用平板電腦落單，好方便還有小食（所以都叫了兩款黎試試）男朋友吃的：青龍他說水準依然，波菜豚骨湯好好飲，味道濃郁麵條是曲麵，更加吸收到湯的精華！我吃的是：太極是墨魚汁配豚骨湯，很香的墨魚汁配上豚骨湯，十分鮮甜。玉子好好食，是流心蛋另外試了兩款小食清酒煮蜆就食得多，其實個精華，係個清酒湯到，蜆還是次要...真係意想不到個清酒湯咁好飲，我同男朋友搶住成碗飲晒！不過，蜆都好新鮮呢餃子大隻...份量十足餃子皮十分脆，而且入面都有唔少肉汁...＊＊＊還好在九龍區，方便日後ENCORE！

隔三幾個月就會食番次拉麵，對上一次喺三個月前晌灣仔嘅「幸屋」，拉麵算得上香港人頗鍾意嘅日食之一，不時都仲聽到新拉麵店開業，真喺開極都有，而每家拉麵店都有其獨有殺手鐧。今晚，同友人嚟到太子嘅「魂」，又會以咩應戰呢？依一截西洋菜街以酒吧居多，所以，深紅色布幡，再加上兩大個「拉麵」紅燈籠，遠處就認出店家。晌門口，見有個大大個易拉架作介紹，始知原來店家晌灣仔鵝頸橋屹立多年，真喺有點失閣晒。之前上網都大概了解過晒餐廳主打4款口味嘅拉麵，包括「魂」、「火魂」、「太極」及「青龍」，均以豚骨湯為基礎，除原味，另3款就加入唔同嘅味道作變化，分別喺蕃茄辣汁、墨魚汁和菠菜汁，猶如風雲變色。鋪外嘅螢光招牌更作簡單嘅介紹以吸引途人，晌黝黑嘅門面其實變得幾搶眼。入到鋪內，格局其實好簡單，左邊喺廚房，對出就喺一列面壁單丁位，一格格間開晒；而右方就喺4人為主嘅散格，有需要就拉番開啲為兩張2人枱。修簡比較簡單，小木枱、小木櫈、昏黃小燈，唔算話好大賣日本風。 反而，廚房上嘅海報倒吸引我，「日本產雞蛋使用店」自然令人對其用料增添信心。而枱下嘅小掛勾亦喺便民嘅設計！店家用上平板作餐牌加落單工具，一舉兩得，又環保。晌門口無留意

魂，這間拉麵店獨特之處就是只有四種拉麵，與很多日本的小店一樣，只專注做幾款食物，只是用心製作幾種食物，不需要花巧，這是我最欣賞的。四款拉麺：▪️魂（$89）濃豚骨湯、义燒、玉子▪️火魂（$99）蕃茄辣汁配豚骨湯、义燒、玉子、三文魚肉▪️太極 ($99)墨魚汁配濃骨湯、义燒、玉子、蟹膏、金箔▪️青龍 ($99 晚上六時後供應）秘製菠菜汁配豚骨湯、义燒、玉子、蟹肉、魚子醬魂（$89）我們選擇了魂拉麵，因為是原味的豚骨湯是拉麵的靈魂，從中可以試到湯底的原汁原味，濃濃的湯底充滿豚骨的香甜味。拉麵選擇了中等硬度，麵質爽彈，义燒有肉味，肥瘦適中。玉子有半隻，流心的蛋黃正合我的心意。落單除了可以用 order 紙外，亦可用平板電腦，更可選擇麵的軟硬度和醬油的濃度。太極（$99）太極就是黑黑的墨魚汁配奶白的豚骨湯。墨魚汁倒進碗內一半的麵條，令麵條一半黑、一半白、形成太極。濃黑的墨汁把麵條也染了黑色，麵條爽彈。义燒上面放了一份蟹膏，蟹膏上有一點金箔，蟹膏鮮甜，金箔矜貴。濃黑的墨汁把麵條也染了黑色，麵條爽彈。墨魚汁真是黑過墨汁。麵條一半黑、一半白、形成太極日本梅子雪碧（$18）梅子是日本產的，配合雪碧，甜甜酸酸，

銅鑼灣鵝頸橋的魂拉麵算係較早期拉麵熱潮興起的其中之一。個時我覺得魂真係好好食，個湯底係好濃郁同厚身，咁岩我又去完東京食無敵家，覺得魂個味做得好似。雖然舖頭細細，夜晚成日都大排長龍，所以以前我通常都係下晝去，好後期先有機會食到晚市限定的青龍。初時拉麵熱潮興起比較多人食豬骨湯拉麵，辣的或者墨魚汁的拉麵比較少見。佢地做拉麵好認真架，每一碗麵師傅都fing同個麵乾晒水（我成日覺得碗碗麵都咁fing會唔會工傷）。每次食完我都覺得大滿足（拉麵係要食完飽到濟濟地咁先最正）。之後銅鑼灣越來越多拉麵舖，越來越多選擇就少左返去食魂了，而且佢條人龍都無左。某日見好耐無食返去食個味道完全唔同晒！個濃厚的感覺無左而且好淡味。魂個「靈魂」無左！所以我就無再食了。最近經過鵝頸橋發現佢竟然執左！好surprise 又有點失落，話晒都有開左都4年幾都有感情，以為佢被依家的拉麵熱潮淘汰都覺得可惜。後來知道原來唔係執左只係搬左，所以決定再去一試。地點好方便，太子警署後面，A出口一出過對面街就係。舖頭比以前大好多，但lunch 1:30入到去一枱客都無（可能因為閒日近中秋關係？），我同朋友就好似包場食拉麵咁。Menu無變，我

前幾日同女朋友行過太子旺角警署嗰邊，佢話好想食拉麵，所以試咗呢間新開嘅拉麵，原來係喺銅鑼灣鵝頸橋嗰邊搬過嚟，都係呢幾日先開返。成個環境好舒服，裝修好有日本風，每人嗌咗一碗，啲麵同醬油又有得揀軟硬度同濃淡度，有啲似一蘭。我要咗太極，女朋友要咗魂，等咗一陣就嚟，速度都幾快。兩碗麵個豬骨湯底都好濃，值得留意嘅係佢嘅特色就係個湯底比一般湯底傑，幾有豬骨味，湯汁適中，又唔算太少，不過可以多啲。啲麵比其他拉麵更加粗，而且唔係直嘅，攣攣地咁，大概就好似出前一丁咁，女朋友就嫌太粗，不過我就幾鐘意，因為可以掛起更多湯汁，更加好食。兩碗麵都有一大片紫菜,叉燒同玉子(溏心蛋)，叉燒冇雪味，而且size都幾大，蛋都唔錯，唔會話熟過頭咁樣，聽老細講係之前用過唔少其他蛋，效果麻麻地，最後先用咗日本蛋，唔怪之得咁有蛋味，老細話最好大啖咁食，咁就會有清涼嘅感覺。麵質方面，我地要左硬嘅麵質，嚟到又真係硬嘅，醬油味道都幾適中，我嗰碗太極有埋蟹膏，同啲墨魚汁都夾，不過墨魚汁浸味就唔太出喇。總括嚟講，呢間舖又唔算太貴，食物質素又ok，都值得下次再去嘅。